«Թավ­շյա հե­ղա­փո­խու­թյու­նը», չնա­յած իր բազ­մա­թիվ կար­գա­խոս­նե­րին, գլու­խը ջայ­լա­մի պես մտցրել է ավա­զի մեջ և չի կա­րո­ղա­ցել լու­ծել Հա­յաս­տա­նի տնտե­սա­կան ոչ մի խնդիր

vestikavkaza.ru-ն «Փաշինյանի «ձախ ձեռքը» առաջարկել է չվճարել վետերաններին. «Մայիսին արդեն ոչ մեկը մնացած չի լինի...»» վերնագրով հոդվածում գրում է, որ Հայրենական մեծ պատերազմի վետերանների նկատմամբ անթույլատրելի վերաբերմունք և ցինիզմի բարձրակետ է ցույց տվել Հայաստանի վարչապետ Նիկոլ Փաշինյանի մերձակա աջակից հանդիսացող անձերից մեկը՝ Սասուն Միքայելյանը, որը մոտիվացրել է խորհրդարանի փաշինյանական «Իմ քայլը» խմբակցության՝ Մեծ հաղթանակի 75-ամյակի առթիվ վետերաններին տրվող հավելավճարները չբարձրացնելու որոշումը, հայտարարելով, որ հայրենիքի այդ պաշտպանները արդեն այնքան ծեր են, որ պետության համար ավելի ձեռնտու է հավելավճարների տրամադրման ամսաթիվը հետաձգել և սպասել նրանց մեռնելուն։ 

Խորհրդարանի նիստի ուղիղ հեռարձակման ժամանակ նա ասել է, որ իրեն թվում է, թե դա այնքան էլ մեծ ողբերգություն չէ, եթե մի քիչ էլ ժամանակ ձգեն, քանի որ մայիսին արդեն ոչ մեկը մնացած չի լինի, իսկ այդ դեպքում պետք էլ չի լինի վճարել հավելավճարները»։ 

Դրանից հետո խորհրդարանական «Իմ քայլը» խմբակցությունը անգամ օրակարգի մեջ չի ընդգրկել ընդդիմադիր «Բարգավաճ Հայաստան» խմբակցության պատգամավոր Վահե Էնֆիաջյանի՝ Հայրենական մեծ պատերազմի վետերաններին ամսական տրվող պատվավոր հավելավճարները մինչև 200 000 դրամ (417 դոլար) հասցնելու մասին օրենսդրական նախաձեռնությունը։ 

Ընդգծենք, որ այստեղ խոսքն ընդամենը 276 վետերանի մասին է, այսինքն՝ Էնֆիաջյանը առաջարկել է ավելացնել այդ մարդկանց տրվող թոշակները, իսկ դա հանրապետության մակարդակով գումարային հաշվով կազմում է ամսական ընդամենը 57,5 հազար դոլար գումար։ Օրենսդրական նախաձեռնությունը ներկայացվել էր անցած հինգշաբթի խորհրդարանի առողջապահության և սոցիալական հարցերի մշտական հանձնաժողովի նիստին, սակայն կտրուկ հակահարված էր ստացել փաշինյանական թիմից։ 

Հենց այն ժամանակից էլ արդեն պարզ էր, որ Հայաստանի «հեղափոխական» իշխանությունների՝ Հայրենական մեծ պատերազմի վետերանների նկատմամբ վերաբերմունքը առաջացնելու է լոկ ափսոսանք և հիասթափություն։ 

Հարցը քննարկելուց «Իմ քայլը» խմբակցության հրաժարվելը և Միքայելյանի խոսքերը, որը հանդիսանում է ժամանակակից Հայաստանի առաջնորդներից մեկը (Փաշինյանը նրան նշանակել է հայ կամավորների «Երկրապահ» կազմակերպության ղեկավար՝ նախկին ղարաբաղյան կլանի ներկայացուցիչ Մանվել Գրիգորյանի փոխարեն), խոսում են շատ բաների մասին։ 

Առաջին հերթին պետք է արձանագրել, որ «թավշյա հեղափոխությունը», չնայած իր բազմաթիվ կարգախոսներին, գլուխը ջայլամի պես մտցրել է ավազի մեջ և չի կարողացել լուծել Հայաստանի տնտեսական ոչ մի խնդիր, որի արդյունքում էլ հիմա՝ պանդեմիայի օրերին, պետությունը ստիպված է խնայել յուրաքանչուր լումա, և ոչ միայն չի կարող մտածել 276 վետերանների թոշակը բարձրացնելու մասին, այլ անգամ վետերանների բնական կրճատման մեջ տեսնում է օգուտ պետության բյուջեի համար,  ընդ որում, այն դեպքում, որ անգամ Հայաստանի նման փոքրիկ բյուջե ունեցող երկրի դեպքում էլ այդ գումարն աննշան է։ 

Համեմատության համար նշենք, որ, օրինակ՝ միայն Նիկոլ Փաշինյանի աշխատակազմին պարգևավճարներ տալու վրա բյուջեից ամսական ծախսվում է միջինը մոտ 73,5 հազար դոլար գումար։ Երկրորդ՝ առկա է առավել կարևոր եզրահանգում, այն է՝ Հայաստանի նոր իշխանությունների համար ոչ մի սրբություն գոյություն չունի։ 

Նրանց անհանգստացնում է միայն մեկ բան՝ մնալ իշխանության մեջ, և եթե բնակչության ինչ-որ խումբ նրանց համար վտանգ չի ներկայացնում, ապա այդ խմբին Փաշինյանի թիմը ուղղակի անտեսում է։ Նշենք նաև, որ Սասուն Միքայել յանը արդեն 62 տարեկան է, այսինքն, նա Հայրենական մեծ պատերազմի վետերանների որդիների սերնդից է։ 

 

Երկրորդ՝ առկա է առավել կարևոր եզրահանգում, այն է՝ Հայաստանի նոր իշխանությունների համար ոչ մի սրբություն գոյություն չունի։ Նրանց անհանգստացնում է միայն մեկ բան՝ մնալ իշխանության մեջ, և եթե բնակչության ինչ-որ խումբ նրանց համար վտանգ չի ներկայացնում, ապա այդ խմբին Փաշինյանի թիմը ուղղակի անտեսում է։ Նշենք նաև, որ Սասուն Միքայել յանը արդեն 62 տարեկան է, այսինքն, նա Հայրենական մեծ պատերազմի վետերանների որդիների սերնդից է։ 

Ստացվում է, որ նա առաջարկում է «այսօր և այստեղ» դավաճանել իրեն հարազատ և ծանոթ ավագ սերնդին, իր ծնողների սերնդի սխրանքը մոռանալ։ Այո, վետերաններ քիչ են մնացել, և արժեքավոր է նրանցից յուրաքանչյուրը՝ որպես Հայրենական մեծ պատերազմի և Մեծ հաղթանակի մասին հիշողության կրող, որպես Հայրենիքի այնպիսի կենդանի պաշտպան, որն իր ավանդն է ներդրել աշխարհում նացիստական անողոք վտանգը վերացնելու գործում։ 

Տնտեսել վետերանների հաշվին, առավել ևս առաջարկել երկարաձգել վճարումները՝ սպասելով նրանց վախճանվելուն, նշանակում է աշխատել նրանց հերոսության մոռացման վրա, նշանակում է հրաժարվել սեփական ժողովրդի պատմական հիշողությունից։ Փաստացի ստացվում է, որ հայ ժողովրդի իրական պատմությունը, որը այլ խորհրդային ժողովուրդների հետ միասին հաղթել է Հայրենական մեծ պատերազմում, ձեռնտու չէ ներկայիս հայկական պետության ղեկավարությանը։

Կամո Խաչիկյան