ՊԱՏՄՈՒԹՅԱՆ ԱՅՍ ՕՐԸ (11 ՀՈԿՏԵՄԲԵՐԻ)․ Հա­յաս­տա­նի հա­վա­քա­կա­նի ծանր պար­տու­թյու­նը. փշրված հույ­սեր Դուբ­լի­նում

ՏՈՆԵՐ

Աղջիկ երեխաների միջազգային օր, Մակեդոնիա` Հեղափոխության օր, Բաշկիրիա՝ Հանրապետության օր:

ՀԱՅ-ՀԱՅԱՍՏԱՆ

1901 – ծնվել է բալետի հայ արտիստ, դիրիժոր Դմիտրի Շիկանյանը:

1921 – վախճանվել է քիմիկոս Հարություն Աբել յանը:

1937– վախճանվել է գրականագետ, մանկավարժ Աբրահամ Զամինյանը:

1961 -ծնվել է կինոռեժիսոր, սցենարիստ, օպերատոր Արթուր Արիստակեսյանը:

1967 – վախճանվել է հայազգի մարշալ Հովհաննես Իսակովը:

1989– վախճանվել է դիվանագետ Անդրանիկ Մարտիրոսյանը։

2001- Հայաստանում անցկացվել է մարդահամար:

2005-«Ազգային ժողովրդավարական միություն» (ԱԺՄ) կուսակցության խորհուրդը որոշել է բոյկոտել նոյեմբերի 27-ին նախատեսված սահմանադրական հանրաքվեն:

2007-Ստամբուլի դատարանը «Ակոս» թերթի սպանված խմբագրապետ Հրանտ Դինքի որդուն` Արաթ Դինքին մեղավոր է ճանաչել «թուրքական ինքնությունը վիրավորելու» մեջ և նրան դատապարտել է մեկ տարվա պայմանական ազատազրկման:

2010- մեկնարկել է «Կինոաշուն» փառատոնը, որի շրջանակներում մեկ ամիս շարունակ Երևանում եւ չորս մարզերում ցուցադրվել են հայկական ֆիլմեր:

2011-Հայաստանի հավաքականը Դուբլինի Aviva մարզադաշտում 1:2 հաշվով պարտություն է կրել Իռլանդիայի թիմից, որի արդյունքում չի մտել Եվրո - 2012-ի եզրափակիչ փուլ: Մրցավարի սխալի արդյունքում դաշտից հեռացվել է մեր թիմի դարպասապահ Ռոման Բերեզովսկին:

012-Բանակին տավարի մսի փոխարեն գոմեշի միս մատակարարելու կապակցությամբ հարուցված քրեական գործով կալանավորվել է Կապանի մսի կոմբինատի տնօրենը:

2014-Դիլիջանում պաշտոնապես բացվել է UWC Dilijan College միջազգային դպրոցպանսիոնատը:

2018- Երևանում մեկնարկել է Ֆրանկաֆոնիայի 17-րդ գագաթաժողովը: Ֆրանկաֆոնիայի կազմակերպությունում նախագահությունը Մադագասկարից փոխանցվել է Հայաստանին:

- ԱԱԾ-ն պարզել է, որ Արմեն Ավետիսյանը բարձրաստիճան պաշտոնյա եղած տարիներին ֆինանսավորել է Երևանի Ազատության պողոտայում գտնվող «Գոլդեն Փելես» հյուրանոցային համալիրի կառուցումը, սակայն հյուրանոցի կառուցումը վերագրվել է Կիպրոսի օֆշորային գոտում հիմնադրված ընկերությանը:

ԱՇԽԱՐՀ

1138– Հալեպ քաղաքում տեղի է ունեցել մեծ երկրաշարժ, ինչի հետևանքով զոհվել է մոտ 230 000 մարդ։

1758 – ծնվել է գերմանացի ֆիզիկոս և աստղագետ Հենրիխ Օլբերսը:

1853 -Նյու Յորքում բացվել է ԱՄՆ-ի առաջին քլիրինգային բանկը:

1881 -ԱՄՆ-ի Հյուսիսային Դակոտա նահանգի բնակիչ Դեյվիդ Հյուստոնը արտոնագրել է ֆոտոժապավենը:

1885 – ծնվել է ֆրանսիացի գրող, գրականագետ, Նոբել յան մրցանակակիր Ֆրանսուա Մորիակը:

1887 -ամերիկացի գյուտարար Թոմաս Էդիսոնը արտոնագրել է ընտրություններում ձայների հաշվման էլեկտրոնային սարքը:

1889– վախճանվել է անգլիացի ֆիզիկոս Ջեյմս Ջոուլը, որի անունով է կոչվում էներգիայի և աշխատանքի միավորը՝ Ջոուլ:

1896– վախճանվել է ավստրիացի երգահան, երգեհոնահար և երաժշտության մանկավարժ Անտոն Բրուքները։

1891 -Ստոկհոլմում բացվել է բաց երկնքի տակ գտնվող աշխարհում առաջին էթնոգրաֆիկ թանգարանը, որը կոչվում էր «Սկանսեն»:

1899– սկսվել է Երկրորդ անգլո-բուրական պատերազմը։

1918 – Ֆրանսիայում իրականացվել է առաջին ռադիոկառավարվող թռիչքը, որը տևել է մեկ ժամ, իսկ ինքնաթիռը կտրել է 100 կմ հեռավորություն:

1919- «Հենդլի Փեյջ տրանսպորտ» ընկերությունը առաջին անգամ ուղևորներին տվել է ձրի նախաճաշ թռիչքի ընթացքում, «երկրորդ նախաճաշի» մեկ բաժնի արժեքը եղել է երեք շիլլինգ:

1922– Մարմարա ծովի ափին գտնվող Մուդանյա քաղաքում ստորագրվել է զինադադարի համաձայնագիր Թուրքիայի և Անտանտի երկրների միջև:

- կոմերիտմիության համագումարում Լև Տրոցկին իր ելույթում կոչ է արել երիտասարդությանը «կրծել գիտության գրանիտը». այս արտահայտությունը հետագայում դարձել է թևավոր խոսք:

1937 – ծնվել է անգլիացի ֆուտբոլիստ և մարզիչ Բոբի Չարլթոնը:

1951 –ծնվել է հրեական ծագումով ֆրանսիացի երգիչ և երգերի հեղինակ Ժան-Ժակ Գոլդմանը:

1961 -ԽՍՀՄ-ի Սեմիպալատինսկի փորձադաշտում իրականացվել է առաջին ստորգետնյա միջուկային պայթյունը:

1962– սկսվել է երկրորդ Վատիկանյան համաժողովը, որտեղ որոշվել է կաթոլիկ ծեսերի ժամանակ չօգտագործել նախկինում պարտադիր հանդիսացող լատիներենը:

1963 – վախճանվել է ֆրանսիացի գրող, բանաստեղծ և դրամատուրգ Ժան Կոկտոն:

1990 -սերբ գործարար Ժալկո Ռաժնատովիչը և 19 ֆուտբոլային ֆանատներ Բելգրադում ստեղծել են Սերբական կամավորական գվարդիան, որը մեկ տարուց էլ պակաս ժամանակ անց սկսել է կռվել Խորվաթիայում, ապա Բոսնիա- Հերցեգովինայում:

1994 -Ռուսաստանում կտրուկ ընկել է ռուբլու կուրսը դոլարի նկատմամբ. այդ օրը պատմության մեջ է մտել «սև երեքշաբթի» անվանումով:

Կամո Խաչիկյան