Նվազագույն աշխատավարձը 68.000 դր. դարձնելը լուծում չէ. Վահրամ Թոքմաջյան
ԲԼՈԳՊատմաբան Վահրամ Թոքմաջյանը ֆեյսբուքյան իր էջում գրել է.
«Ուրախ եմ, որ նվազագույն աշխատավարձը դարձավ 68.000 դրամ: Ներեցեք, բայց դա լուծում չէ, ընկերներ: 88 պատգամավոր աշխատավարձ չեն ստանում, որպեսզի կառավարության որոշումները պատերին կիսվեն: Հայաստանում սոցիալական կյանքը և եկամուտները ծայրահեղ բևեռացված են: Մի օլիգարխի լամուկի ավտոյի պակռիշկեն ավելի շատ արժե, քան 20 մանկավարժի աշխատավարձը միասին վերցրած: Երբևէ տեսե՞լ եք մարզերից Երևան եկած դպրոցական խմբեր, որոնք քրտինքի մեջ կորած, վերջին կոպեկներով առած շորերով, անխնամ ու ծնողների մի քանի գիշեր չքնած եկամտի արդյունքում՝ ավտոբուսի փող են հավաքել, մի հատիկ էլ լցնովի պաղպաղակ են կարողացել գնել ու շրջում են Կասկադում: Նրանց հայացքի մեջ՝ ցանկալի, նախանձող, երանելի, ապրող, կենսախինդ, ձգտող՝ կարելի է տեսնել Հայաստանը: Հայաստանն այն բաշիբոզուկ 18-ամյա գլամուրները չեն, որոնք հորերի թալանածների հաշվին, 3 շերտ ոտի փուռչ էն էպիլացիա արել ու հիմա էլ, Կասկադի սրճարանների էլիտար, բայց քստմնելի տիրույթից, մի տեսակ վերամբարձ նողկանքով ու արգահատելի հեգնանքով նայում են մարզերից եկած դպրոցականների խմբերին: Սոցիալական այս ծայրահեղ տարբերությունների մասին պետք ունենք մտածելու»: