ՊԱՏՄՈՒԹՅԱՆ ԱՅՍ ՕՐԸ (10 ՀՈՒԼԻՍԻ). Առաջին անգամ ֆուտբոլային մրցավարը սուլիչ է օգտագործել, սկսվել է «կապկային դատավարությունը»

ՏՈՆԵՐ

Բահամյան կղզիներ՝ Անկախության օր, Մավրիտանիա՝ Բանակի օր, Մոնղոլիա՝ Պետական դրոշի օր, Ռուսաստան՝ Ռազմական փառքի օր, Ճապոնիա ՝ Նատտոյի (ազգային ուտեստ) օր:

ՀԱՅ-ՀԱՅԱՍՏԱՆ

1870- ծնվել է հայ բանասեր, ազգագրագետ Վարդան Հացունին:

1877-ավարտվել է Բայազետ ամրոցի հերոսական պաշտպանությունը:

 1915– սկսվել է Մուշ քաղաքի և նրա շրջակայքի բնակչության զանգվածային կոտորածը թուրքերի կողմից: 

1937- ծնվել է դերասանուհի Գալյա Նովենցը:

1953- ծնվել է սփյուռքահայ երգիչ Փոլ Բաղդադլյանը:

1967– ծնվել է հայ ազատամարտիկ, զորահրամանատար, պետական, հասարակական և քաղաքական գործիչ Ժիրայր Սեֆիլյանը։

1996– վախճանվել է հայ հասարակական գործիչ, արդյունաբերող, բարերար, Հայաստանի ազգային հերոս Ալեք Մանուկյանը:

2002- Ուրուգվայի մայրաքաղաքի մոտակայքում հայտնաբերվել է հայազգի գործարար, Արգենտինայի քաղաքացի Միհրան Մամբրելյանի դիակը:

2003- նորակազմ Կենտրոնական ընտրական հանձնաժողովի (ԿԸՀ) առաջին նիստում հանձնաժողովի նախագահ է ընտրվել Գարեգին Ազարյանը:

2006- «Մոսկվա» կինոթատրոնում մեկնարկել է «Ոսկե ծիրան» միջազգային 3-րդ կինոփառատոնը:

2009– Իտալիայի Ակվիլա քաղաքում հրապարակվել է Մադրիդյան սկզբունքների մի մասը:

2010- «Ժառանգություն» կուսակցությունում շաբաթ օրը կայացած արտահերթ համագումարում գրեթե ամբողջությամբ փոխվել է կուսակցության վարչության կազմը: Նոր` 11-հոգանոց վարչության կազմում է եղել նաև Րաֆֆի Հովհաննիսյանը:

2012– թողարկվել է ամերիկահայ երաժիշտ Սերժ Թանկյանի երրորդ պաշտոնական ալբոմը` Harakiri-ն:

2016- Երևանի «Մոսկվա» կինոթատրոնում մեկնարկել է «Ոսկե ծիրան» միջազգային 13րդ կինոփառատոնը:

2018- Եղվարդ քաղաքի Նատի թաղամասի բնակիչները փակել են Երևան - Եղվարդ մայրուղին՝ պահանջելով կասեցնել «ԱրմՕյլ» ընկերության կողմից կառուցվող նավթավերամշակման գործարանը:

2019- Հայաստանը որոշ ժամանակով հայտնվել էր էներգետիկ կոլապսի մեջ. հոսանքի հաճախականության տատանումներ են եղել Երևանում և մի շարք այլ բնակավայրերում։ Սկզբում անջատվել է Հրազդանի ՋԷԿ-ի 5-րդ էներգաբլոկը, ապա Երևանի ՋԷԿ-ը և այլ ավելի փոքր արտադրողներ։ Երևանում լուսացույցները չեն աշխատել, խցանումներ են եղել գրեթե բոլոր խաչմերուկներում, մետրոպոլիտենում հոսանքն անջատվել է, երկու գնացք մնացել է թունելներում, ուղևորներին տարհանել են։

ԱՇԽԱՐՀ

1499-Վասկո դա Գամայի արշավախմբի նավապետ Նիկոլաու Կուելի «Բերրիու» նավը երկու տարի նավարկելուց հետո վերադարձել է Լիսաբոն՝ կատարելով առաջին շուրջերկրյա նավարկությունը:

1547-Ֆրանսիայում կայացել է պաշտոնապես թույլատրված վերջին մենամարտը (դուել): 

1584- վախճանվել է Նասաուի կոմս, Օրանի արքայազն Վիլհելմ Լռակյացը:

1765-ծնվել է ռուս զորահրամանատար, գեներալ, կոմս Բագրատիոնը: 

1836– վախճանվել է ֆրանսիացի ֆիզիկոս և մաթեմատիկոս, էլեկտրադինամիկայի հիմնադիրներից մեկը՝ Անդրե Մարի Ամպերը, որի պատվին է կոչվել էլեկտրական հոսանքի ուժի միավորը:

 1856– ծնվել է սերբ ճարտարագետ, ֆիզիկոս, գյուտարար Նիկոլա Տեսլան:

1873-ծնվել է ռուս հեղափոխական, պատմաբան, էթնոգրաֆ, խորհրդային պետական և կուսակցական գործիչ Վլադիմիր Բոնչ Բրունևիչը: 

1878– Անգլիայում առաջին անգամ ֆուտբոլային մրցավարը սուլիչ է օգտագործել: Մինչ այդ հարկ եղած դեպքում նա պարզապես բղավում էր:

1890– Վայոմինգը դարձել է ԱՄՆ-ի 44-րդ նահանգը: 

1908 –հոլանդացի ֆիզիկոս Հեյկ Կամերլինգ-Օննեսը առաջին անգամ ստացել է հեղուկ հելիում: 

1925-սկսվել է Դարվինի ուսմունք ջատագով ուսուցիչ Ջոն Սկոուպսոնի դեմ դատավարությունը, որը պատմության մեջ է մտել «Կապկային դատավարություն» անվանմամբ: 1941- Երկրորդ համաշխարհային պատերազմի ժամանակ սկսվել է Սմոլենսկի ճակատամարտը: 

1943– Երկրորդ համաշխարհային պատերազմի ժամանակ Կուրսկի ճակատամարտի ամենաթեժ մարտերի պահին Սիցիլիա կղզում իջեցվել է անգլո-ամերիկյան մեծաքանակ դեսանտ: 

1949-Տաջիկստանում երկրաշարժի արդյունքում առաջացած հողի սողանքը ոչնչացրել է Հայիտ քաղաքը, որի բոլոր բնակիչները զոհվել են: 

1958 –լոնդոնյան Մայֆեր շրջանի կայանատեղիներում տեղադրվել են առաջին հաշվիչները:

 2000 - Նիգերիայում խողովակաշարից արտահոսած բենզին հավաքելու ժամանակ առաջացած հրդեհից վառվել և զոհվել է շուրջ 250 գյուղացի:

 2006 –վախճանվել է չեչեն ահաբեկիչ-իսլամիստների առաջնորդ Շամիլ Բասաևը:

 Ի ՄԻ ԲԵՐԵՑ Կ. ԽԱՉԻԿՅԱՆԸ