Ասեք, թե ով է ձեր կինը կամ ամուսինը հորոսկոպով, և ես կասեմ, թե ինչպիսին կլինի ձեր կյանքը նրա հետ…

Past.am

ԽՈՅ:  Կինը. հեշտությամբ են սիրահարվում, սակայն նույնքան հեշտությամբ էլ սառում են: Դրա հետ մեկտեղ, եթե իսկապես սիրում են, ապա դա ողջ կյանքի համար է: Փառասեր են, ամուսիններին հաջողության են մղում: Նրանց հետ շփման ժամանակ նրբանկատություն է պետք, հակված են վիրավորվել կոպտությունից ու անուշադիր վերաբերմունքից:

Ամուսինը. իմաստնություն են ձեռք բերում միայն հասուն տարիքում՝ 30-ից հետո: Գրավիչ են ու շփվող, իրենց կանանց բարձրացնում են պատվանդանին, հազվադեպ են նրանց քննադատում: Երբեմն նրանց պակասում է խստությունը: Նրանք նաև հետևողական չեն ու իմպուլսիվ են գործողություններում ու խոսքերում:

ՑՈՒԼ:Կինը. նրանք թեթև բնավորություն ունեն, դրա հետ մեկտեղ շատ գործնական են: Լավ տնտեսուհիներ են, տանը հարմարավետություն են ստեղծում, հոգ են տանում ամուսինների մասին, սակայն դրա համար նյութական ու բարոյական փոխհատուցում են պահանջում: Նրանցից ամուսնալուծվել կամ նրանց հետ վիճելը շատ դժվար է, եթե իրենք դա չեն ուզում: Ամուսնական կարգավիճակը այս կանանց համար շատ կարևոր է:

Ամուսինը. նրանց համար սիրո մեջ հաջողություններից առավել կարևոր է ամուսնությունը: Լավ ամուսիններ են՝ հուսալի, հավատարիմ, իսկական տանտերեր են իրենց տանը: Դրա հետ մեկտեղ քչախոս են ու կասկածամիտ: Երբեմն կարող են ձանձրալի լինել, փոխարենը հիմնավոր են ամեն ինչում:

ԵՐԿՎՈՐՅԱԿՆԵՐ: Կինը. նրանք կանացի են, հնարամիտ, առաջին տեղում դնում են գեղեցկությունն ու սերը, նոր միայն՝ տունը: Լավ մայրեր են, երեխաների համար կարող են մարել սեփական հույզերը: Պահանջկոտ են ամուսնության նյութական կողմի հանդեպ: Կարող են թեթևամիտ տպավորություն թողնել, սակայն դա այնքան էլ այդպես չէ: Հեշտությամբ ու հաճույքով են հյուրեր ընդունում, լավ տնտեսուհիներ են:

Ամուսինը. նրանց կարգախոսն է՝ սերը խաղ է: Զարգացած մտավոր ունակություններ ունեն, տպավորվող են: Սիրում են սիրախաղը, սակայն ֆիզիկական դավաճանությունը նրանց համար ոչինչ չարժե, հոգեպես շատ կապված են իրենց կանանց: Տանել չեն կարողանում վեճերը, հսկողությունն ու ազատության ցանկացած սահմանափակում:

ԽԵՑԳԵՏԻՆ: Կինը. նրանք իդեալական, հավատարիմ կանայք ու մայրեր են: Հաճախ երեխաներին ամուսիններից շատ են սիրում: Հիանալի տանտիրուհիներ են, կրքոտ սիրուհիներ, սակայն շատ խանդոտ են, սեփականատիրական զգացումներ ունեն: Հիանալի են պատրաստում, նրանց տունը միշտ հարմրավետությամբ ու համեղ ուտելիքների բույրով լի է: Գրավիչ ու խելացի զրուցակիցներ են հյուրերի համար, խնայող տանտիրուհիներ են:

Ամուսինը. նրանց համար կյանքն իմաստ չունի առանց սիրո, ամբողջովին տրվում են կրքերին ու զգացմունքներին: Փոփոխական տրամադրությունը հաճախ փոխանցվում է երեխաներին ու կնոջը: Հաճախ ընտանիքին նվիրված, օրինակելի ամուսիններ են: Սիրելի կանայք նրանց համար մշտապես ներշնչանք են հանդիսանում ու մղում են ակտիվ աշխատանքի: Նվիրված են, սակայն կարող են շատ խնայող լինել:

