ՊԱՏՄՈՒԹՅԱՆ ԱՅՍ ՕՐԸ (25 ՄԱՐՏԻ). Խոշոր հրդեհ առևտրաժամանցային կենտրոնում, գազի թանկացում և ճիզվիտների վտարում

ՏՈՆԵՐ ԵՎ ՀԻՇԱՏԱԿԻ ՕՐԵՐ

Ստրկության և տրանսատլանտյան ստրկատիրության զոհերի հիշատակի օր, Հունաստան՝ Անկախության օր, Ռուսաստան՝ Մշակույթի աշխատողների օր, Ուկրաինա՝ Ուկրաինայի ազգային անվտանգության ծառայության աշխատողների օր։

ՀԱՅ-ՀԱՅԱՍՏԱՆ

1912 - ծնվել է բանաստեղծ, արձակագիր և թարգմանիչ Մարտին Քարամյանը։ 

1912 - ծնվել է նկարիչ Ալեքսանդր Շաքարյանը։ 

1921- սկսվել է բոլշևիկների հուժկու հարձակումը բոլոր ուղղություններով։ Նրանք գրավել են Ապարանը, Կոտայքը և, աստիճանաբար առաջանալով, ապրիլի 2-ին մտել Երևան: Մայրաքաղաքը ավերածությունից փրկելու և ավելորդ արյունահեղությունից խուսափելու համար որոշվել է Երևանը հանձնել առանց կռվի։ 

1973 - վախճանվել է բանաստեղծ, գրականագետ, թարգմանիչ Տիգրան Հախումյանը։ 

1992- Հայաստանը դիվանագիտական հարաբերություններ է հաստատել Ֆինլանդիայի հետ։ 

1994-երկու ադրբեջանական ինքնաթիռ կասետային ռումբեր են նետել Հորադիզի մոտ գտնվող հայկական դիրքերի վրա, ընդ որում, դրա արդյունքում տուժել են նաև ադրբեջանական զինվորները, ԼՂՀ-ի ՀՕՊ ուժերի կողմից կանխվել է օդային հարձակումը Ստեփանակերտի վրա։ 

2002- երկօրյա աշխատանքային այցով Հայաստան է ժամանել Ռուսաստանի նախագահ Վլադիմիր Պուտինը տիկնոջ հետ: 

2007-կաթվածից վախճանվել է հասարակական-քաղաքական գործիչ, Հայաստանի վարչապետ և ՀՀԿ նախագահ Անդրանիկ Մարգարյանը:

 2010-Հանրային ծառայությունները կարգավորող հանձնաժողովը միաձայն որոշել է, որ ապրիլի 1-ից բնակչության կողմից սպառվող գազի 1 խորանարդ մետրը կարժենա 132 դրամ՝ առկա 96-ի փոխարեն։ 

2014-Եգիպտոսում գերմանահայ Հուրիկ Սուրուզյանի ղեկավարությամբ հնագետները հայտնաբերել են Ամենհոտեպ 3-րդ փարավոնի երկու նոր հսկա արձաններ։ 

2015-աշխատավարձ ստանալու պահանջով նաիրիտցիները փակել են գործարանի հարակից փողոցը։

ԱՇԽԱՐՀ

752 -երկու օր առաջ Հռոմի պապ ընտրված Ստեֆան 2-րդը վախճանվել է ապոպլեկսիկ հարվածից։ Քանի որ նա չէր հասցրել անցնել պահանջվող օծման արարողությունը, նրա անունը չեն գրանցել որպես Հռոմի պապ, իսկ նրա հաջորդը, վերցնելով նույն անունը, այդպես էլ պատմության մեջ մնացել է անորոշ անունով, ոչ այն է՝ Ստեֆան 2-րդ, ոչ այն է՝ Ստեֆան-3-րդ։

1655- հոլանդացի գիտնական Քրիստիան Հյույգենսը հայտնաբերել է Սատուրնի արբանյակ Տիտանը: 

1699 –ծնվել է գերմանացի երգիչ-երգահան Յոհան Ադոլֆ Հասսեն։ 

1712 -վախճանվել է անգլիացի բուսաբան, բժիշկ, միկրոսկոպիստ Հեեմիա Գրյուն, որը համարվում է բույսերի անատոմիայի հիմնադիրը։ 

1801 –վախճանվել է գերմանացի բանաստեղծ և կոմպոզիտոր Նովալիսը։ 

1802 -մի կողմից՝ Ֆրանսիայի, Իսպանիայի և Բատավյան Հանրապետության, իսկ մյուս կողմից՝ Անգլիայի միջև կնքվել է Ամենյան խաղաղության պայմանագիրը։

1820 - Ռուսական Կայսրությունում սկսել են երկրից վտարել ճիզվիտներին: 

1821- Հունաստանը հռչակել է իր անկախությունը Օսմանյան կայսրությունից: 

1843 -Լոնդոնում բացվել է հետիոտնային թունել Թեմզայի տակով, որը կապել է Վրեպպինգը Ռոզերքրիստի հետ։ 

1867 - ծնվել է իտալացի դիրիժոր Արտուրո Տոսկանինին։ 

1881 - ծնվել է հունգարացի դաշնակահար և կոմպոզիտոր Բելա Բարտոկը։ 

1908- ծնվել է բրիտանացի հայտնի ռեժիսոր Դևիդ Լինը։ 

1914 - վախճանվել է պրովանսացի բանաստեղծ Ֆրեդերիկ Միստրալը։ 

1917- Վրաց ուղղափառ եկեղեցին անկախացել է Ռուսական Կայսրությունից: 

1918 - վախճանվել է ֆրանսիացի կոմպոզիտոր Կլոդ Դեբյուսին։ 

1947 - ծնվել է անգլիացի երգիչ-երգահան, դաշնակահար և դերասան Էլթոն Ջոնը։ 

1969 - վախճանվել է ամերիկացի բանաստեղծ Մաքս Իսթմենը։ 

1988 - Բրատիսլավայում կոմունիստական ռեժիմի դեմ կայացել է մոմերով ցույց։ 

1992 -ֆինանսական խնդիրների պատճառով դադարել է լույս տեսնել ավելի քան 150 տարվա պատմություն ունեցող անգլիական «Պանչ» երգիծական ամսագիրը։ 

1997 -արգենտինացի Հերման Մորոյի ղեկավարած «գանձերի որսորդները» հայտարարել են, որ Էկվադորի ափերի մոտ հայտնաբերել են 1654 թվականին խորտակված իսպանական La Capitana առագաստանավը, որը բեռնված է ոսկով և արծաթով։ Ըստ նախնական հաշվարկների, գանձի արժեքը գնահատվել է մի քանի միլիարդ դոլար։ 

2002- հայտնաբերվել է էպիլեպսիայի գենը: 2018 -Ռուսաստանի Կեմերովո քաղաքի «Ձմեռային բալ» առևտրաժամանցային կենտրոնում հրդեհ է բռնկվել։

Կամո Խաչիկյան