«Օտարերկրյա ուղղակի ներդրումների զուտ հոսքերը կրճատվել են շուրջ 5 անգամ»
ՀԱՐՑԱԶՐՈՒՅՑՕրերս Վանաձորում կայացած մամուլի ասուլիսի ժամանակ վարչապետ Նիկոլ Փաշինյանը ներկայացրեց 100 փաստ «նոր Հայաստանի» մասին:
Դրանք վերաբերում էին տնտեսության տարբեր ճյուղերում, առողջապահական, կրթական ոլորտներում արձանագրված ձեռքբերումներին: Ամեն ինչի մասին խոսվեց թվերի տեսքով, որոնք վկայում են աճի, զարգացման տեմպերի մասին:
Մինչդեռ, օրինակ, տնտեսական զարգացման նախաձեռնությունների կենտրոնը շտապեց 10 հակափաստարկ ներկայացնել` վարչապետի ներկայացրած 100 փաստերից 10 տնտեսական հարցերի վերաբերյալ:
«Փաստն» այս հարցերի շուրջ զրուցել է տնտեսական զարգացման նախաձեռնությունների կենտրոնի տնօրեն Մարինե Առաքել յանի հետ:
-Տիկին Առաքել յան, վարչապետը նշել էր, որ 2019 թվականի առաջին 8 ամիսներին գյուղատնտեսության ոլորտում նախորդ տարվա համեմատ արձանագրվել են փոփոխություններ, մասնավորապես ջերմոցային տնտեսությունների մակերեսն ավելացել է 48 տոկոսով, կաթիլային համակարգերով ոռոգվող հողատարածքների մակերեսը՝ 56 տոկոսով և այլն: Որպես հակափաստարկ նշել էիք, որ տարակարծիք մեկնաբանությունների տեղիք է տալիս իրականացվող փոփոխությունների արդյունավետությունը, քանի որ 2019 թվականի առաջին կիսամյակում գյուղատնտեսության ոլորտը 7,4 տոկոս անկում է գրանցել: Ի վերջո, ի՞նչ պատկեր ունենք գյուղատնտեսության ոլորտում:
-Այո՛, գյուղատնտեսության ոլորտը նվազել է 7,4 տոկոսով` հանգեցնելով տնտեսության ակտիվության դանդաղեցմանը: Ընդ որում՝ բուսաբուծությունն անկում է գրանցել 15,3 տոկոսով, իսկ անասնաբուծությունը՝ 3 տոկոսով: Բուսաբուծության նվազումը պայմանավորված է եղել պտղի և հատապտուղների, հացահատիկի և կարտոֆիլի բերքի նվազմամբ՝ համապատասխանաբար 51,4 տոկոսով, 18,7 տոկոսով և 13,5 տոկոսով: Անասնաբուծության վրա իր ազդեցությունն է թողել կենդանիների և թռչնի սպանդը՝ գրանցելով 4,1 տոկոս անկում:
Գյուղատնտեսության ոլորտում առկա խնդիրները համակարգային լուծումների կարիք ունեն, ինչը ենթադրում է մեծածավալ ներդրումներ գյուղատնտեսության և գյուղատնտեսության վերամշակման ոլորտում՝ այդ բնագավառում առնվազն դրական միտումներ արձանագրելու և բնակլիմայական ոչ բարենպաստ գործոնները չեզոքացնելու համար:
-Վարչապետը նշել է, որ 2015 թվականից ի վեր առաջին անգամ արձանագրվել է արտաքին պետական պարտքի նվազման միտում: 2019 թվականի հունիսի դրությամբ, վերջին 15 ամիսների ընթացքում Հայաստանի արտաքին պետական պարտքը նվազել է 120 մլն դոլարով կամ 2,1 տոկոսով: Եթե թվերը համապատասխանում են իրականությանը, ինչո՞վ է պայմանավորված նվազումը:
-ՀՀ պետական պարտքը, որը բաղկացած է ներքին և արտաքին պարտքից, 15 ամիսների ընթացքում աճել է շուրջ 47 մլն ԱՄՆ դոլարով՝ կազմելով 6 մլրդ 934 մլն ԱՄՆ դոլար:
Եթե դիտարկենք միայն արտաքին պետական պարտքը, այո, այն նվազել է շուրջ 120 (118,6) մլն ԱՄՆ դոլարով: Այն պայմանավորված է եղել ՀՀ ԿԲ-ի արտաքին պարտքի մարմամբ և վերագնահատմամբ (ԱՄՆ դոլարի նկատմամբ ազատ փոխարկելի տարադրամի` SDR-ի և եվրոյի արժեզրկմամբ), իսկ ՀՀ կառավարության արտաքին պարտքի կրճատումը պայմանավորված է եղել հիմնականում վերագնահատմամբ:
-Ներկայումս սպառողական շուկայում առկա՞ է գնաճ, ինչպե՞ս է այն հնարավոր զսպել: Ի՞նչ պատկեր կունենանք 2020 թվականի հունվարի 1-ից, երբ սկսեն գործել ԵԱՏՄ մաքսատուրքերը:
-Չնայած սպառողական գների ինդեքսը հաշվետու տարվա յոթ ամիսներին կազմել է 1,9 տոկոս և չի գերազանցում թիրախային 4 տոկոս ցուցանիշը, այդուհանդերձ, առաջին անհրաժեշտության որոշ պարենային ապրանքների գծով արձանագրվել է կտրուկ աճ:
Օրինակ՝ 2019 թվականի հուլիսին նախորդ տարվա հուլիսի նկատմամբ կարտոֆիլի գինն աճել է 75,4 տոկոսով, ձվի գինը՝ 38,9 տոկոսով, թռչնամսի գինն աճել է 13,6 տոկոսով, բանջարեղենինը՝ 11,7 տոկոսով, մակարոնեղենի գինը՝ 8,4 տոկոսով, հացի գինը 5,5 տոկոսով և այլն:
Երրորդ երկրներից ներկրվող առանձին վերցված ապրանքների գծով գների բարձրացումը 2020 թվականի հունվարի մեկից հետո պայմանավորված է լինելու ԵԱՏՄ միասնական մաքսային սակագնի (ՄՄՍ) դրույքաչափերի կիրառմամբ (ավտոմեքենա) կամ անցումային շրջանում բարձրացող դրույքաչափերի հետ (սառեցրած հավի միս, տավարի միս, արևածաղկի ձեթ, կարագ և այլն), որոնք կհավասարվեն ԵԱՏՄ ՄՄՍ դրույքաչափերին 2022 թվականին:
Նշեմ, որ գյուղական և բուսական ծագում ունեցող մի շարք ապրանքների թանկացումը՝ բնակլիմայական աղետներով կամ ԵԱՏՄ ՄՄՍ դրույքաչափերով պայմանավորված, կարելի է մեղմել տարբեր միջոցառումներ իրականացնելով, օրինակ՝ տեղական արտադրանքի ծավալների աճը և բնակլիմայական աղետների դեմ արդյունավետ պայքարը, կամ անհրաժեշտ ապրանքատեսակները ներմուծել հիմնականում ԵԱՏՄ երկրներից կամ երկրներից, որոնց հետ ՀՀ-ն ազատ առևտրի համաձայնագիր ունի:
-Վարչապետը, կարծես թե, չխոսեց օտարերկրյա ներդրումների մասին: Ի՞նչ պատկեր ունենք այս առումով:
-Օտարերկրյա ուղղակի ներդրումների կիսամյակային ցուցանիշները դեռևս հրապարակված չեն, սակայն նախնական պատկեր ստանալու համար կարող ենք դիտարկել նաև տնտեսության իրական հատվածում կատարված օտարերկրյա ուղղակի ներդրումների զուտ հոսքերի դինամիկան, ինչը ստացումների և մարումների տարբերությունն է: Օտարերկրյա ուղղակի ներդրումների զուտ հոսքերը կրճատվել են շուրջ 5 անգամ՝ կազմելով 7,8 միլիարդ դրամ: Նշեմ, որ վիճակագրական կոմիտեի ցանկում ներառված են երեք տասնյակից ավելի երկրներ, և ուշագրավ է, որ դրանցից ավելի քան 50 տոկոսի դեպքում արձանագրվել է ներդրումային զուտ հոսքերի նվազում:
Ջերսիի դեպքում արձանագրվել է ամենամեծ փոփոխությունը, որտեղից ներդրումները 2019 թվականի առաջին կիսամյակում կազմել է 0 դրամ: Ներդրումներն այս երկրից կատարում է «Լիդիան Արմենիա» ընկերությունը, և սա պայմանավորված է Ամուլսարի ծրագրի փաստացի սառեցմամբ:
ԼՈՒՍԻՆԵ ԱՌԱՔԵԼՅԱՆ
![](/timthumb.php?src=disc/16-06-24/25e7c0ecb599aeacc5bb2bdb45605e8b.jpg&w=60&h=60)
![](/timthumb.php?src=disc/16-06-24/064d0da47186959de2d3191dd04469d9.jpg&w=60&h=60)
![](/timthumb.php?src=disc/16-06-24/318463129001f2a2e9901c82f5afba03.jpg&w=60&h=60)
![](/timthumb.php?src=disc/16-06-24/33b62342349489126247321947648bdc.jpg&w=60&h=60)
![](/timthumb.php?src=disc/15-06-24/aa5dd11fbacad320e2b3654a169d6575.jpg&w=60&h=60)
![](/timthumb.php?src=disc/15-06-24/752bec800c7067be56ba77a4b1060fac.jpg&w=60&h=60)
![](/timthumb.php?src=disc/15-06-24/452fc0e6253166471bde38d44f24470d.jpg&w=60&h=60)
![](/timthumb.php?src=disc/15-06-24/e306ad59c886c697e421a3323e48ea7b.jpg&w=60&h=60)
![](/timthumb.php?src=disc/15-06-24/a523a831bca186161009dc6806b9754f.jpg&w=60&h=60)
![](/timthumb.php?src=disc/15-06-24/ccc1f0a16d4196274aff0fcfa85be0a3.jpg&w=60&h=60)
![](/timthumb.php?src=disc/15-06-24/550022a83ff495db6bfee110cb3196e9.jpg&w=60&h=60)
![](/timthumb.php?src=disc/15-06-24/2d0289a8b6a8b465329e827e0fd57634.jpg&w=60&h=60)
![](/timthumb.php?src=disc/15-06-24/61dd2cc697bc31850d8a1d9c23909c1e.jpg&w=60&h=60)
![](/timthumb.php?src=disc/15-06-24/90ba613f0516c135d312a313fc8a6217.jpg&w=60&h=60)
![](/timthumb.php?src=disc/15-06-24/7297facaf8aceb82b53a5edd074aa9f9.jpg&w=60&h=60)
![](/timthumb.php?src=disc/15-06-24/517345d961bf5602340bb77889320c61.jpg&w=60&h=60)
![](/timthumb.php?src=disc/15-06-24/e6ef0f1e42d30dee46154ab5b44eef17.jpg&w=60&h=60)
![](/timthumb.php?src=disc/15-06-24/324094a7fabeeb63e22e1c9a55215217.jpg&w=60&h=60)
![](/timthumb.php?src=disc/15-06-24/bbf347df559026c0b8182e0333e1487f.jpg&w=60&h=60)
![](/timthumb.php?src=disc/15-06-24/f00ce66fc3c07e99c3202d65cccda29f.jpg&w=60&h=60)
![](/timthumb.php?src=disc/15-06-24/4f64e86cea5a48955f13630c78c73100.jpg&w=60&h=60)
![](/timthumb.php?src=disc/15-06-24/b6632784b49f2a0ba204990c9ffd3b21.jpg&w=60&h=60)
![](/timthumb.php?src=disc/15-06-24/57f773da75fe9a81ce2884dbf3c54944.jpg&w=60&h=60)
