Գայլերը չափազանց երկչոտ և ամաչկոտ են. 5 հետաքրքիր փաստ գայլերի մասին

Բնության մեջ յուրաքանչյուր կենդանի օրգանիզմ առանձնանում է իրեն բնորոշ հատկանիշներով: Բոլոր կենդանիներն օժտված են յուրահատկություններով, որոնք էլ բնութագրում են նրանց վարքագիծը:

Past.am կայքը ձեզ կներկայացնի բնության ամենայուրօրինակ, խորամանկ ու խելացի կենդանիներին՝ գայլերին, որոնք համարվում են անտառի «սանիտարները»:

1. Գայլերը ունեն 42 ատամ: Գայլերի համար բավականին կարևոր են համարվում նրանց ատամները: Ատամների շնորհիվ նրանք բռնում են իրենց որսը, սպանում և ուտում: Այդ իսկ պատճառով նրանք բավական ուշադիր են իրենց ատամների նկատմամբ:

2. Գայլերը չափազանց երկչոտ և ամաչկոտ են, նրանք սովորաբար չեն հետապնդում կամ որսում մարդկանց՝ ընդհակառակը, նրանք հակված են  հեռանալ մարդկանցից, հենց որ զգում են նրանց հոտը: Ժամանակ առ ժամանակ կատաղած գայլը հնարավոր է մտնի քաղաք և կծի որևէ մեկին, բայց դա ծայրահեղ հազվադեպ դեպքերում: 

3. Գայլերի աչքերի գույնը (որը բոլորս շատ ենք սիրում ) տատանվում է դեղին, բաց շագանակագույն ու մուգ շագանակագույնի միջև: Կապույտ գույնի դեպքում պետք է եզրակացնել, որ տվյալ տեսակը գայլի ու շան հիբրիդ է: Թեև նրանք ունեն գերազանց տեսողություն, նրանց տեսողությունը այդքան էլ լավ չէ հեռավորության վրա, բայց ահա դրա փոխարեն նրանց մոտ լավ է զարգացած լսողությունը և հոտառությունը:

4. Գայլերը սովորաբար բազմանում են տարին մեկ անգամ և նրանք հակված են մնալ մեկ զուգընկերոջ հետ մինչև իրենց կյանքի վերջ: Ձագերի մահացության մակարդակը կազմում է մոտ 50%: Նրանք հիմնականում ապրում են որջերում, երբ ձագեր են ունենում: Մնացած դեպքում նրանք ապրում են գետնի վրա: Ձագերը սկսում են որս անել մոտ 7 ամսականում:

5. Հետաքրքիր փաստ է, որ գայլերի հոտառությունը 100 անգամ գերազանցում է մարդկանց: Երբ գայլերը խորը շունչ են քաշում, նրանք մեզանից 14 անգամ ավելի մեծ հոտի զգացողություն են ունենում: Կա վարկած, որ նրանք կարող են նույնիսկ հեռավորությունից որոշել այլ գայլերի տարիքը և սեռը: