Վաճառված մեքենա, փոխառություններ, դրամական միջոցներ եկամուտներ

Շիրակի մարզպետի տեղակալ Վարդան Գրիգորյանի տարեկան եկամուտների հանրագումարը կազմել է շուրջ 10 950 470 ՀՀ դրամ։ 

Այս մասին տեղեկանում ենք Վ. Գրիգորյանի՝ 2018թ. տարեկան հայտարարագրից, որը հրապարակված է ՀՀ բարձրաստիճան պաշտոնատար անձանց էթիկայի հանձնաժողովի պաշտոնական կայքում։

Հրապարակված տվյալների համաձայն, եկամուտների վերոնշյալ հանրագումարը գոյացել է աշխատավարձերից, որոնք համապատասխանաբար կազմել են 46 337 ՀՀ դրամ, 366 782 ՀՀ դրամ, 2 500 310 ՀՀ դրամ։

 Տրված փոխառությունների (վարկերի) դիմաց ստացված տոկոսը և այլ հատուցումը ենթաբաժիններում էլ նշված է շուրջ 2 912 902 ՀՀ դրամ, շուրջ 2275 ԱՄՆ դոլար, 24 433 ՀՀ դրամ, 5 059 182 ՀՀ դրամ եկամուտների մասին։ 

Այլ եկամուտներից ստացված գումարը կազմել է 40 524 ՀՀ դրամ։ Փոխմարզպետի դրամական միջոցները 2018թ. հարկային տարվա սկզբում կազմել են 34 000 000 ՀՀ դրամ, 16 000 ԱՄՆ դոլար և 4000 եվրո։ 

Դրամական միջոցները նշված հարկային տարվա վերջում կազմել են 33 000 000 ՀՀ դրամ, 14 000 ԱՄՆ դոլար և 3500 եվրո։ Փոխառությունների չափը 2018թ. հարկային տարվա վերջում կազմել են 41 000 000 ՀՀ դրամ, 73 200 ԱՄՆ դոլար, 300 000 ՀՀ դրամ, 4 920 000 ՀՀ դրամ, 2 000 000 ՀՀ դրամ, 2 500 000 ՀՀ դրամ, 1 043 000 ՀՀ դրամ։ 

Հավելենք նաև, որ փոխմարզպետը 2018թ. հարկային տարում 100 000 ՀՀ դրամով վաճառել է «KIA SPORTAGE 2.0 I» մակնիշի ավտոմեքենան։

ԱՆՆԱ ԲԱԴԱԼՅԱՆ