![](/timthumb.php?src=disc/15-06-24/213dbd6c2ac8b8c9ca0979ba1e8006f8.jpg&w=60&h=60)
![](/timthumb.php?src=disc/15-06-24/7b76932c371624ae72bf4226825ca021.jpg&w=60&h=60)
![](/timthumb.php?src=disc/15-06-24/01d076cd2b27656b8793bb22691466f4.jpg&w=60&h=60)
![](/timthumb.php?src=disc/15-06-24/446b238dd4240966674aa6fd0393c096.jpg&w=60&h=60)
![](/timthumb.php?src=disc/15-06-24/403fdc8c39619f441e9a09c0260bf113.jpg&w=60&h=60)
![](/timthumb.php?src=disc/15-06-24/c70eb1174d5dcab37e4b9176af604dd7.jpg&w=60&h=60)
![](/timthumb.php?src=disc/15-06-24/22c628ecf55f277bdd02d6c3b200ab74.jpg&w=60&h=60)
![](/timthumb.php?src=disc/15-06-24/4bd86bb3689b2c0deb78e6255fe5d7e6.jpg&w=60&h=60)
![](/timthumb.php?src=disc/15-06-24/3f08e986ed647a5a94f68e4cc371d481.jpg&w=60&h=60)
![](/timthumb.php?src=disc/15-06-24/667d34c9424da08d48843c4af460797b.jpg&w=60&h=60)
![](/timthumb.php?src=disc/15-06-24/252875e27a8617084bcb27f1e7528d09.jpg&w=60&h=60)
![](/timthumb.php?src=disc/15-06-24/01b753b1d42f0a3df5a3542add5864c5.jpg&w=60&h=60)
![](/timthumb.php?src=disc/15-06-24/2dd61c84a24b860bb7ebf2f6067a6ef0.jpg&w=60&h=60)
![](/timthumb.php?src=disc/15-06-24/074040dee10de9970cf739810d4569ff.jpg&w=60&h=60)
![](/timthumb.php?src=disc/15-06-24/dc03726ec7bd0602f7b5e15a82f2c241.jpg&w=60&h=60)
![](/timthumb.php?src=disc/15-06-24/ebd7cf96d56ba66672174f60a76b499e.jpg&w=60&h=60)
![](/timthumb.php?src=disc/15-06-24/d447e16530b4d063056f1f0c6757986f.jpg&w=60&h=60)
![](/timthumb.php?src=disc/15-06-24/3d1225cb164e164cbcf882d3218e29fb.jpg&w=60&h=60)
![](/timthumb.php?src=disc/15-06-24/ac954d01c07abc627598927921e00a3f.jpg&w=60&h=60)
![](/timthumb.php?src=disc/15-06-24/b087514829845ec3994d1e492a12a632.jpg&w=60&h=60)
![](/timthumb.php?src=disc/15-06-24/019e058dce7728cb70d67fcbf4accc1c.jpg&w=60&h=60)
![](/timthumb.php?src=disc/15-06-24/9b0b59179967116310224e15e21bb99f.jpg&w=60&h=60)
![](/timthumb.php?src=disc/15-06-24/9d42548545256630d88187772d9d8385.jpg&w=60&h=60)
![](/timthumb.php?src=disc/15-06-24/2cf199f947b9bd9102f2899d14e48bd0.jpg&w=60&h=60)
![](/timthumb.php?src=disc/15-06-24/2f87621e10328e4ed68abd15f75823b1.jpg&w=60&h=60)
![](/timthumb.php?src=disc/15-06-24/a6d209b9f5bad1ed7bd9bbd52c9ede81.jpg&w=60&h=60)
![](/timthumb.php?src=disc/15-06-24/d2860b97a1e6fc969c58b7e96907f60e.jpg&w=60&h=60)
![](banners/acba.gif)
![](banners/venus.jpg?v3sd2s)