ՊԱՏՄՈՒԹՅԱՆ ԱՅՍ ՕՐԸ (23 ՀՈՒՆՎԱՐԻ)․ Ավե­րիչ երկ­րա­շար­ժի հե­տև­ան­քով զոհ­վել է մոտ 830 000 մարդ

ՏՈՆԵՐ

Չինաստան՝ Ազատության համաշխարհային օր:

ՀԱՅ-ՀԱՅԱՍՏԱՆ

1897- ծնվել է հայաստանցի քուրդ արձակագիր Արաբ Շամիլովը, որը ստեղծագործել է քրդերեն և հայերեն: 

1903- ծնվել է նշանավոր ջութակահար Իվան Գալամյանը: 

1912- գործարկվել է Երևանի ջրմուղը: 

1921- տեղի է ունեցել Երևանի ժողովրդական համալսարանի հանդիսավոր բացումը (1923 թվականից՝ Երևանի պետական համալսարան): 

1923 - ծնվել է դերասան Կարպ Խաչվանքյանը: 1943 - ծնվել է քանդակագործ Ֆերդինանտ Առաքելյանը: 

1994 - Օմարի լեռնանցքի համար մղվող մարտերում հայկական ուղղաթիռները ռմբակոծել են ադրբեջանական դիրքերը, իսկ ադրբեջանական ինքնաթիռները հայկական դիրքերը, հաղորդվել է ադրբեջանական Су-25-ի կործանման մասին: 

1996- սկսել է հեռարձակվել ԱՐ հեռուստաալիքը, որը առաջին հայկական մասնավոր հեռուստաընկերություններից մեկն է: 

2006-Երևանի քաղաքապետարանը ևս 50 ավտոբուս է մտցրել երթուղի: «ՊԱԶ» մակնիշի ավտոբուսները ձեռք են բերվել Ռուսաստանից: 

2007-Ստամբուլում տասնյակ հազարավոր մարդիկ վերջին հրաժեշտն են տվել Հրանտ Դինքին: Այն պահին, երբ Ստամբուլում «Ակոս» թերթի խմբագրատան մոտից սկսվել է Հրանտ Դինքի հուղարկավորության արարողությունը, Երևանում հազարավոր մարդիկ հավաքվել էին Ազատության հրապարակում` սգալու նրա մահը, իրենց ցավակցությունն ու զորակցությունը հայտնելու Հրանտ Դինքի ընտանիքին ու ողջ հայ ժողովրդին: 

2012- Ֆրանսիայի Սենատը Հայոց ցեղասպանությունը հերքելու դեպքում քրեական պատասխանատվություն սահմանելու մասին օրինագիծ է ընդունել: 

2017-Վթարի է ենթարկվել Հայաստանից Ռուսաստան մեկնող միկրոավտոբուսը, որում եղել է 9 քաղաքացի, այդ թվում` վարորդը: Զոհեր չեն եղել:

ԱՇԽԱՐՀ

1368- Չժու Յուան Չժանը հիմնել է չինական Մին դինաստիան: 1556- Չինաստանի Շենսի նահանգում տեղի է ունեցել ավերիչ երկրաշարժ, որի հետևանքով զոհվել է մոտ 830 000 մարդ: Դա մարդկության պատմության մեջ ամենաշատ զոհերով երկրաշարժն է:

1734 -ծնվել է ավտոմատ մեքենաների գյուտարար Վոլֆգանգ ֆոն Կեմպելինը: 

1783- ծնվել է ֆրանսիացի նշանավոր գրող Ստենդալը: 

1793 -տեղի է ունեցել Ռեչ Պոսպոլիտայի երկրորդ բաժանումը Ռուսական Կայսրության և Գերմանիայի միջև: 

1820 -ծնվել է ռուս կոմպոզիտոր և երաժշտական քննադատ Ալեքսանդր Սերովը, որը նկարիչ Վալենտին Սերովի հայրն է: 

1832 - ծնվել է ֆրանսիացի նկարիչ, իմպրեսիոնիզմի հիմնադիրներից մեկը՝ Էդուարդ Մանեն: 

1849 -ԱՄՆ-ի Նյու Յորք նահանգի Ժենևա քաղաքում ԱՄՆ-ի պատմության մեջ առաջին անգամ բժշկի դիպլոմ է տրվել կնոջը՝ անգլուհի Էլիզաբեթ Բլեկուելին: 

1862 - ծնվել է գերմանացի մաթեմատիկոս Դավիթ Հիլբերտը: 

1895 -առաջին անգամ Անտարկտիդայի ափ են իջել մարդիկ՝ «Անտարկտիկ» նորվեգական ձկնորսանավի ուղևորը և կապիտանը: 

1912 -Հաագայում ստորագրվել է Միջազգային օփիումային կոնվենցիան, որը թմրանյութերի նկատմամբ հսկողությանը վերաբերող առաջին միջազգային համաձայնագիրն է: 

1924 -У127 շոգեքարշը սգո գնացքով Մոսկվայի Պավելեցկի կայարան է հասցրել Լենինի դին: 1946 - ծնվել է ռուսաստանցի մաթեմատիկոս, օլիգարխ Բորիս Բերեզովսկին: 

1950 - Երուսաղեմը հայտարարվել է Իսրայելի մայրաքաղաք: 

1954 -կորեական պատերազմի 14 հազար ռազմագերիներ վերադարձել են Թայվան: 

1956 -վախճանվել է կինոռեժիսոր, կինոարտադրող Ալեքսանդր Կորդան: 

1960 -Ժակ Պիկարը և Դոն Ուոլ շը «Տրիեստ» բատիսկաֆով իջել են Մարիանյան իջվածքում՝ հասնելով ռեկորդային 10 916 մետր խորության: 

1963 - ծնվել է պորտուգալացի ճանաչված ֆուտբոլային մարզիչ, նախկին ֆուտբոլիստ Ժոզե Մոուրինիոն: 

1989 - վախճանվել է իսպանացի նկարիչ և գրող Սալվադոր Դալին:

 2001- Չինաստանի մայրաքաղաք Պեկինում 5 անձ ինքնահրկիզում է իրականացրել: 

2005 - Վիկտոր Յուշչենկոն ընդունել է Ուկրաինայի նախագահի պաշտոնը: 

2015 -վախճանվել է Սաուդյան Արաբիայի թագավոր, մուլտիմիլիարդատեր Աբդուլլա իբն Աբդուլ-Ազիզ ալ Սաուդը: 

2019 -Վենեսուելայի Ազգային ժողովի նախագահ Խուան Գուայդոն ինքն իրեն հայտարարել է Վենեսուելայի նախագահի պաշտոնակատար: