Փա­շի­նյա­նը սի­րում է իր շուր­ջը դա­վադ­րու­թյուն­ներ տես­նել. առ­կա փա­կու­ղա­յին վի­ճա­կը խիստ նյար­դայ­նաց­նում է նրան

politnavigator.net-ն «Սահմանադրական դատարանի նախագահը Փաշինյանին «գրիչի հասցրեց» (довёл до ручки)» վերնագրով հոդվածում գրում է, որ այսօր Հայաստանի քաղաքական բացատը Փաշինյանի կողմից գրեթե փայլուն կերպով մաքրվել է հին քաղաքական էլիտայի ներկայացուցիչներից, իսկ Սահմանադրական դատարանի նախագահ Հրայր Թովմասյանը մնացել է հին դարաշրջանի գրեթե վերջին այն «դինոզավրը», որը որևէ կերպ կապված չէ 2018 թվականի «սիրո հեղափոխության» հետ, Փաշինյանի զինակիցը չէ և օծված չէ նրա կողմից գովասանքներով: 

Ըստ երևույթին, այս փաստը համառորեն խանգարում է Նիկոլայ Վովաևիչին հանգիստ ապրել, և նա փորձում է տապալել առանցքային պաշտոնում նստած այդ «վերջին մոհիկանին», որը խանգարում է «մայդան վարչապետին» լիարժեք ուժով սկսել իր «եվրոպական բարեփոխումները»: 

Օրենքի համաձայն, ո՛չ վարչապետը, որը իրեն համարում է «հայ ժողովրդի դարավոր երազանքի մարմնավորում», և ո՛չ էլ նրա կողմից վերահսկվող խորհրդարանը չեն կարող փոխել Հայաստանի Սահմանադրական դատարանի նախագահին: 

Դա կարող են անել միայն նրան ընտրած դատավորները: Բայց խնդիր է առաջացել. դատավորները չեն ցանկանում փոխել Թովմասյանին Փաշինյանի քաղաքական գազանանոցի ինչ-որ հաստահետույքավորով: 

Անցած տարի «Իմ քայլը» իշխող խմբակցության նախաձեռնությամբ խորհրդարանն անգամ այդ հարցով դիմել էր Սահմանադրական դատարան, բայց դատավորները մերժել են: 

Ներկայիս փակուղային իրավիճակը ահավոր զայրացնում է Փաշինյանին, որը սովոր է համընդհանուր երկրպագության ու հնազանդության: Սահմանադրական դատարանի վրա խորհրդարանի հարձակման անհաջող փորձից հետո երեք ամիս մտածելով՝ Փաշինյանը հանդես է եկել նոր և, ինչպես իրեն է թվում, հաջող մտահղացմամբ` կոռուպցիոն սկանդալով կոտրել թշնամուն: 

Հունվարի 25-ին նա մամուլի ասուլիսում հայտարարել է, որ «պետք է դատական համակարգը քաղաքական իրողություններին՝ ժողովրդի իշխանությանը և օրենքի գերակայությանը համապատասխանեցնել»: Դրանից հետո Փաշինյանը, որը սիրում է շփվել հանրության հետ Facebook- ի միջոցով, հայտարարել է, որ Հրայր Թովմասյանը 2018 թվականի մայիսին «Հայաստան» համահայկական հիմնադրամի հոգաբարձուների խորհրդի նիստում իրեն կաշառք է տվել ֆրանսիական «Korloff» գրիչի տեսքով: Այդ պահին հեղափոխության առաջնորդի մոտ գրիչ չի եղել: 

Ըստ Փաշինյանի, ինքը փորձել է գրիչը վերադարձնել, բայց Թովմասյանը հրաժարվել է այն ետ վերցնել: Որպեսզի մարդիկ կարողանան ամբողջ խորությամբ զգալ ՍԴ նախագահի բարոյական անկումը, Փաշինյանը նաև ասել է, որ Թովմասյանը իրեն դիմել է «պարոն վարչապետ ջան» խոսքերով: Հայերը «ջան» ասում են սիրելի մարդուն, այսինքն՝ նման կերպ զրուցակիցը շեշտում է իր հարգալից և ջերմ վերաբերմունքը դիմացինի նկատմամբ: 

Ըստ երևույթին, Թովմասյանը, ուղղակիորեն նայելով աչքերին, պետք է Փաշինյանին վիրավորական խոսքեր ասեր, որպեսզի վարչապետը ճանաչեր նրան որպես խիստ և անկոտրում պետական գործիչ: Բացի այդ, Թովմասյանը համարձակություն է ունեցել հիշեցնել Փաշինյանին, որ իր աները բնիկ իջևանցի է, որտեղից է նաև հենց ինքը՝ անհաշտ «մայդան վարչապետը»: Մի խոսքով, այլ կարծիք լինել չի կարող՝ ՍԴ-ի նախագահը քծնել է վարչապետին: Ըստ Փաշինյանի, «կլանային կառավարման ավանդույթ ունեցող երկրում սա կարևոր է, ի՞նչ է դա, եթե ոչ առաջարկ պաշտոնը պահպանելու փոխարեն ծառայություններ մատուցել»:

 Միևնույն ժամանակ, տեսախցիկի առաջ թափահարելով չարաբաստիկ գրիչը, Փաշինյանը կրկեսային ներկայացում է ներկայացրել: Օգտատերերից շատերը լուրջ չեն վերաբերվել վարչապետի բացահայտումներին, իսկ շատերն էլ ուղղակի սկսել են ծաղրել նրան: Իսկ ՍԴ նախագահը Փաշինյանի հետ բանավեճի չի մտել, այլ պարզապես հանձնարարել է իր փաստաբանին անհապաղ դատական հայց ներկայացնել: 

Սակայն Օստապ Բենդերին արդեն «տարել» էր: Փաշինյանը, որը սիրում է իր շուրջը դավադրություններ տեսնել, ՍԴ նախագահին մեղադրել է «հիբրիդային հեղաշրջում» պատրաստելու մեջ, որը ոստիկանության և ԱԱԾ-ի կողմից ժամանակին կանխվել է: 

Թովմասյանի բնակարանում ՀՔԾ-ն խուզարկություն է իրականացրել: Թե ինչ են փնտրել, անհասկանալի է, իսկ խուզարկության արդյունքների մասին չեն զեկուցել, բայց ՍԴ նախագահի փաստաբանը մամուլին հայտնել է խուզարկության ընթացքում իրավապահների կողմից կատարված կոպիտ խախտումների մասին: 

«Թովմասյանի գրիչի» շուրջ սկանդալի ընթացքում փաշինյանական «Իմ քայլի» շողոքորթները ևս աչքի են ընկել՝ հաստատելով հին ճշմարտությունը, որ հիմարից ավելի է վատ է նախաձեռնող հիմարը: 

Օրինակ՝ Երևանի ավագանու «Իմ քայլի» անդամ Հենրիկ Արթենյանը, տեղադրելով ՖԲ-ից վերցված աղջկա լուսանկար, կոչ է արել հետապնդել Հրայր Թովմասյանի դստերը սոցիալական ցանցերում: Հետագայում պարզվել է, որ լուսանկարում ուրիշ աղջիկ է: Արդյունքում, «Իմ քայլը» խմբակցությունը Արթենյանին զրկել է ավագանու մանդատից: Վերջնականապես գիտակցելով, որ «Թովմասյանի գրչի» սկանդալը դասավորվում է ոչ ի օգուտ իրեն, Փաշինյանը, այնուամենայնիվ, չընդունելով իր սխալը, սկսել է հուսահատորեն մանևրել հինգերորդ կետով և փորձել փրկել դեմքը: 

Ըստ նրա, «գրիչն ընդամենը խորհրդանիշն է այն բանի, որ իրենք չեն գնա ոչ սկզբունքային փոխզիջումների»: «Ոչ սկզբունքային փոխզիջումներ» ասելով՝ Փաշինյանը նկատի ունի «խամաճիկային ՍԴ չունենալու ցանկությունը», քանի որ, իր խորին համոզմամբ, Թովմասյանը նախագահ է ընտրվել խախտումներով և կեղծիքներով: Կարելի է ենթադրել, որ Փաշինյանի՝ Թովմասյանին ՍԴ նախագահի պաշտոնից ազատելու փորձերը կշարունակվեն:

 Իրականում դրանք հիմա էլ շարունակվում են: Իշխող «Իմ քայլը» խմբակցության պատգամավորները օրենք են ընդունել, ըստ որի, եթե ՍԴ-ի դատավորները կամավոր հրաժարվեն պաշտոնից, ապա պատվով թոշակի կանցնեն՝ միաժամանակ պահպանելով իրենց ներկայիս բավականին մեծ աշխատավարձը: 

Այդ օրենքը որակվում է որպես դատարանին կաշառելու փորձ: Փաշինյանին շուտափույթ կերպով անհրաժեշտ է վերահսկվող ՍԴ՝ առաջին հերթին «Մարտի 1-ի» գործով նախկին նախագահ Քոչարյանից և մյուսներից վրեժ լուծելու համար: