«Ով ինչ ուզում է խոսի, մենք մեր ռազմավարական շահերը պետք է առաջ մղենք»
ՀԱՐՑԱԶՐՈՒՅՑԵվրախորհրդարանի ներկայացուցիչները հունիսի 10-ին համատեղ հայտարարությամբ էին հանդես եկել՝ կապված Հայաստանի և Արցախի միջև նոր ճանապարհի կառուցման հետ: Եվրոպական խորհրդարանում Հայաստան-Ադրբեջան-Վրաստան-ԵՄ պատվիրակության նախագահ Մարինա Կալյուրանդը, Եվրոպական խորհրդարանում Հայաստանի մշտական զեկուցող Տրայան Բասեսկուն և Ադրբեջանի հարցերով մշտական զեկուցող Ժելյանա Զովկոն համատեղ հայտարարության մեջ մասնավորապես ընդգծել էին, որ «մայրուղի կառուցելու որոշումը կայացվել է առանց Ադրբեջանի իրավասու մարմինների համաձայնության, ինչը միջազգային իրավունքի խախտում է, բացի այդ, այն կարող է խորհրդանշական կերպով ամրացնել Լեռնային Ղարաբաղի և դրա շրջակա տարածքների ապօրինի օկուպացումը»:
Քաղաքագետ Սուրեն Սարգսյանը վերոնշյալ հայտարարությունը չի դիտարկում բացառապես դիվանագիտական ճակատի թերացումների համատեքստում:
«Ավելի ճիշտ է դիտարկել արտաքին քաղաքական ճակատ ասվածը, որովհետև արտաքին քաղաքականությունը միայն դիվանագիտական աշխատանք չէ: Արտաքին քաղաքականությունը նաև խորհրդարանական դիվանագիտությունն է, ինչպես նաև այլ խողովակներով աշխատող ուղղություններն են: Այն նաև պետության ղեկավարի և միջազգային կազմակերպությունների ղեկավարների միջև աշխատանքն է: Հաշվի առնելով այս հանգամանքը՝ կարծում եմ, սա ոչ թե դիվանագիտական, այլ արտաքին քաղաքական բացթողում է»,-Past.am-ի հետ զրույցում ասաց քաղաքագետը՝ շեշտելով, որ վերոնշյալ հայտարարության համար պատասխանատու է ոչ թե ՀՀ արտաքին գործերի նախարարությունը, այլ արտաքին քաղաքականություն իրականացնող բոլոր մարմինները:
«Իրականում այս արձագանքը կանխատեսելի էր՝ հաշվի առնելով ադրբեջանցիների ակտիվությունը, նաև այն գործընթացները, որոնք այսօր տեղի են ունենում միջազգային հարաբերություններում: Մի քանի գործոններ իրար վրա կուտակվել են, ինչի հետևանքով նման հայտարարություն է եղել: Իրականում արտաքին դաշտում մեր բացթողումներն ակնհայտ են, արտաքին քաղաքականության մեջ շատ ուղղություններով մեր աշխատանքը տապալել ենք: Բազմաթիվ ուղղություններում հետևողական չենք գտնվել: Բացի այդ, մեր հարևանների, բարեկամ երկրների հետ հարաբերությունները գտնվում են անհասկանալի վիճակում: Մենք ոչ միայն նոր բարեկամներ ձեռք չենք բերել, այլ անպատասխանատու հայտարարությունների հետևանքով պարբերաբար խնդիրներ ենք ունենում մեր հարևանների հետ: Այնպես որ, խնդիրները շատ են, գործոնները՝ ևս, բայց ամենակարևոր գործոնն արտաքին քաղաքականության մեջ պրոֆեսիոնալիզմի բացակայությունն է»,-նշեց մեր զրուցակիցը:
Հաշվի առնելով, որ վերջին շրջանում Ադրբեջանի ռազմատենչ հայտարարությունները հստակ արձագանք չեն ստանում միջազգային հանրության կողմից ու այդ համատեքստում դիտարկելով ԵԽ պատգամավորների վերոնշյալ ոչ հայանպաստ հայտարարությունը՝ Սուրեն Սարգսյանը նկատեց.
«Եթե Ադրբեջանն առավել ագրեսիվ և կոշտ հայտարարություններ է անում, սպառնում Հայաստանին, ու դրա վերաբերյալ ԵԽ-ն որևէ հայտարարություն չի ընդունում, դա ոչ թե ԵԽ-ի, այլ Հայաստանի թերացումն է, որովհետև մենք չենք աշխատում այդ ուղղությամբ, չենք աշխատում Ադրբեջանի՝ նման հայտարարությունները զսպելու ուղղությամբ: Այդ ամենի հետևանքով ականատես ենք լինում նաև հայտարարությունների, ինչպիսին վերոնշյալն էր: Եվ կարծում եմ, այստեղ ոչ թե պետք է եվրոպացիներին, այլ ինքներս մեզ մեղադրենք: Եթե մենք շարունակական և հետևողական աշխատանք տանենք բոլոր ուղղություններով, բոլոր գործընկներների, հարևան կամ բարեկամների հետ հարաբերությունների առումով հստակ ռազմավարություն, պլանավորված քայլերի հաջորդականություն ունենանք, բնականաբար, նման բան տեղի չի ունենա»:
Սուրեն Սարգսյանն ընդգծեց, որ նման հայտարություններից բխող հետևանքները չեզոքացնելու հնարավորություն ևս ունենք:
«Ավելին՝ կարող ենք ոչ թե անջատվել, այլ համախմբել մեր բոլոր հնարավոր ու կարող ուժերը, միասնական դառնալ և կարողություններն ուղղել նման գործընթացների դեմ համատեղ պայքարելու համար: Կարծում եմ՝ միավորման բացառիկ հնարավորությունը հենց իշխանության ձեռքում է: Եթե նրանք ցանկանան՝ կարող են գնալ այդ ճանապարհով: Նկատենք, որ նման փորձեր շատ են եղել, որոնք, այնուամենայնիվ, շատ դեպքերում կանխվել են մեր դիվանագետների ու արտաքին քաղաքականության այլ պատասխանատուների կողմից: Սա նշանակում է, որ եթե այդ հնարավորությունը եղել է, հիմա էլ կարող է լինել»,-ընդգծեց նա:
Քաղաքագետը շեշտեց, որ չի կարծում, թե մայրուղին կառուցելու հարցում մենք որևէ խնդրի առաջ կկանգնենք. «Այդ ծրագիրը պետք է իրականացվի:Մենք, անկախ ամեն ինչից, պետք է առաջ գնանք այնպես, ինչպես առաջ ենք գնացել, օրինակ՝ այն ժամանակ, երբ 1990-ականների սկզբին ՄԱԿ-ի անվտանգության խորհուրդը Հայաստանի դեմ բանաձևեր էր ընդունում, բայց Հայաստանի զինված ուժերը շարունակում էին իրենց աշխատանքն Արցախն ազատագրելու գործում: Այստեղ էլ նույն տրամաբանությամբ պետք է առաջնորդվենք: Ով ինչ ուզում է խոսի, մենք մեր ռազմավարական շահերը պետք է առաջ մղենք»:
Աննա Բադալյան
Թալին-Լանջիկ ճանապարհահատվածի վերակառուցման նպատակով 276 միավոր հողամասերի ազդակիր հատվածներ կճանաչվեն հանրության գերակա շահ
ՀԱՊԿ անդամ երկրները քննարկում են Հայաստանի կարգավիճակը և անդամավճարները չվճարելու դեպքում քվեարկության իրավունքից զրկելու հարցը. ՀԱՊԿ գլխավոր քարտուղար
Զանգեզուրի պղնձամոլիբդենային կոմբինատի հովանավորությամբ անցկացվեց հունահռոմեական ոճի ըմբշամարտի բաց առաջնություն
Քրեական գործե՞ր, թե՞ քաղաքական պայքար
ԿԸՀ-ն կորցրել է իր առաքելությունը և իրավական անորոշություն առաջացրել․ Աննա Կոստանյան
Նիկոլ Փաշինյանը կմասնակցի ԵԱՏՄ միջկառավարական խորհրդի առաջիկա նիստին
Կիրառվել է հսկայածավալ վարչական ռեսուրս․ Մենուա Սողոմոնյան
Հայաստանը պետք է պայմաններ ստեղծի «արևմտյան ադրբեջանցիների» վերադարձի համար. նրանց վերադարձը «հայրենի հողեր» ստեղծված նոր իրողություններում անխուսափելի է. Ազիզ Ալեքբերլի
Ռոնալդուն արձագանքել է ԱԱ-2026-ում Կոնգոյի ԴՀ-ի հետ սենսացիոն ոչ-ոքիին
Իրանի և Իտալիայի ԱԳ նախարարները քննարկել են ԱՄՆ-Իրան փոխըմբռնման հուշագիրը
Պերովսկիտային արևային վահանակները այլևս արագ չեն «մեռնում». Գիտնականները հետաքրքիր լուծում են գտել
Ես կրքոտ հռետոր եմ. Նիկոլ Փաշինյան
Կարճատև անձրև, ամպրոպ, տեղ-տեղ հնարավոր է նաև կարկուտ
Լրջագույն հարվածներ ու արտադրական նոր կյանք. «Փաստ»
