ՊԱՏՄՈՒԹՅԱՆ ԱՅՍ ՕՐԸ (5 ՀՈՒՆԻՍԻ). Շախմատի համաշխարհային օլիմպիադայում Հայաստանի տղամարդկանց հավաքականը հաղթող է ճանաչվել՝ չկրելով ոչ մի պարտություն

ՏՈՆԵՐ ԵՎ ՄԻՋԱԶԳԱՅԻՆ ՕՐԵՐ

Շրջակա միջավայրի պաշտպանության համաշխարհային օր, Դանիա՝ Սահմանադրության օր, Հոր օր, Ղազախստան՝ Բնապահպանի օր, Ռուսաստան՝ Բնապահպանի օր, Սեյշել յան կղզիներ՝ Ազատության օր:

ՀԱՅ-ՀԱՅԱՍՏԱՆ

1896- Վանում թուրքերը մի քանի անգամ փորձել են գրավել Այգեստանը, բայց մատնվել են անհաջողության: Պաշտպանները հերոսաբար հետ են մղել հակառակորդի բոլոր գրոհները:

1818-ծնվել է բանասեր, բժիշկ, տնտեսագետ, հասարակական գործիչ Գևորգ Ախվերդյանը:

1858-ծնվել է դրամատուրգ, թատերական գործիչ Ալեքսանդր Աբելյանը:

1907– ծնվել է նշանավոր երգչուհի Արաքսյա Գյուլզադյանը:

1921- Կավբյուրոյի նիստը չեղյալ է համարել նախկին որոշումը, և Լեռնային Ղարաբաղը բռնակցվել է Ադրբեջանին հետևյալ հիմնավորումով. «Ելնելով հայերի և մահմեդականների ազգային հաշտեցման անհրաժեշտությունից»:

1926-ծնվել է գեներալ-գնդապետ Գուրգեն Դալիբալթայանը:

1937-ծնվել է դերասան Գուժ Մանուկյանը: 

1961-ծնվել է ռուսաստանցի հայազգի բանաստեղծ Կարեն Կավալերյանը: 

1968– վախճանվել է դերասան Վահրամ Փափազյանը։ 

1977-վախճանվել է քանդակագործ Թորգոմ Չորեքչյանը: 

1995-կայացել է խորհրդարանական ընտրությունների առաջին փուլը, զուգահեռ անցկացվել է սահմանադրական հանրաքվե, որի արդյունքում ընտրողների մոտ 64 %-ը կողմ է արտահայտվել Սահմանադրությանը, որը պետք է փոխարիներ խորհրդային Սահմանադրությանը և նախատեսում էր երկրի նախագահական կառավարում։ 

1999– սկսվել է Արագածոտնի մարզի Արա գյուղում գտնվող Որդեկորույս մայրերին նվիրված Սուրբ Մարիամ - Սուրբ Եղիսաբեթ մատուռի կառուցումը։ 

2006-Թուրինում շախմատի 37-րդ համաշխարհային օլիմպիադայում Հայաստանի տղամարդկանց հավաքականը 150 երկրների շարքում հաղթող է ճանաչվել՝ չկրելով ոչ մի պարտություն:

 2008-Հայաստանի նախկին արտգործնախարար Վարդան Օսկանյանը Երևանում հիմնել է «Սիվիլիթաս» հիմնադրամը: 

2012-կատաղի բախումներ են տեղի ունեցել հայ - ադրբեջանական սահմանագծի հյուսիսային հատվածում: Առավոտյան Ադրբեջանի Ղազախի շրջանի և Հայաստանի Նոյեմբերյանի տարածաշրջանի սահմանային հատվածում զոհվել է ադրբեջանցի հինգ զինծառայող: 

2013- Հռոմի պապ Ֆրացիսկոսը հրապարակավ արտահայտել է իր հայտնի դիրքորոշումը, ըստ որի, «20-րդ դարի առաջին ցեղասպանությունը հայերի ցեղասպանությունն է»: 2015-«Օրինաց երկիրը» հայտարարել է «Հայկական վերածնունդ» միավորում ստեղծելու մասին:

