Ցավում եմ՝ պարոն Փաշինյանն այդպես էլ չընկալեց. ՀՅԴ ԳՄ անդամն արձագանքում է վարչապետին

Past.am

Ցավում եմ՝ պարոն Փաշինյանն այդպես էլ չընկալեց, որ տարբեր երկրների դաշնակցական երիտասարդների կառույցների աջակցությունը վայելած անցնող ամիսների բողոքի ալիքը ոչ թե մի քանի անձնաց համար էր, այլ՝ մեր ազգային արժեքների, մեր ժողովրդի ողնաշարը համարվող ազգային կրթության, հայագիտության պաշտպանության հստակ կեցվածք: Այս մասին իր ֆեյսբուքյան էջում գրել է ՀՅԴ Հայաստանի ԳՄ ներկայացուցիչ Իշխան Սաղաթելյանը:

«Լսում եմ Դաշնակցության քաղաքական ապագայի վերաբերյալ վարչապետի «անկեղծ մտահոգություններն» ու զարմանում ՝ միթե՞ այդքան դժվար է հասկանալ, որ ՀՅԴ-ի մեջ շերտեր, դրսի ու ներսի մասեր, արժեքային ու գաղափարական տարաձայնություններ փնտրելն անշնորհակալ և, հատկապես, դատապարտված քայլ է:

Դաշնակցության համահայկական կառույցին միավորում են միևնույն քաղաքական օրակարգերն ու խնդիրները: Մեզ պառակտված տեսնելու և այդ անշնորհակալ գործին լծվելու ձախողված ճիգերով լեցուն է մեր պատմությունը, այդ թվում՝ ոչ վաղ անցյալը։

Շնորհակալ ենք Դաշնակցության «հայաստանյան մասով» «անկեղծ» մտաhոգության համար։ Բայց շատ ավելի լավ է մտահոգվել քաղաքական ընդդիմախոսների, անձանց նկատմամբ չդադարող անհանդուրժողականության սերմանման չափաբաժնից, որն այլևս սկսել է մեր երկրի ազգային անվտանգությանը սպառնացող սահմանագիծը հատել։

Իսկ մեր համահայկական կառույցը, ինչը շատ բնական է, ունի իր կողմից ճշտված քաղաքական օրակարգն ու մարտավարությունը, և մեր համահայկական կառույցի մտահոգությունների կիզակետում Հայաստանի ու մեր հայրենիքի բարոյաքաղաքական շիկացած մթնոլորտն է, պետականության ընթացքը, ներկա ծանր մարտահրավերներն ու մշուշոտ ապագան:

Ցավում եմ՝ պարոն Փաշինյանն այդպես էլ չընկալեց, որ տարբեր երկրների դաշնակցական երիտասարդների կառույցների աջակցությունը վայելած անցնող ամիսների բողոքի ալիքը ոչ թե մի քանի անձնաց համար էր, այլ՝ մեր ազգային արժեքների, մեր ժողովրդի ողնաշարը համարվող ազգային կրթության, հայագիտության պաշտպանության հստակ կեցվածք»,- գրել է նա:

Նշենք, որ այսօր վարչապետ Նիկոլ Փաշինյանը մամուլի ասուլիսին անդրադարձել էր ՀՅՍ- Կառավարություն հարաբերություններին եւ ասել. «Երբեմն տպավորություն է ստացվում, թե կա հակադրությունՀայաստանի կառավարության եւ Դաշնակցության միջեւ։ Ամբողջ Դաշնակցությանը նույն չափով չափել չի կարելի, որովհետեւ ՀՀ կառավարությունը եւ ՀՅԴ-ն համազգային հարցերի շուրջ համագործակցելու շատ մեծ պոտենցիալ եւ պատրաստակամություն ունեն՝ իմ տպավորությամբ. համենայն դեպս, մենք այդ պատրաստակամությունն ունենք։ Ես համոզված եմ, որ Դաշնակության հետ որպես համահայկական կառույցի, մենք կկարողանանք կառուցողական երկխոսություն սկսել։ Իսկ հայաստանյան մասով իմ կարծիքը մնում է նույնը, որ Հայաստանի ներսում այդ արձանագրումը տեղի չունենա, ապա Հայաստանում ՀՅԴ-ի քաղաքական ապագան ուղղակի շատ մշուշոտ կդառնա»:

• Հայաստանում ՀՅԴ-ի քաղաքական ապագան ուղղակի շատ մշուշոտ կդառնա. Նիկոլ Փաշինյան