Արտակարգ դեպք՝ Արմավիրի մարզում. դեռևս անհայտ կենդանիների կողմից հոշոտվել են թոշակառու ամուսինների կողմից խնամվող 150 հնդկահավերն ու 30 բադերը. թռչնագոմերում ու տան հողամասի տարբեր հատվածներում հայտնաբերվել են սատկած թռչուններ․ ՏԵՍԱՆՅՈւԹ
Ucom-ը և Իմփաքթ Հաբ Երևանը շարունակում են աջակցել կանաչ ստարտափների զարգացմանը Հայաստանում
ՊԱՏՄՈՒԹՅԱՆ ԱՅՍ ՕՐԸ (18 ՀՈԻՆԻՍԻ). «Տիտան» սարքի կորուստը՝ «Տիտանիկի» հետքերով. «Փաստ»
21-րդ դարի մեր ամենախայտառակ ընտրություններն էին․ արդյունքը պետք է անվավեր ճանաչվի․ Ավետիք Չալաբյան
Քաղցրաշեն գյուղում մտել են բնակչի տուն և գողացել մեծ թվով ոսկյա զարդեր և գումար․ պատճառվել է մոտ 6 մլն դրամի վնաս
Կիրառվել է հսկայածավալ վարչական ռեսուրս․ Մենուա Սողոմոնյան
Արշակ Կարապետյանի ահազանգը․ Հայաստանը կանգնած է կործանման եզրին
Իրան-ԱՄՆ հնարավոր համաձայնությունը և նոր աշխարհաքաղաքական քարտեզի ուրվագծերը. «Փաստ»
ԿԸՀ-ն ներկայացրել է ԱԺ ընտրությունների քվեարկության արդյունքները՝ ըստ համայնքների
Գերմանիան Ուկրաինային կհատկացնի 200 մլն դոլար՝ «Ուկրաինայի համար ԱՄՆ-ից uպառազինnւթյան գնման ծրագրի» հերթական փաթեթի շրջանակներում
Սևան-Մարտունի ավտոճանապարհին 41-ամյա վարորդը «Opel»-ով բախվել է բետոնե արգելապատնեշներին և գլխիվայր հայտնվել դաշտում՝ բախվելով ծառին․ կա վիրավոր
Կապրենք՝ կտեսնենք. որտե՞ղ են հայերն ավելի հարուստ. «Փաստ»
Դատարանը չհիմնավորված համարեց մեղադրանքը և մերժեց կալանքի միջնորդությունը․ Ռազմիկ Բաղդասարյան
Անհեթեթ և անպատասխանատու արկածախնդրություն է Հայ-ռուսական հարաբերությունները թողնել ժողովրդի էմոցիոնալ ընտրությանը․ Մհեր Ավետիսյան
Ո՞ւր է տանում ԿԸՀ-ի «երրորդ ճանապարհը»
Ռոնալդուն անձնական հակառեկորդ է սահմանել աշխարհի և Եվրոպայի առաջնություններում
Պետական մարմիններում մարդիկ կան, ովքեր սյան նման իրենց վրա են վերցնում այդ մարմինների առաքելությունից բխող ծանրությունը․ Մենուա Սողոմոնյան
Առաջիկա օրերին մի փոքր շոգելու ենք. Գագիկ Սուրենյան (տեսանյութ)
Հայաստանի ընտրություններն անցկացվել են խախտումներով և ԵՄ միջամտությամբ. «Փաստ»
Շղթայական վթար՝ Արմավիրում, բախվել են «Nissan», «Infiniti», «Mercedes», «Volkswagen», «Kia» և «Renault»
Այն մասին, թե ում փաստացի հրահանգով է Փաշինյանը փորձում կեղծել ընտրության արդյունքները. Ավետիք Չալաբյան
Փրկարարները և ոստիկանները Փամբակ գետում շարունակում են որոնողական աշխատանքները
«Էրիկս գանձ էր, լույս և ուրախություն». Էրիկ Սարգսյանն անմահացել է սեպտեմբերի 29-ին Եղնիկներում. «Փաստ»
Ուկրաինան ու Ռուսաստանը միմյանց են հարվածել
Իսրայելի ագրեuիան խնդիր է դարձել ողջ աշխարհի համար. Ֆիդան
ԱԱ-2026. Կոլումբիան լարված պայքարում հաղթեց Ուզբեկստանին
ՆԱՏՕ-ն պետք է կրկին դառնա իսկական ռшզմական դաշինք, որը հավատարիմ է կnշտ գծին. Հեգսեթ
Ինչի՞ համար են «սեգրեգացիայի» նոր եղանակները. «Փաստ»
«Զգում է, որ թույլ է, իր իշխանությունն ամուր հիմքեր, հենարան չունի, հիմնված է բռնության վրա». «Փաստ»
Տարադրամի փոխարժեքն այսօր․ ինչ փոխարժեքներ են առաջարկում բանկերը
Երևանի 3 վարչական շրջանում փոշու պարունակությունը գերազանցել է սահմանային թույլատրելի կոնցենտրացիան
ԱՄՆ-ի և Իրանի միջև համաձայնագրի ամբողջական տեքստը հրապարակվել է․ CNN
ԱԱ-2026․ Անգլիան, Գանան, Կոլումբիան հաղթեցին առաջին տուրում
Ժողովրդավարության ավարտն ու իրավապահ համակարգի վախճանը. «Փաստ»
Ինչո՞ւ է Փաշինյանն այսպես շտապում. «Փաստ»
Առնվազն 700 հազար մարդ արդեն իսկ իր կարծիքն ասել է. «Փաստ» 
