Հանրահայտ երգչուհի Ադելի 3-ամյա որդին ունի նրա ջերմության կարիքը

Անցած ամիս Ադելը վերսկսել է իր երաժշտական կարիերան,-տեղեկացնում է Past.am-ը: Նրա վերադարձը ուրախացրել է բոլորին, բացի իր 3-ամյա որդուց՝ Էնջլոյից: Ինչպես հայտնել է 27-ամյա երգչուհին՝ իր որդին «պատժում է» իրեն, երբ նա ժամանակի մեծ մասն իրենից հեռու է անցկացնում:

Ադելը խոստովանել է, որ Էնջլոն, ով իր ու Սայմոն Քոնեքի սիրո ծնունդն է, ստիպել է իրեն մեղավոր զգալ այն բանի համար, որ շատ երկար ժամանակ տնից հեռու է եղել: Նա պատմել է. «Գիտե՞ք որն է ամենասպանիչ բանը: Երբ տուն ես գնում, չես համբերում ՝ երբ ես նրանց տեսնելու, իսկ նրանք պատժում են քեզ: Ամենավատն այն է, որ նրանք հետ են մղում քեզ: Ամենը, ինչ դու ուզում ես անել նրանց սիրելն է, իսկ նրանք՝ ես չեմ ուզում ինձ հետ խաղաս»:Ապա նա շարունակել է. «Սա կարծես թե ամենադժվարն է: Նրանք ստիպում են արտասվել, և հենց դա էլ նրանց ուզածն է: Նրանք այնքա՜ն խելացի են»:

Այնուամենայնիվ, մրցանակակիր երգչուհին բացատրել է, որ ինքը ինչքան հնարավոր է փորձում է Էնջլոյին վերցնել իր հետ շրջագայությունների գնալիս: Նա ավելացրել է. «Նույնիսկ ժամանակն է արձանագրում իմ մեղքը: Ես չեմ կարծում, որ մեզանից ինչ-որ մեկը իսկապես հաղթահարում է այս ամենը: Ես հուզվում եմ այս մասին խոսելիս: Դժվար է նրան թողնելը, հատկապես եթե խանգարող հանգամանք չկա նրան հետս վերցնելու: Նա ինձ հետ գալիս է ամեն տեղ: Այժմ Նյու-Յորքում է և հրաշալի ժամանակ է անցկացնում այստեղ»:

Ադելը, ում նոր՝ 25 հիթերով ալբոմը թողարկվել է նոյեմբերի 20-ին, նշել է, որ երեխա ունենալը փոխել է կյանքի հանդեպ իր հայացքները: «Դա ինձ ամբողջապես, ամեն հնարավոր ձևով փոխել է, և մի ավելի մեծ բան է ինձ հետ կատարվել: Ես ինչ-որ բան էի փափագում, կարոտում, բայց չէի հասկանում՝ ինչ է ուզածս: Նա (որդին) օգնում է ինձ հասկանալ ամենը, ինչ ես սիրում եմ կամ չեմ սիրում»,- ավելացրել է երգչուհին: