«Աղմուկ և լույս». Շառլ Ազնավուրը և այլ հայտնիներ ֆլեշմոբ կիրականացնեն Փարիզի ահաբեկչությունների վայրերում

 Ֆրանսիացի հայտնի դեմքերը, այդ թվում աշխարահահռչակ հայազգի շանսոնյե Շառլ Ազնավուրը, դերասանուհի Սիլվի Տեստյուն, Արաբական աշխարհի ինստիտուտի նախագահ Ժակ Լանգը նոյեմբերի 20-ի երեկոյան՝ Ֆրանսիայի ժամանակով 21:20-ին, Փարիզում տեղի ունեցած ահաբեկչությունների վայրերում կանցկացնեն «Աղմուկ և լույս» խորագրով ակցիա-ֆլեշ-մոբ:Այդ մասին հայտնում է Huffington Post-ը:

«Մեկ շաբաթ անց վառեք մոմեր և լույսեր մեր սրճարաններում, փողոցներում, մեր քաղաքներում, նրանք ատում են մեր երաժշտությունը: Թող լինի աղմուկ և լույս, այնպես, որ նրանք հասկանան, թե ինչ են կորցրել: Մենք միասին կանենք սովորական ակցիա, այստեղ-այնտեղ, որպեսզի ցույց տանք, որ կրկին շարունակելու է փայլել մեր մշակույթը և ճառագել հույսի և եղբայրության լույս»,- ասված է մի խումբ հայտնիների հրապարակած հոդվածում:

Հոդվածի ներքո ստորագրել են նաև ռեժիսորներ՝ Ալեքսանդր Արկադին, Էլի Շուղաքին, Դիան Կուրին, Ջամել Բենսալան, դերասաններ՝ Սմենը և Ժան Բենգիգին, լրագրող Անն Սինկլերը, քաղաքագետ Ժիլ Կեպելը և այլք:      

Նոյեմբերի 13-ի երեկոյան Ֆրանսիայի մայրաքաղաք Փարիզում միաժամանակ ահաբեկչություններ են տեղի ունեցել քաղաքի 6 տարբերվայրերում: Ահաբեկչության հետևանքով, ըստ Ֆրանսիայի դատախազության հրապարակած տվյալների, զոհվել է 129, տուժել, տարբեր տվյալներով, 260- 350 մարդ: Երկրում հաստատվել է արտակարգ դրություն, որը կտևի ևս երեք ամի ս: Հայտարարվել խիստվերահսկողություն պետական սահմանների նկատմամբ: Ահաբեկչությունից ժամեր անց նախագահ Ֆրանսուա Օլանդը հրավիրել էարտակարգ խորհրդակցություն: Նա ահաբեկչության ծավալներն աննախադեպ է անվանել և մեղադրել «Իսլամական պետություն»խմբավորմանը: