ՊԱՏՄՈՒԹՅԱՆ ԱՅՍ ՕՐԸ (26 ՄԱՐՏԻ). Սկսվել է Հյու­սի­սա­յին պո­ղո­տա­յի շի­նա­րա­րու­թյու­նը

ՏՈՆԵՐ

Բանգլադեշ՝ Անկախության օր, Մալի՝ Ժողովրդավարության օր, Ուկրաինա՝ Ազգային Գվարդիայի օր, Վիետնամ՝ Երիտասարդության օր, Զրադաշտականներ` Զրադաշտի ծննդյան օր:

ՀԱՅ-ՀԱՅԱՍՏԱՆ

1701- հիմնադրվել է Վենետիկի Մխիթարյան միաբանությունը: 

1920-հայ-ադրբեջանական պատերազմի ընթացքում Սալիմովի, Թեյմուր բեկ Նովրուզովի և Ալի աղա Շիխլինսկու ղեկավարած զորքերը փորձել են գրավել Դալի Ղազարի զորքի կողմից պաշտպանվող Ասկերանը և շրջակա բնակավայրերը։

 -Զանգեզուրից Ղարաբաղ է ուղարկվել փոխգնդապետ Թարվերդյանի փոքրիկ ջոկատը, որն ի վերջո հետ է վերադարձել՝ կապված նրա հետ, որ Ջեբրայիլում ադրբեջանական ուժեր չեն հայտնաբերվել։ 

1928- ծնվել է նկարիչ, պրոֆեսոր Ռոմանոս Սարգսյանը։ 

1947- ԽՍՀՄ-ում արգելվել է մահապատիժը։ 

1958- վախճանվել է բանաստեղծ Ազատ Վշտունին: 

1993-Հայաստանը դիվանագիտական հարաբերություններ է հաստատել Նեպալի հետ։ 

1999- Միչիգանի դատարանը հայազգի բժիշկ Ջեք Գևորգյանին (Դոկտոր Մահ) մեղավոր է ճանաչել էֆթանազիա իրականացնելու համար։

 2002- պաշտոնապես սկսվել է Հյուսիսային պողոտայի շինարարությունը: 

2006- Վաշինգտոնում Հայաստանի ու «Հազարամյակի մարտահրավերներ» կորպորացիայի միջև կնքվել է համաձայնագիր, որով առաջիկա 5 տարվա ընթացքում Հայաստանի կառավարությունը պետք է ստանար 235 միլիոն դոլար։ 

2007- Հայաստանի նախագահ Ռոբերտ Քոչարյանը ընդունել է կառավարության հրաժարականը` կապված վարչապետ Անդրանիկ Մարգարյանի մահվան հետ: 

2008- վախճանվել է ֆրանսահայ երգիչ Ժակ Դուվալյանը։ 

2014- կառավարության որոշմամբ Հայկական ատոմակայանի շահագործումը երկարացվել է ևս 10 տարով: 

2019-վարչապետ Նիկոլ Փաշինյանի մասնակցությամբ բացվել է «Սպայկա» ագրոհոլդինգի պանրի և կաթնամթերքի այլ տեսակների ժամանակակից տեխնոլոգիաներով հագեցած գործարանը։

ԱՇԽԱՐՀ

1169- Սալահ ադ Դինը դարձել է Եգիպտոսի էմիր։ 

1483 -ծնվել է իտալացի նկարիչ և ճարտարապետ Ռաֆայելը։ 

1668 -Անգլիան ստացել է Բոմբեի նկատմամբ հսկողություն։ 

1713 -Իսպանիան Անգլիային իրավունք է տվել զբաղվել ստրկավաճառությամբ իր ամերիկյան տարածքներում։ 

1720 -վախճանվել է կսմիթավոր երաժշտական գործիքներ պատրաստող իտալացի վարպետ Պիետրո Գվարներին։ 

1797-վախճանվել է շոտլանդացի երկրաբան Ջեյմս Հաթոնը։ 

1812- Վենեսուելայի մայրաքաղաք Կարակասում տեղի է ունեցել երկրաշարժ, որի արդյունքում զոհվել է մոտ 20 000 մարդ։ 

1827- վախճանվել է գերմանացի մեծագույն կոմպոզիտոր, դաշնակահար, դիրիժոր Լյուդվիգ վան Բեթհովենը։ 

1828- ավստրիացի երգահան Ֆրանց Շուբերտը տվել է իր միակ հասարակական համերգը։ 

1845 -ԱՄՆ-ում արտոնագրվել է բժշկական լեյկոպլաստիրը։ 

1881- Թեսալիան ազատագրվել և մտել է Հունաստանի կազմ։ 

1892- վախճանվել է ամերիկացի բանաստեղծ և գրող Ուոլթ Ուիթմենը։ 

1905- ծնվել է ավստրիացի նյարդաբան և հոգեբույժ Վիկտոր Ֆրանկլը։ 

1910- վախճանվել է ֆրանսիացի ազգագրագետ Օգյուստ Շարլուան։ 

1911- ծնվել է ամերիկացի դրամատուրգ, գրող և բանաստեղծ Թենեսի Ուիլյամսը։ 

1923- վախճանվել է ֆրանսիացի դերասանուհի Սառա Բեռնարը։ 

1933 -ծնվել է իտալացի կինոռեժիսոր Տինտո Բարսսը («Բոլոր մարդիկ անում են դա», «Ծածուկ նայողը», «Արգելքները խախտեով» և այլն)։ 

1934- Մեծ Բրիտանիայում մտցվել են քննություններ ավտոմեքենա վարելու համար։ 

1941- ծնվել է անգլիացի կենսաբան Ռիչարդ Դոկինզը։ 

1944 -Երկրորդ համաշխարհային պատերազմի ժամանակ խորհրդային զորքերը Պրուտ գետի շրջանում դուրս են եկել ԽՍՀՄ-ի սահմանից։ 

1945- Երկրորդ համաշխարհային պատերազմի ժամանակ ամերիկյան զորքերը գրավել են ճապոնական Իվոձիմա կղզին։ 

1953-ամերիկացի բժիշկ Ջոնս Էդվարդ Սոլկը հայտարարել է, որ հաջողված փորձարկվել է պոլիոմիելիտ հիվանդության դեմ ստեղծած իր պատվաստանյութը։ 

1960 -հիմնադրվել է նոր ֆուտբոլային մրցաշարը՝ Եվրոպական երկրների գավաթակիրների գավաթը։ 

1971- Արևել յան Պակիստանն անջատվել է Պակիստանից, ստեղծվել է Բանգլադեշի Հանրապետությունը։ 

1973 -Լոնդոնյան ֆոնդային բորսա առաջին անգամ թույլատրել են մուտք գործել կանանց։ 

1979 -Իսրայելի վարչապետ Բեգինը և Եգիպտոսի նախագահ Անվար Սադաթը երկտարյա բանակցությունների արդյունքում կնքել են եգիպտա-իսրայել յան խաղաղության պայմանագիր։ 

1995- ուժի մեջ է մտել Շենգենյան համաձայնագիրը։ 

1996- Միջազգային արժութային հիմնադրամը Ռուսաստանին տրամադրել է 6,9 միլիարդ դոլար վարկ, որը ամենամեծ վարկն է այդ հիմնադրամի պատմության մեջ։

 2000 -Վլադիմիր Պուտինը ընտրվել է Ռուսաստանի նախագահ։ 

2001 -Աֆղանստանում իշխող «Թալիբան» շարժման ներկայացուցիչները լրագրողներին ցուցադրել են Բամիանում ժայռերի վրա փորված Բուդդայի հսկայական արձանների ոչնչացումը։ 

2017 -Ռուսաստանի ավելի քան 80 քաղաքներում տեղի են ունեցել Ալեքսանդր Նավալնու նախաձեռնած՝ կոռուպցիայի դեմ պայքարին ուղղված բողոքի ցույցեր։

Կամո Խաչիկյան