Թանկ ապրանք՝ կարտոֆիլ. ի՞նչ կարժենա ձմռանը

«Փաստ» թերթի տեղեկություններով, Լոռու և Տավուշի մարզերում այս տարի գրանցվել է կարտոֆիլի բավականին ցածր բերք, գյուղացիները դժգոհում են, որ ձմռան շեմին դարձյալ կանգնելու են «կոտրած տաշտակի» առջև:

Մեր թղթակցի հետ զրույցում նրանք նշում էին, որ շատերն անգամ իրենց ցանած սերմացուն չեն կարողացել հավաքեն։

Ավելին, գյուղացիները նաև դժգոհել են, որ բերքն այնքան քիչ է, որ անգամ չեն ցանկանում մեխանիզմով կազմակերպել բերքահավաքի աշխատանքները, որպեսզի հավել յալ գումար չծախսեն, քանի որ առանց այն էլ ծախսված գումարները հազիվ թե «հանեն», էլ չենք խոսում եկամտի մասին։ Սա պայմանավորված է ոչ միայն եղանակային պայմաններով, այլ նաև նրանով, որ մարզերում մարդիկ չեն կարողացել նորմալ կազմակերպել ոռոգման աշխատանքները՝ ՋՕ-երի անգործության և թափթփված աշխատանքի պատճառով։ 

Թերթի տեղեկությունների համաձայն, վիճակը շատ վատ չէ, բայց առանձնապես լավ էլ չէ Գեղարքունիքի մազրում: Ըստ մասնագետների, սրա արդյունքում ձմռանը շուկայում կարտոֆիլը կարող է բավականին թանկ լինել:

Ընդհանրապես, կարծիք կա, որ գյուղմթերքը աշնան ու ձմռան ընթացքում կվաճառվի զգալի թանկ գնով՝ իր բոլոր հետևանքներով