ՊԱՏՄՈՒԹՅԱՆ ԱՅՍ ՕՐԸ (10 ՄԱՐՏԻ)․ Րաֆֆի Հովհաննիսյանը հացադուլ է սկսել Երևանի Ազատության հրապարակում

ՏՈՆԵՐ

Հարավային Կորեա՝ Աշխատանքի օր, Ուկրաինա՝ Հողագործի օր,

Ռուսաստան՝ Արխիվների օր, Տիբեթ՝ Տիբեթի ապստամբության օր , Լաոս՝ Ուսուցչի օր, Մյանմա՝ Չոր սեզոնի սկզբի օր։

ՀԱՅ-ՀԱՅԱՍՏԱՆ

1868-առաջին անգամ «Նաում» թատրոնում իտալական օպերային խմբի կողմից հատվածներ են ներկայացվել Չուխաջյանի «Արշակ 2-րդ» օպերայից։ 

1904- ծնվել է հայ խորհրդային երգահան Լևոն Խոջա-Էյնաթովը։ 

1926- ծնվել է ժողովրդական արտիստ, դիրիժոր Արամ Քաթանյանը։ 

1935- ծնվել է հոգևոր երգիչ, բանասեր Խորեն Պալյանը։ 

1936- ծնվել է նկարիչ Մարտին Պետրոսյանը։ 

1945- վախճանվել է Հայաստանի Առաջին Հանրապետության երկրորդ վարչապետ Ալեքսանդր Խատիսյանը։ 

1949 -ծնվել է բուլղարահայ ֆանտաստ գրող Հակոբ Մելքոնյանը։ 

1986- վախճանվել է ամերիկահայ գրող Արամ Հայկազը։ 

1992-Հայաստանը դիվանագիտական հարաբերություններ է հաստատել Բելգիայի և Ուզբեկստանի հետ։ 

2000 -վախճանվել է խորհրդահայ ֆիզիկոս-քիմիկոս, ակադեմիկոս Քրիստափոր Բաղդասարյանը։ 2008-ձերբակալվել են Ալեքսանդր Արզումանյանը և Արարատ Զուրաբյանը։ 

- Հայաստանի նախագահ Ռոբերտ Քոչարյանը երկու փոփոխություն է կատարել արտակարգ դրության մասին իր հրամանագրում, և ուժը կորցրած են ճանաչվել որոշ կետեր։ 

2013-Նախագահական ընտրությունների պաշտոնական արդյունքները վիճարկող ընդդիմադիր առաջնորդ Րաֆֆի Հովհաննիսյանը հանրահավաքից հետո հացադուլ է սկսել Երևանի Ազատության հրապարակում։ 

2015-Ջորջ Քլունին և Ռուբեն Վարդանյանը ազդարարել են նոր մարդասիրական «Ավրորա» մրցանակի ստեղծումը, որը շնորհվելու է հանուն ուրիշների փրկության իրենց կյանքը վտանգած մարդկանց։

ԱՇԽԱՐՀ

1503- ծնվել է Սրբազան Հռոմի կայսր Ֆերդինանդ 1-ինը։ 

1535- իսպանացի ծովագնացները Խաղաղ օվկիանոսում Էկվադորից 972 կմ դեպի արևմուտք հայտնաբերել են Գալապագոսյան կղզիները։ 

1628 -ծնվել է իտալացի բուսաբան և բժիշկ Մարչելլո Մալպինգին, որը բույսերի և կենդանիների միկրոսկոպիկ անատոմիայի հիմնադիրներից մեկն է։ 

1772- ծնվել է գերմանացի բանաստեղծ Ֆրիդրիխ Շլեգելը։ 

1804- Ֆրանսիան պաշտոնապես Լուիզիանան հանձնել է ԱՄՆ-ին։ 1813 -Գերմանիայում սահմանվել է «Երկաթյա խաչ» ռազմական շքանշանը։

1832-վախճանվել է իտալացի կոմպոզիտոր Մուցիո Կլեմենտին։ 

1861- վախճանվել է ուկրաինացի բանաստեղծ Տարաս Շևչենկոն։ 

1862 -ԱՄՆ-ի դաշնային կառավարության կողմից երկրում առաջին անգամ թողարկվել են թղթադրամներ։ 

1872- վախճանվել է իտալացի լրագրող և քաղաքական գործիչ Ջուզեպպե Մացցինին։ 

1876 -հեռախոսի արտոնագիր ստանալուց երեք օր անց Ալեքսանդր Բելլին վերջապես հաջողվել է զանգել իր օգնական Թոմաս Ուոթսոնին, որը գտնվում էր հարևան սենյակում։ 

1879-ծնվել է գերմանացի գրող Յակով Վասերմանը։ 

1893 -Փղոսկրի ափը դարձել է ֆրանսիական գաղութ։ 

1905- Լոնդոնում հիմնադրվել է անգլիական «Չելսի» ֆուտբոլային ակումբը։ 

1910 -Չինաստանում արգելվել է ստրկությունը։ 

1920- ծնվել է ֆրանսիացի գրող և դրամատուրգ Բորիս Վիանը։ 

1939 -Մոսկվայի «Շաբոլովկա» հեռուստակենտրոնը սկսել է իրականացնել հեռուստահաղորդումներ։ 

1940 - ծնվել է ամերիկացի ճանաչված կինոդերասան և մարտարվեստների վարպետ Չակ Նորիսը։ 1940- վախճանվել է ռուս գրող և դրամատուրգ Միխայիլ Բուլգակովը։ 

1945- ԱՄՆ-ի ռազմա-օդային ուժերը ռմբակոծել են Ճապոնիայի մայրաքաղաք Տոկիոն, ինչի հետևանքով զոհվել է մոտ 100 000 մարդ։ 

1952 -Կուբայում Ֆուլխենստինո Բատիստան իրականացրել է հեղաշրջում և իրեն նշանակել «ժամանակավոր նախագահ»։ 

1953- New York Herald Tribune թերթում առաջին անգամ տպագրվել է հանրահայտ սմայլիկի նախատիպը։ 

1958- ծնվել է դերասանուհի Շերոն Սթոունը։ 

1967 -ԱՄՆ-ի ավիացիան իրականացրել է Հյուսիսային Վիետնամի արդյունաբերական օբյեկտների առաջին հզոր ռմբակոծությունը։ 

1970 -նպատակ ունենալով դադարեցնել թեոլոգիական խմորումները և խթանել էմիգրացիան՝ Իսրայելի Քնեսեթը որոշել է, որ հրեաներ են համարվում ոչ միայն «հրեուհուց ծնվածները», այլ նաև բոլոր այն ոչ հրեաները, որոնք ընդունել են հուդայականությունը։ 

1977-ԱՄՆ-ի, Ավստրալիայի, Հնդկաստանի, ՀԱՀ-ի աստղագետների մի քանի խմբեր հայտնաբերել են Ուրանի օղակները։ 

1982 -տեղի է ունեցել մոլորակների քիչ հանդիպող շքերթ. բոլոր 9 մոլորակները հավաքվել են Արեգակից այն կողմ 95 աստիճանի սեկտորում։ 

2001 - վախճանվել է «Ի՞նչ, որտե՞ղ, ե՞րբ» հեռուստահաղորդման հեղինակ, ռեժիսոր, հեռուստահաղորդավար Վլադիմիր Վորոշիլովը։ 

2018 -վախճանվել է Givenchy մոդելային տան հիմնադիր Յուբեր դե Ջիվանշին։