Երբ տղամարդու ընկերները զոհվեցին ՃՏՊ-ում, նա որոշեց այնպիսի բան անել, ինչը կփրկեր միլիոնավորների կյանքը

Երբ մենք լսում ենք սարսափելի ճանապարհներին տեղի ունեցած վթարների մասին կամ երբ դրանց ականատես ենք լինում, միշտ մտածում ենք, թե ինչ լավ է, որ դրանք մեզ հետ տեղի չեն ունեցել: Դժբախտաբար, ճակատագիրը ոչ մի երաշխիք չի տալիս ու ոչ ոք չգիտի, թե ինչ է սպասվում շրջադարձից հետո ...

Past.am-ը ձեր ուշադրությանն է ներկայացնում Ապրիլի 11-ին Ռուսաստանի «Դոն» մայրուղում տեղի ունեցած մի սարսափելի վթար. Mitsubishi Pagero Sport-ը գրեթե 120 կմ/ժ արագությամբ մխրճվեց բեռնատարի մեջ, որը կանգ էր առել ճանապարհի մոտ: Մեքենան վերածվեց մետաղե ջարդոնի, ու երեք ուղևորները մահացան տեղում:

Սքրինշոթ վիդեոռեգիստրատորից վթարից վայրկյաններ առաջ

Ինչպես վկայում է տեսագրությունը, մեքենայի բոլոր ուղևորները, ներառյալ վարորդին, քնել էին: Ահա թե ինչ է մնացել Mitsubishi Pagero Sport-ից Օլեգ Ռադուլը՝ զոհերի ընկերը, ով եղել էր ՃՏՊ-ի վայրում, ուսումնասիրելով վիդեոռեգիստրատորի տեսագրությունը, սոցցանցերից մեկում գրառում կատարեց, որը անտարբեր չի թողնի ոչ ոքի:

Տղամարդը խնդրում էր վարորդներին՝ հնարավորինս ուշադիր լինել ղեկին ու չանտեսել հոգնությունը, եթե մեքենա եք վարում: Իր ուղերձում նա 5 կետ է առանձնացնում, որ հարկավոր է կանգնել ու հանգստանալ, հակառակ դեպքում, դա կարող է վատ ավարտ ունենալ:

Եվ այսպես, Past.am-ը ներկայացնում է 5 նշան, որ կարող եք ղեկին ակամա քնել.

1) Ֆոկուսավորում։  Փորձեք նայել նախ ձեզ մոտ դրված իրերին, ապա կենտրոնացրեք ուշադրությունը ճանապարհին: Հետո նորից հայացքն ուղղեք ավտոմեքենայի սարքերի վրա: Սովորական վիճակում աչքերը գրեթե վայրկենապես կարող են որսալ ֆոկուսը, սակայն եթե ցանկանում եք քնել, ապա աչքերը դառնում են ապակյա ու չեն կարողանում արագ անցում կատարել մի օբյեկտից մյուսին:

2) Տեսողական պատրանք։ Եթե հեռվում ֆիգուրներն ու օբյեկտները թվում են կարծես նույնը, իսկ մոտենալիս միանգամայն այլ են թվում, ուրեմն եկել է ահազանգի ժամանակը: Բանն այն է, որ ուղեղը ավելի շուտ է քնում, քան աչքերն են փակվում:

3) Աչքերը թարթելու պահը ։ Երբ ուզում եք քնել, տպավորություն է ստեղծվում, թե երկար եք թարթում աչքերը: Երբ թարթման պրոցեսը ակնհայտ է դառնում, դա առաջին նշանն է, որ արգելվում է այլևս մեքենան վարել։

4) Ծուլություն։  Երբ սթափ եք, ապա խնդիր չէ 18-ը 3-ի բազմապատկելը: Սակայն այն պահին, երբ քունը հաղթում է ձեզ, չեք ուզում ոչ միայն մտածել, այլև ծուլանում եք հաշվել: Այդ ժամանակ հարկավոր է խոսել:

5) Մանր խախտումներ։ Երբ սկսում եք անտեսել ճանապարհային նշանները, հարկավոր է կանգ առնել ու հանգստանալ: Հարկավոր է վարորդին խոսեցնել ու այնպիսի հարցեր տալ, որոնց նա կկարողանա պատասխանել միայն մտածելու դեպքում: 

X