2017-Գեղարքունիքի մարզի մոտ 20 գյուղերի բնակիչներ կեսօրից փակել են Վարդենիս-Մարտակերտ ավտոճանապարհը՝ իրենց բողոքը հայտնելով համայնքների խոշորացման ծրագրի դեմ:

2018- Վճռաբեկ դատարանի նախագահը հրաժարական է ներկայացրել

ԱՇԽԱՐՀ

754-գերմանացի անհավատների ամբոխը սպանել է անգլիացի քրիստոնեության քարոզիչ Բոնիֆացիին, որը ներկայումս ամենահարգված սրբերից մեկն է համարվում: 

1706-Մոսկվայում բացվել է զինվորական հոսպիտալ, ներկայումս դա Բուրդենկոյի անվան գլխավոր կլինիկական հոսպիտալն է: 

1783– Ֆրանսիայում Մոնգոլֆիե եղբայրները օդ են բարձրացրել օդով լցված առաջին թռչող սարքը, որն իրենց ազգանունից ստացել է«Մոնգոլֆիեր» անունը։

1798-ծնվել է կոմպոզիտոր և գեներալ Ալեքսեյ Լվովը՝ «Աստվա՛ծ, պահպանի՛ր ցարին» ռուսական հիմնի հեղինակը: 

1862– Սայգոն (ներկայիս Հոշիմին) քաղաքում կնքված պայմանագրով Ֆրանսիային է անցել Հնդկաչին թերակղզու Կոխինխինա պատմական տարածքը։ 

1873-Անգլիայի ճնշման տակ փակվել է աշխարհի ամենամեծ՝ Զանզիբարի ստրուկների շուկան:

1898– ծնվել է իսպանացի մեծագույն գրողներից մեկը՝ Ֆեդերիկո Գարսիա Լորկան։ 

1910-վախճանվել է ամերիկացի նշանավոր գրող Օ. Հենրին: 

1912-Կուբայում ափ է իջել ամերիկյան ծովային դեսանտը:

 

1940-ԱՄՆ-ում ցուցադրվել են առաջին սինթետիկ ռետինից պատրաստված անվադողերը: 1945-Բեռլինը բաժանվել է օկուպացիոն գոտիների: 

1967– Մերձավոր Արևելքում սկսվել է արաբա-իսրայելական վեցօրյա պատերազմը։ 

1975-8 տարվա դադարից հետո բացվել է Սուեզի ջրանցքը: 

1977-վաճառքում է հայտնվել առաջին անհատական համակարգիչը՝ Apple-2-ը: 

1981-ԱՄՆ-ի հիվանդությունների վերահսկման և կանխարգելման կենտրոնում առաջին անգամ հայտնաբերվել և նկարագրվել է ՄԻԱՎ-ը: 

1983-Ուլ յանովսկում «Ալեքսանդր Սուվորով» շոգենավի վթարի հետևանքով զոհվել է 176 մարդ:

2000-նկատվել է Եվրոպայի ամենախոշոր՝ Էթնա հրաբխի ակտիվացում: 2004-վախճանվել է ԱՄՆ-ի 40-րդ նախագահ Ռոնալդ Ռեյգանը:

2006-Սերբիան հայտարարել է իր անկախությունը, Սերբիա-Չեռնոգորիա պետական կազմավորումը վերջնականորեն լիկվիդացվել է

2016-Ղազախստանի Ակտոբե քաղաքում տեղի ունեցած ահաբեկչական գործողության արդյունքում զոհվել է 7 քաղաքացի, 38-ը վիրավորվել է, ոչնչացվել է 13 ահաբեկիչ:

Ի ՄԻ ԲԵՐԵՑ Կ. ԽԱՉԻԿՅԱՆԸ