ՊԱՏՄՈՒԹՅԱՆ ԱՅՍ ՕՐԸ (21 ՓԵՏՐՎԱՐԻ). Նիկոլ Փաշինյանը հայտարարել է, որ Երևանի կենտրոնում նախաձեռնվում է «անդադար ակցիա»

ՏՈՆԵՐ ԵՎ ՀԻՇԱՏԱԿԻ ՕՐԵՐ

Մայրենի լեզվի միջազգային օր, Բելառուս՝ Կադաստրի և քարտեզա-գեոդեզական ծառայության աշխատողների օր, Ֆրանսիա՝ Ֆրանսիական դիմադրության այլազգի մասնակից զոհերի հիշատակի օր։

ՀԱՅ-ՀԱՅԱՍՏԱՆ

1834 –ծնվել է գերմանացի հայագետ Ֆրիդրիխ Մյուլլերը։ 

1882- Թիֆլիսում լույս է տեսել «Արձագանք» պարբերականի առաջին համարը (խմբագիր Աբգար Հովհաննիսյան): 

1888 - ծնվել է ռուսահայ մաթեմատիկոս, երկրաֆիզիկոս և գյուտարար Երվանդ Կողբետլյանցը։ 

1902 –վախճանվել է հայագետ Ալեքսանդր Երիցյանը։ 1909 - ծնվել է նկարիչ, մանկավարժ Բաբկեն Քոլոզյանը։ 

1919 - վախճանվել է գրող Լևոն Մանվելյանը։ 

1937 - ծնվել է վավերագրական կինոյի վարպետ Միքայել Վարտանովը, որը եղել է Սերգեյ Փարաջանովի մոտիկ ընկերը և դրա համար հետապնդվել Խորհրդային իշխանությունների կողմից։ 

1944– ֆրանսահայ բանաստեղծ, ֆրանսիական դիմադրության շարժման մարտիկ, ինտերնացիոնալ պարտիզանական ջոկատի հրամանատար Միսաք Մանուշյանը իր խմբի 21 անդամների հետ միասին գնդակահարվել է Փարիզում, հետագայում նրան շնորհվել է Ֆրանսիայի ազգային հերոսի կոչում։ 

1994- Հայաստանը դիվանագիտական հարաբերություններ է հաստատել Մալիի հետ։ 

1996- վախճանվել է բանաստեղծ Վահագն Դավթյանը։

 2002-Կենտրոն և Նորք-Մարաշ համայնքների առաջին ատյանի դատարանը նախագահ Ռոբերտ Քոչարյանի թիկնազորի անդամ Աղամալ Հարությունյանին մեղավոր է ճանաչել 2001 թվականի սեպտեմբերի 25-ին «Առագաստ» սրճարանում Ջավախքի Նինոծմինդայի շրջանի Ջիգրաշեն գյուղի գյուղապետ, Դաշնակցության անդամ Պողոս Պողոսյանի անզգույշ սպանության համար և դատապարտել երկու տարի ժամանակով ազատազրկման։ 

2003-Մատենադարի մոտ տեղի է ունեցել Ստեփան Դեմիրճյանի կողմնակիցների բազմահազարանոց հանրահավաքը: 

2005-Նախագահ Ռոբերտ Քոչարյանի հրամանագրով ծառայության ընթացքում ցուցաբերած արիության և ինքնազոհության համար լեյտենանտ Գուրգեն Մարգարյանը հետմահու պագևատրվել է «Արիության համար» շքանշանով:

 2008- Լևոն Տեր-Պետրոսյանի նախընտրական շտաբի անդամ Նիկոլ Փաշինյանը հայտարարել է, որ Երևանի կենտրոնում նախաձեռնվում է «անդադար ակցիա»: 

2011- միջազգային «Պրոդէքսպո-2011» ցուցահանդեսում ներկայացվել է հայկական Great Valley կոնյակը և մեծ գովեստի արժանացել։ 

2018 - վախճանվել է ազատամարտիկ, «Արամ Մանուկյան» ջոկատի հրամանատար Թաթոս Գևորգյանը։

ԱՇԽԱՐՀ

1677 - վախճանվել է հոլանդացի փիլիսոփա, աթեիստ Բենեդիկտ Սպինոզան։ 

1784 -համաձայն Ռուսաստանի կայսրուհի Եկատերինա 2-րդի հրամանի, Ղրիմում հիմնադրված նավահանգիստ-ամրոցը ստացել է Սևաստոպոլ անվանումը։ 

1804 -անգլիացի Ռիչարդ Տրևիտնիկը առաջին անգամ ցուցադրել է շոգիով աշխատող և ռելսերի վրայով շարժվող կառքը, որը հանդիսանում է շոգեքարշի նախատիպը։ 

1811 -Հեմֆիր Դևին ներկայացրել է իր հայտնագործած քլոր գազի հատկությունները։ 

1836– ծնվել է ֆրանսիացի նշանավոր երգահան Լեո Դելիբը։ 

1848– Կառլ Մարքսը և Ֆրիդրիխ Էնգելսը Լոնդոնում հրատարակել են կոմունիստական կուսակցության մանիֆեստը։ 

1852– վախճանվել է ռուս նշանավոր գրող, արձակագիր, դրամատուրգ, բանաստեղծ, գրաքննադատ Նիկոլայ Գոգոլը։ 

1866 - ծնվել է գերմանացի միկրոբիոլոգ և իմունոլոգ Ավգուստ Վասերմանը, որը հայտնագործել է սիֆիլիս հիվանդության ախտորոշումը (այսպես կոչված՝ «Վասերմանի ռեակցիան»)։ 

1885 -Վաշինգտոնում բացվել է Ջորջ Վաշինգտոնի արձանը։ 

1893– ծնվել է իսպանացի կիթառահար Անդրես Սեգովիանը, որը համարվում է ժամանակակից ակադեմիական կիթառային երաժշտության հիմնադիրը։ 

1953 -Ջեյմս Ուոթսոնը և Ֆրենսիս Կրիկը ներկայացրել են ԴՆԹ-ի կառուցվածքային մոդելը՝ կրկնակի պարույրը։ 

1973 – ստորագրվել է Վիենտյանյան պայմանագիրը, որով ավարտվել է Լաոսի քաղաքական պատերազմը։ 

1973 -Իսրայելի ռազմաօդային ուժերի կործանիչը Սինայան թերակղզում խփել է լիբանանյան Boeing 727 մարդատար ինքնաթիռը, որի արդյունքում զոհվել է 108 մարդ։ 

1984 - վախճանվել է ռուս արձակագիր, հրապարակախոս, Նոբել յան մրցանակի դափնեկիր Միխայիլ Շոլոխովը։

 2008 -ժամը 03:26-ին տեղի է ունեցել Լուսնի լրիվ խավարում։ 

2009 -չինական Գուցզյաո քաղաքի ածխի հանքահորերից մեկում տեղի ունեցած պայթյունի հետևանքով զոհվել է 74 հանքափոր։ 

2017 -վախճանվել է ամերիկացի տնտեսագետ, Նոբել յան մրցանակի դափնեկիր Քեննետ Ժոզեֆ Էրրոուն։