Հայաստանի ամերիկյան համալսարանը և PicsArt-ը հիմնում են արհեստական բանականության լաբորատորիա Երևանում

Հայաստանի ամերիկյան համալսարանը (ՀԱՀ) և PicsArt-ը հայտարարեցին համատեղ ջանքերով արհեստական բանականության (AI) հետազոտական լաբորատորիայի հիմնման մասին, որի շրջանակներում այսօր ստորագրվեց նաև հուշագիր:

Լաբորատորիան աշխատատեղեր կստեղծի դասախոսների և ուսանողների համար՝ իրականացնելու նորարարական հետազոտություններ մեքենայական ուսուցման և համակարգչային տեսլականի (computer vision) ոլորտներում : 

Այսօր ամերիկյան համալսարանում տեղի ունեցավ մեկնարկը, որին մասնակցում էին `

Հովհաննես Ավոյանը ՝ PicsArt-ի հիմնադիր,

Գուրգեն Պետրոսյանը՝ PicsArt-ի տնօրեն,

Կարին Մարկիդեսը` Հայաստանի ամերիկյան համալսարանի նախագահ,

Արամ Հաջյանը` Զաւէն և Սոնիա Ագեան բնագիտության և ճարտարագիտության ֆակուլտետի դեկան:

ՀԱՀ-ը և PicsArt-ը միասին աշխատում են նոր մոդել ստեղծելու շուրջ, որը առաջ կմղի գիտությունն ու հետազոտությունը և կմեծացնի ակադեմիական ու մասնագիտական ունակությունները արհեստական բանականության ոլորտում՝ գիտությունն ու հետազոտության արդունքները  արդյունաբերությանը կապելու միջոցով: 

Նախնական փուլում արհեստական բանականության լաբորատորիան աշխատանք կտրամադրի ՀԱՀ-ի երկու դասախոսի, առաջատար հետազոտողների, ինչպես նաև 

Համակարգչային գիտության և Տվյալագիտության բակալավրիատներում սովորող 15 ուսանողի: ՀԱՀ-ի պրոֆեսորներն ու PicsArt-ի մեքենայական ուսուցման մասնագետները կսկսեն դասընթցներ անցկացնել 2020 թ.-ի հունվարից: Վեցշաբաթյա դասընթացից հետո լավագույն ուսանողները արհեստական բանականության լաբորատորիայում աշխատանքի առաջարկ կստանան: 

Արհեստական բանականությունն արագ զարգացող ոլորտ է, ուստի անչափ կարևոր է, որ այս կամ հարակից այլ ոլորտներում սովորող ուսանողները բարձրորակ կրթություն ստանան և ձեռք բերեն հետազոտական հմտություններ, ինչը նրանց մրցունակ կդարձնի աշխատաշուկայում: 

Հայաստանի ամերիկյան համալսարանի նախագահ Կարին Մարկիդեսը ողջունեց ներկաներին , այնուհետև իր խոսքում կարևորեց այսօրվա հանդիպումն ու այն , որ ինչն արվում է այսօր ունի մեծ հեռանկարներ ու ապագայում կլինեն նշանակալի հաջողութուններ արհեստական բանականության ոլորտում : Հանդիպման ընթացքում ստորագրվեց հուշագիր , որով կամրապնդվի հետագա գործունեությունը :

Մենք զրուցեցինք բնագիտության և ճարտարագիտության ֆակուլտետի դեկան Արամ Հաջյանի հետ , ով ասաց, որ այսօր ԱԲ -ոլորտում առաջատար երկրները Չինաստանն ու ԱՄՆ են : ԱԲ - ի արագ տեմպերով զարգացումը գրավում է ամենատարբեր ոլորտներ ` առողջապահական , տնտեսական , քաղաքական :

Հիշեցնենք, որ ԱԲ-ը կարող ենք սահմանել որպես ոչ մարդկային բանականություն, որը չափվում է մարդու մտավոր հնարավորությունների վերարտադրման իր ունակությամբ, ինչպիսիք են պատկերների, առարկաների ճանաչումը, լեզվի իմաստային ընկալումը, փորձի վրա հիմնված հարմարվողական ուսուցումը, տրամաբանությունը, ռազմավարությունների մշակումը, երևույթների մասին դատողություններ անելու ունակությունը, որոշումների կայացումը և այլն։