7 չափազանց տարօրինակ ու խենթ հարսանեկան սովորույթներ ողջ աշխարհում

Past.am-ը ներկայացնում է տարօրինակ հարսանեկան սովորույթները ողջ աշխարհից:

1. Հարսնացուներին սևացնել. Շոտլանդիա

Կնոջ կյանքում այս ամենաերջանիկ օրը նշելու համար հարսնացուի ընկերներն ու բարեկամները իրենց սերը ցույց են տալիս նրա վրա զզվելի բաներ շպրտելով, օրինակ՝ մակարդված կաթ, սատկած ձուկ, փչացած ուտելիք, ցեխ, ալյուր և այլն: Ապա նրան կապում են ծառից, իսկ դրանից հետո մի ամբողջ գիշեր խմում են նրա հետ միասին: Նրանք հավատում են, որ եթե կարող ես այս ամենին դիմանալ, ուրեմն կարող ես դիմանալ ամեն ինչին, այդ թվում՝ ամուսնությանը: Այլ կերպ ասած՝ հարսնացուներին սևացնելը նրան պատրաստում է ցանկացած նվաստացման կամ խնդրի, որին նա կհանդիպի ամուսնության ընթացքում:

2. Նախապես պլանավորված լաց. Չինաստան

Շատ հարսնացուներ հարսանեկան արարողությունների ժամանակ կարող են արտասվել, բայց Չինաստանի Թուջիա ազգային փոքրամասնության հարսնացուներն ու կանայք այս ամենը բարձրացնում են նոր մակարդակի վրա: Ամուսնությունից 1 ամիս առաջ հարսնացուն սկսում է ամեն օր 1 ժամ լացել: 10 օրվա արարողակարգից հետո նրան միանում է մայրը, իսկ դրանից 10 օր անց՝ տատը: Այդ ամսվա վերջում ընտանիքի յուրաքանչյուր կին լացում է հարսնացուի հետ: Սա համարվում է ուրախության արտահայտում, քանի որ կանայք տարբեր տոներով են լացում:

3. Ամուսնություն ծառի հետ. Հնդկաստան

Հնդկաստանի որոշ մասերում ծնվում են կանայք որպես Մանգլիկներ (աստղագուշակման կապակցություն, երբ Մարս ու Սատուրն մոլորակները նույն 7-րդ հարկի տակ են լինում), ովքեր անիծված են և պետք է իրենց ամուսինների վաղաժամ մահվան պատճառ դառնան: Որպեսզի այս անեծքը վերանա, նրանք պետք է առաջինը ամուսնանան ծառի հետ, ապա ծառը կտրեն ՝ անեծքը հեռացնելու համար: Խեղճ ծառ:

4. Հարվածել փեսացուի ոտքերին. Կորեա

Կորեական սովորույթը թելադրում է, որ փեսացուի ոտքերը պետք է ծեծվեն ձկան կամ եղեգի միջոցով, մինչ ամուսնանալը: Դա կարող է ցավոտ լինել, բայց կարճ է տևում և ավելի շատ զվարճալի է, քան դաժան: Սա արվում է վստահ լինելու համար, որ փեսացուն չի հիասթափեցնի ամուսնական առաջին գիշերը:

5. Խուսափի´ր զուգարանի թուղթ օգտագործելուց. Ինդոնեզիա

Միայն հարսանեկան օրը չէ, որ լի է տարօրինակություններով: Ինդոնեզական մեղրամսի ժամանակ հարսնացուն ու փեսացուն հարսանիքից հետո 3 օր ու գիշեր չեն կարող տնից դուրս գալ և օգտվել զուգարանից: Նրանց հետևում են և թույլ են տալիս միայն մինիմալ քանակությամբ ուտելիք և խմիչք օգտագործել: Այս տնային կալանքը իբր պետք է երջանիկ ամուսնություն բերի՝ լիքը առողջ երեխաներով:

6. Թքել հարսնացուի վրա. Մասայի ազգություն, Քենիա

Մասայի ցեղի հարսանիքի ժամանակ հարսնացուի հայրը օրհնում է իր աղջկան՝ թքելով նրա գլխին ու կրծքերին: Հետո աղջիկը թողնում է գյուղը և հեռանում ամուսնու հետ: Նա հետ չի նայում ՝ վախենալով քարանալ:

7. Կրակել հարսնացուի վրա. Չինաստան

Չինաստանի Յուգուրական մշակույթում փեսացուները կրակում են իրենց ապագա հարսնացուի վրա 3 նետ ու աղեղով (առանց նետի ծայրերի): Գործն ավարտելուց հետո փեսացուն հավաքում է նետերը և կոտրում դրանք՝ այսպես վստահեցնելով, որ իրենք հավերժ կսիրեն իրար