ՊԱՏՄՈՒԹՅԱՆ ԱՅՍ ՕՐԸ (7 ՄԱՐՏԻ). Կա­յա­ցել է Երև­ա­նի մետ­րո­պո­լի­տե­նի բացումը

ՏՈՆԵՐ

Ալբանիա՝ Ուսուցչի օր։

ՀԱՅ-ՀԱՅԱՍՏԱՆ

1837- ծնվել է դերասան, ռեժիսոր, դրամատուրգ Գևորգ Չմշկյանը։ 

1871- ծնվել է դերասանուհի Օլգա Մայսուրյանը։

1888- ծնվել է դրամատուրգ, բժիշկ Ստեփան Բաղդասարյանը։

1929- ծնվել է դերասան Էդգար Էլբակյանը։

1932- ծնվել է նկարիչ, գոբելենագործ Կարապետ Եղիազարյանը։

1981- կայացել է Երևանի մետրոպոլիտենի բացման արարողությունը «Բարեկամություն» կայարանում։ Շահագործման է հանձնվում «Բարեկամություն» - «Սասունցի Դավիթ» հատվածը։

2004-Եղանակի կտրուկ տաքացման հետևանքով վարարած Հրազդան գետի ջրերը ողողել են մի քանի պոմպակայաններ: Արդյունքում մայրաքաղաքի որոշ համայնքներում խմելու ջուրը աղտոտվել է:

2007- Բուդապեշտում հայ սպա Գուրգեն Մարգարյանի սպանության համար ցմահ ազատազրկման դատապարտված Ռամիլ Սաֆարովը քննչական մեկուսարանից տեղափոխվել է բանտ, որը գտնվում է Հունգարիայի մայրաքաղաքից 170 կիլոմետր հեռավորության վրա:

2013-երկու տարի գործած Երևանի «Նեմո» դելֆինարիումը ապամոնտաժվել է, իսկ դելֆինները տարվել են Հայաստանից:

2014-Թուրքիայում բանտից ազատ է արձակվել Հրանտ Դինքի սպանության գործով ձերբակալված առանցքային կասկածյալը՝ ռազմական ոստիկանության նախկին գաղտնի գործակալ Էրհան Թունջելը:

2016-Վրաստան - «Գազպրոմ» բանակցությունները հանգուցալուծվել են, Վրաստանը շարունակելու է ստանալ Հայաստան տարանցվող գազի 10 տոկոսը:

ԱՇԽԱՐՀ

161-վախճանվել է Հռոմի Անտոնինոս Պիոս կայսրը, նրան փոխարինել են որդիները՝ Մարկոս Ավրելիոսը և Լուցիոս Վերոսը։ 

321- Կոստանդիանոս Ա Մեծ կայսրը Բյուզանդական Կայսրությունում կիրակին հայտարարել է հանգստի օր։ 

1274-վախճանվել է իտալացի քահանա և փիլիսոփա Թովմա Աքվինացին։ 

1573 -Կոնստանդնուպոլսյան պայմանագրով Վենետիկը ճանաչել է Թուրքիայի գերիշխանությունը Կիպրոսի նկատմամբ։ 

1657- Ֆրանսիայի թագավոր Լյուդովիկոս 14-րդը արգելել է ամերիկյան հնդկացիներին սպիրտային խմիչք վաճառել: 

1671 -ծնվել է Շոտլանդիայի ազգային հերոս Ռոբ Բոյը, որը հայտնի է որպես «շոտլանդական Ռոբին Հուդ»։ 

1765 -ծնվել է ֆրանսիացի գյուտարար Ժոզեֆ Նիսեֆոր Նյեպսը, որը հանդիսանում է լուսանկարչության հիմնադիրներից մեկը։ 

1799- Նապոլեոն Բոնապարտը գրավել է Պաղեստինի Ջաֆան։ 

1809-վախճանվել է ֆրանսիացի օդագնաց ժան-Պիեռ Ֆրանսուա Բլանշարը, որը առաջինն է օդապարիկով հատել Լա-Մանշ նեղուցը։ 

1855 -ծնվել է ֆրանսիացի գրող, կոլեկցիոներ, պատմագիր, արվեստների հովանավոր Ռոբեր դե Մոնտեսքյոն։

1875- ծնվել է ֆրանսիացի նշանավոր երգահան Մորիս Ռավելը։ 

1876- Ալեքսանդր Բելլը արտոնագրել է հեռախոսի գյուտը։ 

1908- ծնվել է իտալացի դերասանուհի Աննա Մանյանին։

 1912-Ռաուլ Ամուդսենը, հասնելով ավստրալիական Հոբարտ, հայտնել է, որ նվաճել է Հարավային բևեռը։ 

1920 -սիրիական Ազգային կոնգրեսը հայտարարել է Սիրիայի անկախությունը։ 

1924- ծնվել է ճապոնացի ականավոր արձակագիր և դրամատուրգ Կոբո Աբեն։ 

1926 -ռադիոհեռախոսային կապ է հաստատվել Լոնդոնի և Նյու Յորքի միջև։ 

1933 - Չարլզ Դարրոուի կողմից ստեղծվել է «Մոնոպոլիա» խաղը։ 

1941 -ծնվել է խորհրդային կինոյի և թատրոնի դերասան Անդրեյ Միրոնովը։ 

1960 -ԽՍՀՄ-ում 20 ռազմական օդաչուներից կազմավորվել է տիեզերագնացների առաջին խումբը։ 

1967- ԽՍՀՄ-ը անցել է երկու հանգստյան օրով հնգօրյա աշխատանքային շաբաթվա ռեժիմի։ 

1989 -կապված Սալման Ռուշդիի նոր գրքի շուրջ ծագած սկանդալի հետ՝ Իրանը խզել է դիվանագիտական հարաբերությունները Մեծ Բրիտանիայի հետ։