ԱՌՅՈՒԾ: Կինը. այս կանայք շատ գրավիչ են ու կրքոտ: Լավ տանտիրուհիներ ու խոհարարուհիներ են, պատասխանատվության մեծ զգացում ունեն, սակայն իրենց անձի հանդեպ մշտապես մեծ ուշադրություն են պահանջում: Պահանջկոտ են կյանքի նյութական կողմի հանդեպ: Եթե ամուսնու հետ հարաբերությունները չեն ստացվում, կարող են ամբողջովին նվիրվել երեխաներին: Նրանք իրենց հիանալի են դրսևորում հավաքույթներին, լավ դաստիարակներ են ոչ միայն երեխաների, այլև իրենց ամուսինների համար:

Ամուսինը. նրանք ռոմանտիկ են, սակայն կնոջից իրենց անձի հանդեպ պաշտամունք են ակնկալում: Առատաձեռն են, սիրում են նվերներ անել: Կարող են տունը փոխարինել հասարակական կյանքով. նստակյաց կյանքը նրանց հատուկ չէ: Մեծահոգի են, սակայն նաև շատ խանդոտ են, հաճախ սենտիմենտալ են: Միշտ պաշտում են իրենց երեխաներին, նույնիսկ եթե կանանց հետ հարաբերությունները ներդաշնակ չեն լինում:

ԿՈՒՅՍ: Կինը. նրանց վերլուծական միտքը գերակշռում է հույզերի վրա: Չափից դուրս տարված են սեփական առողջությամբ ու տան մաքրությամբ: Շատ ուշադիր են ամուսինների, երեխաների հանդեպ, հոգատար ու խնայող տանտիրուհիներ են: Ռացիոնալ են ամեն ինչում: Ամուսնու մեջ հաճախ կարող է տպավորություն ստեղծվել, որ կինը սառն է իր հանդեպ, սակայն դա այդպես չէ, ուղղակի Կույսերին հատուկ է որոշակի ցինիզմը:

Ամուսինը. երկակի ու հակասական անձնավորություններ են. սառնությունը համադրվում է սենտիմենտալության հետ: Շատ են վախենում քննադատությունից: Լավատես են, հաճախ աստվածացնում են կնոջը: Եթե գտնում են մեկին, ով լիովին հասկանում է նրանց էությունը, անմնացորդ նվիրվում են ընտանիքին: Շատ են սիրում երեխաներին, միշտ զբաղվում են նրանցով:

ԿՇԵՌՔ: Կինը. նրանք սենտիմենտալ են, կանացի, սիրում են, երբ իրենց մեծարում են: Հակառակ դեպքում կարող են դեպրեսիայի մեջ ընկնել: Խանդոտ են, հաճախ առաջին տեղում կարող են դնել տան հարմարավետությունը, հետո՝ նոր միայն սերը: Միշտ երազում են հարուստ ամուսնու մասին, չեն ամուսնանա այդ իմաստով անհեռանկար մարդու հետ:

Տղամարդը. նրանք երևի թե ամենից հավատարիմ ամուսիններն են: Երջանիկ են, երբ գնահատում են իրենց զգացմունքները, սակայն դրա հետ մեկտեղ մեծ պահանջներ են ներկայացնում ընտանեկան կյանքին: Ժամանակ առ ժամանակ նրանց պետք է ուշադրությամբ շրջապատել: Չափից դուրս փառասեր են:

ԿԱՐԻՃ: Կինը. այս կանայք ակտիվ են, նրանց հակացուցված է կյանքի միօրինակ ռիթմն ու հոսանքով գնալը: Կրքոտ են, զգայուն, չեն ներում դավաճանությունը: Երեխաներին դիտում են որպես սիրո շարունակություն: Շատ նվիրված են երեխաներին ու ամուսիններին. միայն մի պայմանով, որ նրանք չդավաճանեն: Կարող են հետևել տան մաքրությանը, սակայն այնքան էլ չեն սիրում պատրաստել:

Ամուսինը. այս տղամարդիկ իշխող են, սիրուն անմնացորդ են տրվում: Անհաջող ամուսնության դեպքում կարող են դաժան լինել: Սեփականատիրական զգացում ունեն, խանդոտ են: Սակայն կարող են կյանքի բոլոր հաճույքները փոխարինել ընտանեկան կյանքով, հանուն կնոջ ու երեխաների՝ պատրաստ են ինքնազոհաբերման: Շատ կապված են երեխաների հետ, որպես կանոն կարողանում են նյութապես ապահովել ընտանիքը:

Շարունակությունը՝ այստեղ