ԱՄՆ-ն ընդլայնել է Ռուսաստանի դեմ պատժամիջոցները

Ամերիկյան վարչակազմը «սեւ ցուցակում» ներառել է հինգ նավերի, մեկ ընկերության եւ երեք ֆիզիկական անձանց՝ Սիրիայում Ռուսաստանի զինված ուժերին վառելիք մատակարարելու համար։ Այս մասին հինգշաբթի օրը հայտարարել է ԱՄՆ ֆինանսների նախարարության մամուլի ծառայությունը, հաղորդում է ՏԱՍՍ-ը։

Մասնավորապես, պատժամիջոցների են ենթարկվել Maritime Assistance-ը, որն, ինչպես վկայում են, «Սովֆրախտի» կողմից ստեղծված «կեղծ ընկերություն» է, ինչպես նաեւ դրա աշխատակիցներ Իվան Օկորոկովը, Կարեն Ստեփանյանը եւ Իլյա Լոգինովը։ «Սեւ ցուցակում» են հայտնվել «Յազ», «Սիգ», «Սուդակ», «Պասատ» եւ «ОТ-2077» նավերը։