Փաշինյան- Վանեցյան անձնական բնույթի կոնֆլիկտը, սրանալով, քաղաքական բնույթ է ստանում. Ստեփան Դանիելյան

Past.am

Բացարձակապես անհասկանալի էր վարչապետ Նիկոլ Փաշինյանի ելույթը ԱՄՆ-ում  մարդկանց առջև, որոնք Հայաստանի ներքաղաքական կյանքում ներգրավված չեն եւ խոսել Վանեցյան մասին եւ այլն շատ անտեղի է: Այդ մասին NEWS.am-ի հետ զրույցում ասաց քաղաքագետ Ստեփան Դանիելյանը:

 Ըստ նրա, Նիկոլ Փաշինյանը, գնալով Լոս Անջելես տեղի հայ համայնքի հետ հանդիպմանը, նաեւ իր ելույթում մեսիջներ պետք է  ուղղեր Սփյուռքի մյուս համայնքերին. «Ի՞նչ գործ ունի նա այդ ելույթի ժամանակ անդրադառնում է Վանեցյանին, անդրադառնում է պատիժներին, ընդհանրապես անդրադառնում է Հայաստանի ներքաղաքական կյանքին։ Եթե նա Միացյալ նահանգներում ելույթ է ունենում, ապա, իմ կարծիքով, այդ ելույթը պետք է երկու հատված ունենար. լինեին մեսիջներ՝ ուղղված ԱՄՆ-ին եւ արտաքին քաղաքականությանը:  Եւ մյուս  հատվածը պետք է լիներ՝ առհասարակ ինչպես է տեսնում Հայաստան-սփյուռք հարաբերությունները տվյալ դեպքում Միացյալ նահանգների կոնտեքստում։ Եւ ելույթ ունենալ մարդկանց առաջ, որոնք Հայաստանի ներքաղաքական կյանքում ներգրավված չեն եւ խոսել Վանեցյան մասին եւ այլն, բացարձակ անհասկանալի էր, դա նոնսենս էր, դա անտեղի ելույթ էր»։

Անդրադառնալով  Նիկոլ Փաշինյանի եւ Արթուր Վանեցյանի միջեւ առկա հակասություններին՝ Դանիելյանը նշեց, որ դրանք միջանձնային հարաբերությունների արդյունք են առաջին հերթին: «Պատկերացրեք՝ ինչպիսի հրահանգներ է ստացել այդ մարդը, որ ստիպված է եղել հրաժարվել այդ պաշտոնից։ Եւ պատահական չէր, որ նույնը կատարվեց Օսիպյանի հետ, որը նույնպես իր ելույթում սպայի պատվի մասին խոսեց, սպայի ուսադիրների մասին, որից հետո իրեն տարան վարչապետի խորհրդական, այսինքն պատվավոր աքսորի, որ  լռի։ Հայաստնաում շատ կարեւոր բան է փոխվել։ Հայաստանում երկար ժամանակ կար ինքնավերարտադրվող իշխանություն, եւ երբ որ իրավապահ մարմինները ստանում էին հրահանգներ՝ օրինական կամ անօրինական, իրենք գիտեին՝ իրենց մեջքին կա իշխանություն։ Սակայն հիմա իրավիճակ է փոխվել։ Կյանքը ցույց տվեց, որ այդ իշխանությունը կարող է փոխվել, եւ այդ ոստիկանները կարող են պատժվել իրենց օրկնական կամ անօրինական արաքների համար։ Եւ պատկերացրեք՝ ոչ ոք վստահ չի՝ մի տարի հետո իշխանություն կփոխվի, թե՝ չի փոխվի։ Եւ իրավապահ մարմինների ներկայացուցիչները արդեն ցանկացած հրամանի մասին մտածում են՝ եթե ես այսօր դա կատարեցի, վաղը ինչ է լինելու, դրա հետեւանքները որոնք են լինելու։ Այդ առումով ես կարծում եմ՝ շատերը արդեն կհրաժարվեն կատարել այդ հրահանգները, եւ մարդիկ այս նոր իրավիճակը այնքան էլ լավ չեն հասկանում։ Ես  կարծում եմ, որ սա առաջին անձնական բնույթի կոնֆլիկտ է, եւ այդ անձնական բնույթի կոնֆլիկտը արդեն սրանալով, թեժանալով քաղաքական բնույթ է ստանում»։

Դանելյանի գնահատմամբ՝ Վանեցյանին քաղաքական պերսոնա դարձրեց Նիկոլ Փաշինյանը, քանի որ ԱԱԾ-ի վրա դրվեցին այնպիսի գործառույթներ, որոնք այդ կառույցին չեն վերաբերում եւ ԱԱԾ-ի ղեկավարին դարձրին հրապարակային դեմք։

«Դա մի դեմք է, որը պատժում է նախկիններին հանցագործությունների համար, եւ ինչ-որ Ռոբին Հուդ էր, որը հավաքվածը պետք է բերեր, ժողովրդին բաժաներ։ Եւ այս ժամանակ նույն Նիկոլ Փախինյանին նման կերպար պետք էր իր իշխանությունը ամրապնդելու համար։ Եւ, ըստ էության, Վանեցյանին իրենք սարքեցին քաղաքական դեմք։ Բնականաբար նման մեծ ռեյտինգ ունենալով, պաշտոնաթող լինելով, նույնիսկ իր կամքից անկախ, եթե նա նույնիսկ չցանկանա դառնալ քաղաքական դեմք, իրեն կդարձնեն քաղաքական դեմք՝ անկախ իր կամքից։ Իսկ գուցե այդ դերը իր դուրը գա նաեւ հետագայում»,- նշեց քաղաքագետը։