2020 թվականին կվերակառուցվի 22 մարզային դպրոց. նախարարը հրապարակել է ցանկ

 

2020 թվականի ՀՀ պետական բյուջեի միջոցներով հիմնովին կնորոգվի և կվերակռուցվի 8 միջին մասնագիտական ուսումնական հաստատություն և 22 մարզային հանրակրթական դպրոց: Այս մասին Ազգային ժողովում  գալիք տարվա բյուջեի քննարկման ժամանակ տեղեկացրել է կրթության, գիտության, մշակույթի և սպորտի նախարար Արայիկ Հարությունյանը: Նախարարը նաև հրապարակել է  դպրոցների ցանկը, որտեղ  2020 թվականին կապիտալ շինարարական աշխատանքներ են կատարվելու: Այս մասին տեղեկացնում է կրթության, գիտության, մշակույթի և սպորտի նախարարության տեղեկատվության և հասարակայնության հետ կապերի բաժինը։

 

Այդ դպրոցներն են`

 

Արարատի մարզ - Դեղձուտի միջնակարգ դպրոց

 

Արմավիրի մարզ - Արգինայի միջնակարգ դպրոց

 

Գեղարքունիքի մարզ -Լեռնահովիտի միջնակարգ դպրոց

 

Շատջրեքի միջնակարգ դպրոց

 

Ջիլի  միջնակարգ դպրոց

 

Լոռու մարզ - Մեդովկայի միջնակարգ դպրոց

 

Հագվու միջնակարգ դպրոց

 

 Շիրակի մարզ - Արեգնադեմի միջնակարգ դպրոց

 

Բերդաշենի միջնակարգ դպրոց

 

Կապսի միջնակարգ դպրոց

 

Սյունիքի մարզ - Հարժիսի միջնակարգ դպրոց

 

Դարբասի միջնակարգ դպրոց

 

 Կապանի թիվ 4 միջնակարգ դպրոց

 

Տավուշի մարզ - Կիրանցի միջնակարգ դպրոց

 

Դովեղի միջնակարգ դպրոց

 

Վայոց ձորի մարզ - Գոմքի միջնակարգ դպրոց

 

 Չիվայի միջնակարգ դպրոց

 

Եղեգիսի միջնակարգ դպրոց

 

Կոտայքի մարզ - Ջրառատի միջնակարգ դպրոց

 

Կաթնաղբյուրի միջնակարգ դպրոց

 

Արագածոտնի մարզ - Լուսակնի միջնակարգ դպրոց

 

Գառնահովիտի միջնակարգ դպրոց

 

 Նախարարը նաև տեղեկացրել է, որ 2019 թ. ՀՀ պետական բյուջեի հավելյալ մուտքերից 2,5 մլրդ դրամ է հատկացվել  կրթության, գիտության, մշակույթի և սպորտի ոլորտներին, որի շրջանակում կատարվել են նախագծային աշխատանքներ: Կատարված նախագծերի իրագործումը կպահանջի շուրջ 28 մլրդ դրամ: Եթե հետագայում պետությունը հատկացնի նոր միջոցներ, դրանք կիրագործվեն:

 

Ռոբոտիկայի լաբորատորիաների համար 2018 թվականին լրացուցիչ գումարներ են հատկացվել` մոտ 800 մլն դրամ: Մինչև 2019 թվականի տարեվերջ  դպրոցների 50 տոկոսն ապահովված կլինի  «Արմաթ» լաբորատորիաներով, որոնցում աշխատող մասնագետների աշխատավարձի համար պահանջվող գումարները նախատեսված են 2020 թ. պետական բյուջեում:

 

Նախարարը նաև տեղեկացրել է, որ 2020 թվականին Հայաստանում կանցկացվի կենսաբանության միջազգային օլիմպիադան, որի կազմակերպման համար բազմաթիվ նոր լաբորատորիաներ են ձեռք բերվելու, որոնք  հետագայում կտրամադրվեն հանրակրթական դպրոցներին:

 

Ընդհանուր առմամբ 2020 թվականի պետական բյուջեի նախագծում կրթության, գիտության, մշակույթի և սպրոտի նախարության համար նախատեսված է  21 ծրագիր, 176 միջոցառում, որոնց իրականացման համար առաջարկվում է  հատկացնել 179 մլրդ 459 մլն դրամ:  2019 թվականի համեմատ գալիք տարվա հատկացումներն ավելացել են 20 մլրդ 572 մլն դրամով կամ 12,9 տոկոսով: