ՌԴ ՊՆ-ն և Թուրքիայի ԶՈՒ-ը խզել են փոխգործակցության բոլոր ուղիները

Ռուսաստանի պաշտպանության նախարարությունը և Թուրքիայի զինված ուժերը դադարեցնել են փոխգործակցությունը թեժ գծի ուղղությամբ. նաև հետ է կանչվել Թուրքիայում գտնվող  ՌԴ ռազմածովային նավատորմի ներկայացուցիչը, ով պետք է Թուրքիայի հետ կոորդիանացներ գործողությունները Սևծովյան նավատորմի և թուրքական ռազմածովային ուժերի միջև: Ինչպես հաղորդում է«Արմենպրես»-ը` վկայակոչելով TASS, այդ մասին լրագրողներին տեղեկացրել է ՌԴ ՊՆ պաշտոնական ներկայացուցիչ, գեներալ-մայոր Իգոր Կոնաշենկովը:

«Այսօր, ավելի վաղ ընդունված որոշման համաձայն, խզվել են փոխգործակցության բոլոր ուղիները ՌԴ ՊՆ-ի և Թուրքիայի ԶՈՒ-ի միջև: Դա վերաբերում է ոչ միայն այսպես կոչված թեժ գծին, որը հաստատվել էր Սիրիայում ահաբեկչական օբյեկտների ենթակառուցվածքների ոչնչացման ընթացքում օդում հնարավոր միջադեպերի բացառման նպատակով»,- ասել է Կոնաշենկովը:

Նոյեմբերի 24-ին ռուսաստանյան Սու-24 ինքնաթիռը Սիրիայի տարածքում թուրքական սահմանից 1 կմհեռավորության վրա կործանվել է Թուրքիայի օդուժի կողմից արձակված հրթիռով եւ վայր ընկել Թուրքիայի սահմանից 4 կմ հեռավորության վրա: Ռուսաստանի

Դաշնության նախագահ Վլադիմիր Պուտինը կատարվածն անվանել է «հարված թիկունքից», որը հասցվել է Ռուսաստանին «ահաբեկիչների հանցակիցների կողմից»: «Այդ իրադարձությունը դուրս է ահաբեկչության դեմ սովորական պայքարի շրջանակից: Այսօրվա կորուստը կապված է հարվածի հետ, որը մեր թիկունքին հասցրեցին ահաբեկիչների հանցակիցները: Այն, ինչ այսօր տեղի է ունեցել, ես չեմ կարող այլ կերպ անվանել»,-ասել է Պուտինը Հորդանանի թագավոր Աբդալլահ երկրորդի հետ հանդիպման ժամանակ:

ՌԴ Դաշնային Խորհրդում առաջարկում են ժամանակավորապես կասեցնել Թուրքիայի հետ բոլոր կապերը: Իսկ Թուրքիան այս հարցով դիմել է ՄԱԿ-ի Անվտանգության խորհրդին և ՆԱՏՕ-ին, ինչպես նաև ԱԳՆ է կանչել ԱՄՆ, Ֆրանսիայի,Չինաստանի և Միացյալ Թագավորության դեսպաններին: