Ռուսաստանն ուժեղացնում է վերահսկողությունը ներկրվող թուրքական սննդի վրա

Վերջին դեպքերից հետո Ռուսաստանը նպատակ ունի ուժեղացնել վերահսկողությունը ներմուծվող թուրքական ապրանքների վրա,-տեղեկացնում է Past.am-ը: Ինչպես հայտնել է Ռուսաստանի գյուղնախարար Տկաչևը, թուրքական գյուղատնտեսական ապրանքների մոտ 15%-ը չի համապատասխանում ռուսական չափանիշներին: Դրանք պարունակում են մեծ չափերով թունանյութեր, նիտրատներ և նիտրատներ՝ անցնելով անվտանգության սահմանը:

«Հաշվի առնելով թուրքական արտադրողների կողմից ռուսական նորմերի շարունակական խախտումները՝ ՌԴ կառավարությունը հանձնարարել է Սննդի անվտանգության գործակալությանը ուժեղ վերահսկողություն սահմանել Թուրքիայից ներկրվող գյուղատնտեսական ապրանքների ու սննդի վրա»,- ասել է Տչակևը:

«Ռուսաստանը լրացուցիչ ստուգումներ կանցկացնի սահմանին և թուրքական սնունդ արտադրող կետերում»,- նշել է նա: Նա ավելացրել է, որ վերջին տարում կենդանական ծագման թուրքական ապրանքներում մոտ 40 անգամ հայտնաբերվել են արգելված ու վնասակար նյութեր: Վերջին տասնամյակներին Թուրքիան 1 մլրդ դոլար արժողությամբ գյուղատնտեսական ապրանք ու սնունդ է ներմուծել Ռուսաստան, որը 21.2 տոկոսով քիչ է անցած տարվա նույն ժամանակահատվածի համեմատ:

Ռուսաստան ներմուծվող բանջարեղենի 10 տոկոսը Թուրքիայից է ներմուծվում, բայց Մոսկվան կարող է համագործակցել նաև այլ երկրների հետ, օրինակ՝ լոլիկ ներկրել Իրանից, Իսրայելից, Ադրբեջանից, Ուզբեկստանից: Թուրքիայից է ներմուծվում նաև ցիտրուսային մրգերի 1/4-ը: Դրանք նույնպես կարող են Հարավային Աֆրիկայից, Չինաստանից, Արգենտինայից կամ Վրաստանից ներկրվել: Վերջին 10 ամսում ռուսական արտահանումը Թուրքիա կազմել է 1.3 մլրդ դոլլր: Ռուսաստանը Թուրքիայի կողմից իր՝ ռազմական ինքնաթիռի պայթեցմանը ի պատասխան մի շարք սահմանափակումներ է մտցնելու:

ՌԴ նախագահ Վլադիմիր Պուտինը այդ պատահարը համարել է «մեջքից հարված» և զգուշացրել է ռուսներին չճամփորդել Թուրքիա: Չորեքշաբթի օրը Ռուսաստանում օրենք է ընդունվել, որը 5 տարվա ազատազրկման է դատապարտելու ցանկացածին, ով կհրաժարվի Օսմանյան Թուրքիայի կողմից 1915թ. հայերի զանգվածային ջարդերն անվանել ցեղասպանություն: