Օրվա բաղադրատոմսը. Բասկյան շոկոլադե տորթ

Բաղադրիչներ

Խմորի համար՝
ալյուր – 180գր
կարագ – 160գր
շաքարավազ – 200գր
նուշ – 70գր(մանր աղացած)
ձու – 1 հատ
կակաո – 50գր
փխրեցուցիչ – 6գր
աղ – մեկ պտղունց
Կրեմի համար՝
կաթ – 350մլ
ձու – 1 հատ
ալյուր – 40գր
շաքարավազ – 130գր
շոկոլադ սև – 180գր
ռոմ – 20մլ
բալ – 150-200գր(առանց կորիզ)

Պատրաստման եղանակ

• Խառնում ենք կարագը, շաքարավազը, աղն ու մանրացված նուշը:
  Ապա ավելացնում ենք ձուն, ալյուրը, կակաոն ու փխրեցուցիչը և հունցում փափուկ
  խմոր: Ստացված խմորը դնում ենք ցելոֆանի մեջ և տեղափոխում ենք սառնարան 2 ժամով:
  
• Առանձին ամանի մեջ հարում ենք ձուն և շաքարավազը, ապա ավելացնում ենք ալյուրն ու խառնում:
  
• Եռացնում ենք կաթը և լցնում ձվային զանգվածի վրա ու խառնում:
  Ստացված զնագվածը կրկին հետ ենք լցնում կաթսայի մեջ, դնում թույլ կրակի վրա,
  հասցնում եռման աստիճանի, թողնում ևս 3 րոպե, որ եփվի և հանում կրակի վրայից:
  Ապա կաթային զանգվածին ավելացնում ենք մանր կտրատված շոկոլադն ու ռոմը և
  խառնում:
  Ստացված կրեմը թողնում ենք, որ սառչի և տեղափոխում ենք սառնարան 1-2 Ժամ:
  
• Հանում ենք խմորը սառնարանից, խմորի 2/3 մասը գրտնակում ենք ու բացում 32 սմ
  հաստության շերտով և դնում կարագով պատած 28սմ տրամագծով ձևամանի մեջ:
  Վրան քսում ենք կրեմի կեսը և շարում բալը, ապա բալի վրա քսում ենք մնացած
  կրեմը:
  
• Մնացած խմորը գրտնակում ենք, բացում կլոր շերտով ու դնում կրեմի վրա:
  Ապա ձևամանը դնում ենք ջեռոցի մեջ ու թխում 45 րոպե 180 աստիճանում:
  
• Պատրաստի թխվածքը հանում ենք ջեռոցից, թողնում, որ սառչի կտրատում ենք ու
  մատուցում:
  

Մատուցելիս բասկյան շոկոլադե տորթի վրա շաղ տվեք կակաո