Առատաձեռն մարդիկ ավելի երջանիկ ու առողջ են. հետազոտություն

Պարզվել է՝ առատաձեռն մարդիկ ավելի երջանիկ և առողջ են, հայտնում է direct-press.ru-ն: Հայտնի է, որ երջանկության մակարդակն առատաձեռն մարդկանց շրջանում զգալիորեն բարձր է, և ինչպես ցույց են տվել վերջերս կատարված հետազոտությունները, այդպիսի մարդիկ ավելի քիչ են հիվանդանում, ավելի առողջ են լինում:

Ինչո՞ւ է այդպես: Իրականում առատաձեռնության դրսևորումը սոցիալական ֆենոմեն է, բացատրում են հոգեբանները: Մարդն ինչ-որ բան կարող է ստանալ միայն տալով: Տվյալ դեպքում տալով մեր ունեցածից մի մաս՝ մենք փոխարենը շատ ավելին ենք ստանում: Իհարկե, եթե դա ճնշման տակ չենք անում:

Որո՞նք են առատաձեռնության առավելություններն առողջության համար:

Ուրիշներին օգնելը իջեցնում է ճնշումը

Դա հեշտ չէ բացատրել, բայց հետազոտությունը ցույց է տվել, որ առատաձեռն մարդիկ ավելի քիչ խնդիրներ են ունենում՝ կապված բարձր ճնշման հետ:

Ուրիշներին օգնելը նվազեցնում է սթերսի մակարդակը

Եսակենտրոն մարդը մշտապես կենտրոնացած է իր խնդիրների վրա, ուստի հաճախ սթրեսային վիճակում է լինում: Մարդիկ, որոնք ուրախությամբ օգնում են ուրիշներին, 40%-ով պակաս են ենթակա սթերսի:

Առատաձեռն մարդիկ ավելի երկար են ապրում

Այդպիսի մարդկանց վաղաժամ մահվան ռիսկը 30%-ով պակաս է, ցույց է տվել ամերիկացի գիտնականների հետազոտությունը:

Առատաձեռն մարդիկ ավելի երջանիկ են

Նշվում է, որ առատաձեռն մարդն ավելի հաճախ է լավ, բարձր տրամադրություն ունենում, ավելի բավարարված է իր կյանքով և ընդհանուր առմամբ ավելի երջանիկ է:

Աղբյուրը՝ 1in.am