ՊԱՏՄՈՒԹՅԱՆ ԱՅՍ ՕՐԸ (27 ՆՈՅԵՄԲԵՐԻ)․ «Նու­բա­րա­շեն» քրե­ա­կա­տա­րո­ղա­կան հիմ­նար­կից փա­խուստի է դիմել եր­կու ցմահ դա­տա­պար­տյալ

ՏՈՆԵՐ

Ռուսաստան՝ Ծովային հետևակի օր:

ՀԱՅ-ՀԱՅԱՍՏԱՆ

1897– ծնվել է բանաստեղծ, արձակագիր, թարգմանիչ, գրականագետ Գևորգ Աբովը: 

1927 - ծնվել է ասմունքող Վլադիմիր Աբաջյանը: 

1937- վախճանվել է բանաստեղծ, թարգմանիչ Եղիշե Չարենցը: 

1947 - ծնվել է ճարտարապետ, քանդակագործ, նկարիչ Ալբերտ Սոխիկյանը: 

1965 - վախճանվել է խորհրդահայ նյարդաախտաբան Ստեփան Կարճիկյանը: 

1968 - ծնվել է ֆրանսահայ կինոդերասան Մայքլ Վարդանը։ 

1901-Մշո Առաքելոց վանքի պաշտպանության ժամանակ Անդրանիկն ու իր զինակիցները որոշում են ճեղքել պաշարումը և, քողարկվելով սպիտակ սավաններով, կարողանում են դուրս գալ վանքից և հեռանալ: 

1991-ԽՍՀՄ պետական խորհուրդը որոշում է ընդունել, որտեղ կոչ է արել ղարաբաղյան հակամարտության կողմերին դադարեցնել կռիվը, շփման գծից դուրս բերել բոլոր «անօրինական զինված խմբավորումները» և չեղարկել ԼՂՀ-ի կարգավիճակի փոփոխության վերաբերյալ ընդունված որոշումները: 

– տեղի է ունեցել «Մայրիկ» ֆիլմի պրեմիերան։ 

2003-«Հայաստան» համահայկական հիմնադրամի անցկացրած հեռուստամարաթոնի ընթացքում հանգանակված գումարը կազմել է ավելի քան 6 միլիոն դոլար, որից շուրջ 4 միլիոնը նվիրաբերել է Միացյալ Նահանգների հայությունը: 

2005– հանրաքվեի միջոցով փոփոխվել է Հայաստանի Սահմանադրությունը։ 

2009- «Նուբարաշեն» քրեակատարողական հիմնարկից փախուստ է կատարել երկու ցմահ դատապարտյալ` Սողոմոն Քոչարյանը և Մհեր Ենոքյանը: 

2010-«Հայաստան» համահայկական հիմնադրամի «Հեռուստամարաթոն - 2010»-ի արդյունքում ստացվել է 20 միլիոն 862 հազար 733 դոլարի նվիրատվության խոստում: 

2015 - վախճանվել է բանաստեղծ Զարեհ Խրախունին:

ԱՇԽԱՐՀ

8 մ.թ.ա.- վախճանվել է հինհռոմեացի նշանավոր գրող, հռոմեական գրականության «ոսկեդարի» ներկայացուցիչ Քվինտոս Հորացիոս Փլակոսը (Հորացիոս): 

511 - վախճանվել է Մերովինգների դինաստիայի թագավոր Քլոդվիգ 1-ինը: 

486- նվաճվել է վերջին հռոմեական տիրույթը Գալիայում, որով էլ սկզբնավորվել է ֆրանսիական պետության կազմավորումը: 

1095– Հռոմի պապ Ուրբանուս 2-րդը Կլերմոնի ժողովում կոչ է արել Եվրոպայի քրիստոնյաներին՝ արշավել Արևելք և մուսուլմանների լծից ազատագրել Սուրբ երկիր Երուսաղեմը և տեղի քրիստոնյաներին, որով էլ փաստացի սկսվել են Խաչակրաց արշավանքները։ 

1701 –ծնվել է շվեդ աստղագետ և ֆիզիկոս Անդերս Ցելսիուսը: 

1852– վախճանվել է անգլիացի կին մաթեմատիկոս, նշանավոր պոետ Ջորջ Բայրոնի դուստր Ադա Լավլեյսը, որի անունով է կոչվում Ադա ծրագրավորման լեզուն:

1895– շվեդ գյուտարար Ալֆրեդ Նոբելը կազմել է իր կտակը, համաձայն որի, սահմանվել են Նոբելյան մրցանակներ։ 

1895- վախճանվել է ֆրանսիացի թատերագիր, արձակագիր Ալեքսանդր Դյուման: 

1901 - ծնվել է ռուս ծաղրածու դերասան Կարանդաշը (Միխայիլ Ռումյանցև): 

1906 —հիմնադրվել է իտալական ավտոմոբիլաշինական Lancia ընկերությունը: 

1922 —ՌՍՖՍՀ-ում շրջանառության մեջ են դրվել նոր թղթադրամներ՝ 1, 3, 5, 10 և 25 չերվոնեց արժողությամբ: 

1940 - ծնվել է հոնկոնգյան ծագումով ամերիկացի կինոդերասան Բրյուս Լին: 

1960 - ծնվել է ուկրաինացի քաղաքական գործիչ Յուլիա Տիմոշենկոն: 

1985- վախճանվել է ֆրանսիացի պատմաբան Ֆերնան Բրոդելը: 

1989 —Պաբլո Էսկոբարի կողմից կազմակերպած ահաբեկչության արդյունքում Բոգոտայի վրա պայթել է Boeing 727 ուղևորատար ինքնաթիռը, որի արդյունքում զոհվել է 110 մարդ: 

1990 – ընդունվել է Բուլղարիայի դրոշը։ 

2009– տեղի է ունեցել «Նևսկի էքսպրեսի» վթարը: Մոսկվա - Սանկտ Պետերբուրգ գնացքում տեղի ունեցած ահաբեկչական գործողության հետևանքով գնացքը վթարվել է, զոհվել է 27 մարդ, 132-ը վիրավորվել է։