Ավ­տո­մե­քե­նա­նե­րի կու­տա­կում է, իսկ գնորդ չկա

mir24.tv-ն «Հայաստանում կտրուկ նվազել է ավտոմեքենաների վաճառքը» վերնագրով հոդվածում գրում է, որ ընդամենը երկու ամիս առաջ Երևանի ավտոշուկայում օրական վաճառվում էր մոտ 500 ավտոմեքենա, սակայն հունվարի 1-ից զեղչային մաքսազերծումը հանվել է, և ավտոմեքենաների վաճառքը փաստացի կանգ է առել։ Ավտոշուկայում բացառապես վաճառողներ են։ 

Նրանք իրենց ապրանքը ձեռք են բերել դեռևս հին մաքսադրույքներով մինչև դեկտեմբերի վերջը, սակայն հիմա առևտուր չկա անգամ էժանացված գներով. առաջարկը մեծ է, իսկ պահանջարկ չկա։ Անցած տարի Հայաստանից ռուսներն ու ղազախներն են ակտիվորեն ավտոմեքենաներ գնել, սակայն անգամ այն ժամանակ տարվա վերջին վաճառքի մակարդակը սկսել էր ընկնել։ 

Արդյունքում Հայաստան ներկրված մոտ 160 000 ավտոմեքենաներից երկրում մնացել է մոտ 100 000-ը։ Ավտոմեքենաներ Հայաստան ներկրվել են հիմնականում ԱՄՆ-ից և Ճապոնիայից, և այդ մեքենաները քիչ քշված և լավ վիճակում են, սակայն անգամ վերավաճառողների համար են դրանք թանկ։ 

Հին ավտոմեքենաների համար մաքսատուրքերը բարձրացել են, և դա նպատակ է հետապնդել ԵԱՏՄ տարածքը ազատել ավտոաղբից, ինչի արդյունքում, ենթադրաբար, մարդիկ հայացքները կուղղեին դեպի նոր ավտոմեքենաները, որոնց մաքսազերծումը համարյա զրոյական է։ 

Սակայն քչերն են ի վիճակի 20 000- 30 000 դոլար վճարել նոր ավտոմեքենայի համար։ Այնուամենայնիվ, հին ավտոմեքենաների տերերը դեռևս հույս ունեն ծախել իրենց ապրանքը մինչև եղանակների տաքանալը։