Ինչու՞ ենք մենք գիրանում.անսպասելի պատճառներ

Shabat.am-ը գրում է.

Ժամանակն է հավատալ միստիկ պատճառներին՝ օրինակ ընտանեկան անեծքին, բայց մի շտապեք համացանցում գտնել չար աչքից խուսափելու միջոցներ, որովհետև միգուցե դուք կարող եք կորցնել ձեր քաշը՝ գտնելով ոչ ակնհայտ, բայց իրական պատճառներ:

1. Շատ քիչ ուտելիք

Առաջին հայացքից այս հայտարարությունն առնվազն անիմաստ է: Սակայն չհավասարակշռված ու միապաղաղ ճաշացանկը և դիետաների չարաշահումը բերում են կարևորագույն սննդարար նյութերի դեֆիցիտին, և հենց սա է այն հարցի պատասխաններից մեկը, թե ինչու են մարդիկ գիրանում՝ միևնույն ժամանակ սովամահ լինելով:

D վիտամինի, երկաթի և մագնեզիումի անբավարարությունը դանդաղեցնում են նյութափոխանակությունը, ինչն արտահայտվում է ոչ միայն քաշի ավելացմամբ, այլ նաև հոգնածության մշտական զգացումով և ուժերի բացակայությամբ:

Անկանոն աղիքային արտազատուկները, փորկապությունը ավելորդ քաշի լրացուցիչ գործոններ են, որոնց հիմքում ընկած են անհրաժեշտ հեղուկի բացակայությունը և միկրոֆլորայի խանգարումները: Ամեն դեպքում, եթե դուք սանհանգույց չեք գնում ամեն օր, ապա անհանգստանալու և իրավիճակը շտկելու առիթ կա:

2. Ոտքի և մեջքի ցավ

Մկանների և կմախքի շատ խանգարումները, հոդերի և ծնկի ցավերը, ինչպես նաև արտրիտի տարբեր տեսակները հաճախ հանգեցնում են ավելորդ քաշի: Պատճառն այն է, որ մշտական ցավի արդյունքում սահմանափակվում են մարդու շարժումները, և նա սկսում է անհրաժեշտ քանակությունից ավելի քիչ շարժվել:

Բացի դա, հոդերի և ոսկորների ցավը կարող է լինել ևս մեկ հիվանդության՝ հորմոնալ խանգարումների պատճառ: Խոսքը Իցենկո-Կուշինգի սինդրոմի մասին է, որը հայտնի է բոլորին «Doctor house» հեռուստասերիալից: Այս հիվանդության ընթացքում արտադրվում է մեծ քանակությամբ կորտիզոլ հորմոն, որն էլ հանգեցնում է ավելորդ քաշի: Հիվանդությունը հաճախ չի հանդիպում. յուրաքանչյուր տարի մեկ միլիոն չափահաս բնակչության մեջ միայն 15 հոգի:

3. Ճարպազուրկ և դիետիկ սննդի նկատմամբ վստահությունը

Ավելորդ քաշի ամենատարածված սխեմաներից մեկը յուղազուրկ դիետան է շաքարի բարձր մակարդակով: Այսօր ավելի շատ դիետոլոգներ են ընդունում, որ ճարպազուրկ սնունդը շատ սխալ է: Հատկապես վտանգավոր են բազմաթիվ հավելումներով «դիետիկ» կիսաֆաբրիկատները, թերևս սովորական ճարպազուրկ յոգուրտում ևս արտադրողներն ավելացնում են հսկայական քանակությամբ շաքարավազ դրանց գոնե մի փոքր համ տալու համար:

Արդյունաբերական արտադրության մեջ որպես կանոն օգտագործվում է սպիտակ շաքարավազը, որը հանդիսանում է «մերկ» կալորիա, կամ եգիպտացորենի օշարակ, որը արդեն մեզ հասնող ամերիկյան գիրության ամենահիմնական պատճառն է:

Որքան շատ է քաղցրավենիքը, այնքան ավելի քիչ է հավանականությունը, որ մարսողական համակարգը կպայքարի դրա դեմ. ամենայն հավանականությամբ օրգանիզմում այն կկուտակվի որպես ճարպ: Իսկ արդեն վերջերս գիտնականները բացահայտել են ևս մեկ նիհարեցնող վտանգավոր սննդամթերք՝ դիետիկ ըմպելիքները:

4. Գեր շրջապատը

Միայն ռոմանտիկ ստեղծագործություններում են իրար ձգում հակադիր մարդիկ. իսկ խելամիտները փնտրում են իրենց նմաններին: Գեր մարդկանց նման հանդիպումը չի կարող լինել գործոն, որը կարող է նպաստել ավելորդ քաշի նվազմանը:

Սա դաժան ճշմարտություն է, սակայն գեր մարդիկ հաճախ են ընտրում այլ գեր մարդկանց, քանի որ ինքնավստահ չեն և ենթագիտակցորեն մտածում են, որ միայն նմանատիպ խնդրով տառապող անձը կարող է դառնալ նրանց երկրորդ կեսը, և ավելորդ քաշը այդքան էլ աչքի չի ընկնի:

Սա չի նշանակում, որ նման զույգերը երջանիկ չեն. գուցե նրանք հարաբերություններում ունեն շատ բոնուսներ, որոնք հասանելի չեն նիհար զույգերին: Սակայն, եթե դուք անընդհատ հարցնում եք ինքներդ ձեզ, թե «ինչու՞ եք գեր», ապա պետք է սովորեցնեք նույնը անել նաև ձեր զուգընկերոջը, քանի որ, ինչպես ցույց են տալիս արված ուսումնասիրությունները, գեր մարդկանց միջավայրում սննդի որակը և քանակը մեխանիկաբար ավելանում է:

5. Մենք պարզապես ծերանում ենք

Ոմանք կարող են երգել «Իմ տարիները, իմ հարստությունն են», սակայն դա չի վերաբերվում ավելորդ կիլոգրամներին: Հաճախ տարիքը և քաշը ուղիղ համեմատական մեծություններ են. կանանց մոտ նյութափոխանակության ակտիվ վերակազմավորման փուլը համընկնում է դաշտանի դադրեցման հետ:

Քաշի ավելացումը մեկ օրում տեղի չի ունենում. այն ամրապնդում է իր դիրքերն աստիճանաբար, և առաջինը տուժում են նրանք, ովքեր իրենց կազմվածքով հակված են գիրության: Անտարբերությունը, քնկոտությունը, հոգնածությունը և այլ ախտանիշերը «Ես արդեն այն չեմ, ինչ հինգ տարի առաջ» հենց այս զինանոցից են, և եթե դուք չեք ցանկանում գիրանալ, ապա փորձեք մնալ ակտիվ:

6. Քնի պակաս և ծանր սթրես

Ինչու՞ են մարդիկ գիրանում, երբ քնի պակասը դառնում է կենսակերպ: Ժամանակին և բավարար քունը նպաստում է հորմոնների ճիշտ քանակության արտադրությանը, իսկ քնի պակասը հանգեցնում է գրելին հորմոնի քանակության աճին, որը ոչ միայն մեծացնում է ախորժակը, այլ նաև ստիպում է նախապատվությունը տալ օսլայով և քաղցր սննդին, որոնք մատակարարում են ուղեղին արագ էներգիա:

Նմանատիպ մեխանիզմ է ընկած նաև սթրեսային գիրության հիմքում, երբ սնունդը փոխարինում է բոլոր մյուս հաճույքները: Իրավիճակը սրվում է նաև այն պատճառով, որ սթրեսը և ընկճախտը բարձրացնում են կորտիզոլի արտադրությունը, որը գերարագ ճարպի է վերածում այն ամենը, ինչ հասնում է մարսողական տրակտին: Բացի դա, դեպրեսիան ուղղակիորեն ազդում է ապրելակերպի վրա. մռայլ տրամադրությամբ անձը քիչ է շարժվում և մեկուսացվում մարդկանցից:

Եթե սև մելանխոլիան խնդիր է դարձել և դուք որոշել եք դիմել մասնագետի օգնությանը, իսկ նա դեղեր է նշանակել, ապա ուշադիր ուսումնասիրեք դրանք. հոգեբանները չեն օգնում նիհարել, իսկ որոշ տեսակի հակասթրեսային դեղամիջոցներ բերում են ավելորդ կիլոգրամների ավելացմանը (2-6 կիլոգրամ):