ՊԱՏՄՈՒԹՅԱՆ ԱՅՍ ՕՐԸ (3 ԱՊՐԻԼԻ)․ Հրապարակվել են խորհրդարանական ընտրությունների նախնական արդյունքները

ՀԱՅ-ՀԱՅԱՍՏԱՆ

1700 –ծնվել է հասարակական գործիչ, վաճառական Աղազար Լազարյանը։ 

1922 –ծնվել է գեղանկարչուհի Լավինիա Բաժբեուկ-Մելիքյանը։ 

1983 –վախճանվել է թարգմանիչ, բանասեր Արբուն Տայանը։ 

1990-ԽՍՀՄ-ում ընդունվել է «Արտակարգ իրավիճակների օրինական ռեժիմների մասին» օրենքը, որը վերաբերվել է ԼՂՀ-ին։ 

1992-Հայաստանը դիվանագիտական հարաբերություններ է հաստատել Ռուսաստանի հետ։ 

1993- Ղարաբաղյան պատերազմի ժամանակ հայկական զինուժն ազատագրել է Քարվաճառը։ 

2006-Արցախում հայտնաբերվել են պատմական Տիգրանակերտի ավերակները, ինչպես նաև լույս աշխարհ է հանվել Հանդաբերդի վանքը։

 2007- Երևանի քաղաքապետարանի մասնաշենքերից մեկում, նախագահ Ռոբերտ Քոչարյանի մասնակցությամբ, հանդիսավորությամբ վերաբացվել է Երևանի պատմության թանգարանը: 

2008- Երևանում Հայաստանի կապի և տրանսպորտի նախարարն ու Իրանի ճանապարհների և հաղորդակցության նախարարը ստորագրել են Հայաստան-Իրան երկաթուղու նախագծի իրականացման համագործակցության հուշագիր: 

2014- Հայաստանի վարչապետ Տիգրան Սարգսյանը հրաժարական է ներկայացրել, որը քննարկվել է իշխող Հանրապետական կուսակցության գործադիրի նիստում և ընդունվել: 

2016-ապրիլյան պատերազմի ընթացքում առաջնային գծի հարավային ուղղությամբ Ադրբեջանի զինված ուժերը հրթիռահրետանային միջոցների և զրահատեխնիկայի կիրառմամբ շարունակել են ագրեսիվ ռազմական գործողությունները, իսկ հայկական ստորաբաժանումները հայկական Թալիշ գյուղի ուղղությամբ հետ են վերցրել նախորդ օրը կորցրած կարևոր հենակետերից մեկը, ռազմաճակատի հարավային մասում ոչնչացրել են ադրբեջանական զինված ուժերի երկու տանկ և հետևակի մարտական մեկ մեքենա։

2017-հրապարակվել են խորհրդարանական ընտրությունների նախնական արդյունքները. ԱԺ են անցել ՀՀԿ-ն, «Ծառուկյան» դաշինքը, «Ելք»-ը և ՀՅԴ-ն։

ԱՇԽԱՐՀ

1502 -սկսվել է Քրիստափոր Կոլումբոսի 4-րդ ճանապարհորդությունը։ 

1694 -ծնվել է անգլիացի բնաբան և թռչնաբան Ջորջ Էդվարդսը, որը համարվում է «բրիտանական թռչնաբանության հայրը»։ 

1747 -վախճանվել է իտալացի նկարիչ Ֆրանչեսկո Սոլիմենան՝ նեապոլ յան դպրոցի խոշորագույն ներկայացուցիչներից մեկը։ 

1770 – ծնվել է հույն գեներալ Թեոդորոս Կոլոկոտրոնիսը։ 

1783 –ծնվել է ամերիկյան գրող և պատմաբան Վաշինգտոն Իրվինգը։ 

1798 - ծնվել է Անտարկտիդայի ամերիկացի հետազոտող Չարլզ Ուիլկսը։ 

1829 -անգլիացի Ջեյմս Կարրինգտոնը ստացել է սուրճի հատիկներ աղացող սարքի արտոնագիր։ Այդ օրը հանդիսանում է սրճաղացի ծննդյան օրը։ 

1879 - Սոֆիան հռչակվել է Բուլղարիայի մայրաքաղաք: 

1885 –գերմանացի գյուտարար Գոթլիբ Դայմլերն արտոնագրում է իր ստեղծած առաջին շարժիչը, որը կիսով չափ աշխատում էր ձիաուժով։ 

1896 -Միլանում հիմնադրվել է «La Gazzetta dello Sport» հրատարակությունը, որը Եվրոպայի ամենաազդեցիկ սպորտային հրատարակությունն է։ 

1897 –վախճանվել է գերմանացի դաշնակահար և կոմպոզիտոր Յոհաննես Բրամսը։ 1905 -հիմնադրվել է արգենտինական «Բոկա Յունիորս» ֆուտբոլային ակումբը։ 

1911- Բրիտանիայում կայացել է մարդահամար, ըստ որի, երկրի բնակչությունը տասը տարում ավելացել է 9,1%-ով և կազմել է 45,2 միլիոն մարդ։

 1922 -Իոսիֆ Ստալինը ընտրվել է ԽՄԿԿ կենտկոմի գլխավոր քարտուղար։ 

1924- ծնվել է ամերիկացի հայտնի դերասան Մառլեն Բրանդոն, որը 8 անգամ ներկայացվել է Օսկարի: 

1932- ռուս վիրաբույժ Յուրի Վորոնոյը իրականացրել է երիկամի փոխպատվաստման՝ աշխարհում առաջին վիրահատությունը։ 

1933- բրիտանացի օդագնացներն առաջին թռիչքն են իրականացնում Էվերեստ լեռնագագաթի վրայով։ 

1955- Փարիզում 8 երկրների ներկայացուցիչներ պայմանավորվել են ստեղծել ՈՒԵՖԱ-ի Չեմպիոնների լիգա։ 1961 –ծնվել է ամերիկացի դերասան Էդի Մերֆին։ 

1966 - Խորհրդային «Լունա-10» տիեզերական ավտոմատ կայանը առաջին անգամ դուրս է եկել Լուսնի ուղեծիր: 

1973- Նյու Յորք քաղաքում տեղի է ունեցել աշխարհում առաջին բջջային հեռախոսային զանգը։ 

1975- Շախմատի միջազգային ֆեդերացիան Ռոբերտ Ֆիշերին զրկել է շախմատի աշխարհի չեմպիոնի կոչումից, քանի որ նա հրաժարվել է Անատոլի Կարպովի հետ մրցախաղից: 

1976- Ֆրանսիայում տեղի է ունեցել «Սեզար» կինոմրցանակի հանձնման առաջին արարողությունը: 

1990 -Լվովի ռատուշայի վրա առաջին անգամ Ուկրաինայում պաշտոնապես բարձրացվել է կապույտ-դեղին դրոշ։ 

2000 - Բիլ Գեյթսը «Մայքրոսոֆթ»-ի ակցիաների գների անկման հետևանքով մեկ օրում կորցրել է 12 միլիարդ դոլար։ 

2007- «V-150» էլեկտրագնացքը զարգացրել է ռեկորդային 574,8 կմ/ժ արագություն: 

2010- Ղըրղըզստանում տեղի է ունեցել հեղափոխություն: