Լացեցին երեխեքս, իրենց էդ աչքերը հիշելով ես չեմ գնալու ոչ մի տեղ. Զինթոշակառուն 12 օր է` հացադուլ է անում ՊՆ-ի մոտ

Զինվորական թոշակառու, 5 երեխայի հայր, ենթասպա Քաղսի գյուղի բնակիչ Մխիթար Ալումյանը արդեն 12 օր է`Պաշտպանության նախարարության շենքի հացադուլ է անում. Նա Պաշտպանբության նախարարից տուն է պահանջում: NEWS.am-ի հետ զրույցում նա պատմեց, որ դեռ մայիսից խոստացել են տուն տալ, սակայն հիմա ասում են, որ իրեն օրենքով չի հասնում:

«Անժամկետ հացադուլ եմ հայտարարել, մինչեւ նախարարը բալիկներիս տուն տա: Մայիս ամսից խոստացան, տարան, բերեցին մինչեւ բանը հասավ նրան, որ ասեցին հողամաս տան, բայց չարեցին: Վերջում էլ ասեցին գումարը հատկացնեն,  նախարարի առաջին տեղակալն եկավ իմ հետ զրուցեց, ասեց քեզ չի հասնում, ինչ ուզում ես արա, ոնց ուզում ես արա: Ես էլ  որոշեցի մնամ ասյտեղ»,-ասաց նա:

Նա նշեց, որ նախարարությունից ասել են, որ տունը քանդի, որպեսզի հիմնահատակ վերանորոգեն տունը. «Մի օր բրիգադիրը եկավ, նախարար ը կարգադրել էին 19 միլիոն 400 հազար էին հաստատել դրա համար, բայց շինարարը եկավ, իր ասելով 3-4 միլիոնի աշխատանք էր իր ասելով անելու,ասեցի` նախարարության նախագծածը բերի, գնաց ու էլ չեկավ»:

Մխիթար Ալումյանը պատմեց, որ  1-2 անգամ ուշագնաց է եղել, Շտապօգնության ծառայություն է եկել, սակայն ինքը հրաժարվել է Շտապօգնության ծառայությունից:

«Սաղ մարմինս ցավում է, բայց ցավը նրանում է, որ ամռանը եկել էի, հացադուլ էի անում, թողնում էին ներս, իսկ հիմա չեն թողնում, մտածում են կկոտրեն, բայց երեխեքս որ եկան, իրենց տեսա, փաթաթվեցին, լացեցին երեխեքս, իրենց էդ աչքերը հիշելով ես չեմ գնալու ոչ մի տեղ»,-ասաց նա:

Նա նաեւ նշեց, որ իր կինն ու երկու երեխաները բուժման նպատակով արտերկրում են գտնվում, չի ստացվել իր եւ երեխաների մեկնումը նրանց մոտ: