ՊԱՏՄՈՒԹՅԱՆ ԱՅՍ ՕՐԸ (4 ՀՈՒՆԻՍԻ). Բողոքի ակցիա՝ ընդդեմ օտարալեզու դպրոցների վերաբացման, ճանապարհի փակում, հանրահավաք մայրաքաղաքում

ՏՈՆԵՐ ԵՎ ՄԻՋԱԶԳԱՅԻՆ ՕՐԵՐ

Ագրեսիայի զոհ դարձած անմեղ երեխաների միջազգային օր, Ղազախստան՝ Պետական խորհրդանիշների օր, Մոլդովա՝ Բանկային աշխատողների օր, ԱՄՆ՝ Ընտանիքի օր, Էստոնիա՝ Դրոշի օր, Ֆինլանդիա՝ Պաշտպանական ուժերի օր:

ՀԱՅԱՍՏԱՆ

1679 – Գառնիում տեղի է ունեցել մեծ երկրաշարժ։

 1905– ծնվել է մեծանուն թատերական ռեժիսոր, ԽՍՀՄ ժողովրդական դերասան Վարդան Աճեմյանը։ 

1906-ծնվել է խորհրդահայ քիմիկոս Իվան Կնունյանցը:

1913- Կ.Պոլսի ռուսական դեսպանատան աշխատակից Անդրեյ Մանդելշտամը ներկայացրել է բարենորոգումների իրականացման ռուսական տարբերակը: Այն նախատեսում էր հայկական վեց վիլայեթներից կազմել մեկ նահանգ: Նահանգը ղեկավարվելու էր թուրքահպատակ քրիստոնյայի կամ եվրոպացի գեներալ-նահանգապետի կողմից:

1918-հայ-թուրքական պատերազմի արդյունքում հայկական ուժերի պարտությունից հետո կնքվել է Բաթումի պայմանագիրը, որի պայմանները ծանր են եղել Հայաստանի համար, ըստ այդմ, Հայաստանին տրվել է Էրիվանի նահանգի կեսը՝ մոտ 6 հազար քառակուսի կիլոմետր տարածք։

1919-ադրբեջանցիները մեծացրել են իրենց ուժերը Լեռնային Ղարաբաղում՝ նպատակ ունենալով գրավել Շուշին, սակայն անգլիացիները թույլ չեն տվել։

-Հիմնադրվել է Ազգային գրադարանը:

1921- որոշվել է Լեռնային Ղարաբաղը միացնել ՀԽՍՀ-ին։ Որոշմանը դեմ է արտահայտվել Ն. Նարիմանովը՝ պահանջելով հարցի վերջնական լուծումը փոխադրել Մոսկվա՝ ՌԿ(բ)Կ կենտկոմ։

1925– տպագրվել է «Պիոներ ղեկ» մանկապատանեկան պարբերականի առաջին համարը, որը այնուհետև կոչվել է «Պիոներ կանչ», ապա` «Կանչ»։

2004- Մատենադարանի մոտ հայաստանյան միացյալ ընդդիմությունը անցկացրել է հերթական հանրահավաքը, որին, սակայն, չի հետևել երթ դեպի նախագահի նստավայր: 

2010-մի խումբ քաղաքացիներ Ազգային ժողովի ծառայողական մուտքի մոտ՝ Դեմիրճյան փողոցում բողոքի ակցիա են անցկացրել Հայաստանում օտարալեզու դպրոցների վերաբացման դեմ։

 

2013-պահեստազորի գնդապետ Վոլոդյա Ավետիսյանը երկրորդ անգամ նստացույց է սկսել Ազատության հրապարակում: Ավետիսյանի ու նրա ակցիային միացած մյուս ազատամարտիկների պահանջները նույնն են` սոցիալական վիճակի բարելավում:

2016-Գողթեցիները վաղ առավոտից փակել են Գեղարդ տանող ճանապարհը։ Նրանք կառավարությունից պահանջել են չեղարկել ծրագիրը, որով նախատեսվում է Գեղարդա լճի հաշվին ինքնահոս եղանակով ոռոգելի դարձնել Արարատի և Կոտայքի մարզերի որոշ տարածքներ:

2019- Խոշոր կարկուտը հողին է հավասարեցրել Ամասիայի ցանքատարածությունները, Լոռու մարզում տեղացող կարկուտը վնասել է մեքենաներ։

-Ազգային ժողովը երկրորդ ընթերցմամբ և ամբողջությամբ ընդունել է 2008 թվականի մարտի 1-ին տուժած անձանց աջակցության մասին օրինագիծը։

ԱՇԽԱՐՀ

1039-Հենրիխ Երրորդը թագադրվել է Գերմանիայի թագավոր:

1391-Սևիլիայում հակահրեական ջարդերի հետևանքով զոհվել է 4 000 հրեա: 

1716-առաջին անգամ Լուիզիանա են բերվել աֆրիկացի ստրուկներ:

 

1798-ծնվել է իտալացի գրող, քաղաքական գործիչ և մեծ ավանտյուրիստ Ջովանի Ջակոմո Կազանովան:

1859-Մաջենտա տարածքում ֆրանսիացիները ջախջախել են 60 հազարանոց ավստրիական բանակը՝ ավանդ ներդնելով Իտալիայի միավորման մեջ:

1867-ծնվել է ֆին քաղաքական գործիչ, մարշալ և 1944-1946 թվականներին Ֆինլանդիայի նախագահ Կարլ Գուստավ Մաններգեյմը:

1878– Թուրքիան Մեծ Բրիտանիային է հանձնել Կիպրոսի կառավարումը։

1896-փորձարկվել է Ֆորդի ստեղծած առաջին ավտոմեքենան:

1917-Կոլումբիայի համալսարանում առաջին անգամ հանձնվել է Պուլիտցերյան մրցանակ:

1918-գերմանացիները Լիտվան հռչակել են թագավորություն՝ թագավոր նշանակելով Վյուրտեմբերգին:

1925-հիմնադրվել է Կրայսլեր կոնցեռնը:

1934 – վախճանվել է ծագումով լեհ նշանավոր ֆիզիկոս և քիմիկոս, Նոբել յան մրցանակի կրկնակի դափնեկիր Մարիա Կյուրին։ 

1950-Հարավային Աֆրիկայում մի շարք օրենքների ընդունումով հաստատվել է ապպարտեիդի համակարգը:

1959-Կուբայում պետականացվել են ԱՄՆին պատկանող շաքարի գործարանները: 

1975– ծնվել է ամերիկացի հանրաճանաչ դերասանուհի Անջելինա Ջոլին։

1976-ծնվել է ռուս իրավաբան, քաղաքական և հասարակական գործիչ, ընդդիմադիր գործիչ Ալեքսեյ Նավալնին:

1977-ներկայացվել է ԽՍՀՄ նոր Սահմանադրության նախագիծը:

1989– Պեկինի Տյանանմեն հրապարակում ճնշվել է ուսանողական հանրահավաքը:

-տեղի է ունեցել խոշորագույն երկաթուղային վթար Ռուսաստանի Աշի և Ուլու-Տել յակ կայարանների միջև ընկած հատվածում՝ բախվել են երկու մարդատար գնացք, որի արդյունքում զոհվել է 575 և վնասվածքներ ստացել՝ 623 մարդ:

2002– հայտնաբերվել է Կվավար տրանսնեպտունային՝ Կոյպերի գոտու ամենամեծ մարմիններից մեկը ։

2019- Մեքսիկայի մայրաքաղաքում «չեզոք» դպրոցական համազգեստ են մտցրել ուսումնական հաստատություններում, ինչը թույլ է տվել տղաներին ցանկության դեպքում կիսաշրջազգեստ հագնել, իսկ աղջիկներին՝ տաբատ։

Ի ՄԻ ԲԵՐԵՑ Կ. ԽԱՉԻԿՅԱՆԸ