Ըն­դուն­ված որո­շում­նե­րի և օրենք­նե­րի կի­րար­կու­մը հե­տա­գա­յում կա­րող է հար­ցա­կա­նի տակ դրվել

Չնայած համավարակի տարածմանը և օրեցօր խորացող ճգնաժամին, Հայաստանի ներքաղաքական կյանքում բուռն զարգացումներ են տեղի ունենում։ Հաշվի առնելով առկա իրավիճակը՝ քաղաքական ուժերը վերադիրքավորվում են՝ քաղաքական առումով իրենց համար առավել բարենպաստ պայմաններ ապահովելու և հանրության վստահությունը շահելու առումով։ 

Սակայն ցավալին այն է, որ ներքաղաքական գործընթացները տեղի են ունենում փոխադարձ թշնամանքի ու ատելության պայմաններում։ Իսկ ինչքան շատանում է ատելության դոզան, այնքան մեծանում է բնակչության հիասթափությունը տիրող իրավիճակից։

հական, հումանիտար և տնտեսական սպառնալիքներ է ստեղծել երկրի համար, ապա իրավիճակը պահանջում է, որ հանրությունը համախմբվի, իսկ քաղաքական ուժերը մի կողմ դնեն իրենց ամբիցիաները և իրենց ջանքերն ուղղեն ճգնաժամից դուրս գալու ելքեր փնտրելու ուղղությամբ։

Բայց ընդդիմությունը ահազանգում է երկրում առկա բարդ իրավիճակի մասին և կոշտ քննադատության ենթարկում իշխանություններին, իսկ իշխանությունները, որոնց մոտ ցանկություն չկա ընդունելու սեփական թերացումները, թիրախավորում են ընդդիմադիրներին՝ փորձելով տարբեր կերպերով լռեցնել նրանց։ Սրան գումարվում է այնպիսի մի կարևոր թեմա, ինչպես անհրաժեշտ օրենսդրական նախաձեռնությունների և որոշումների ընդունումն է։

Եվ չնայած շարունակվող ճգնաժամային իրավիճակի առկայությանը, առանց հանրային լուրջ քննարկումների, համապատասխան փորձագետների ու հանրության ընդդիմադիր հատվածի կարծիքը հաշվի առնելու, ընդունվում են հանրության տարբեր հատվածների շահերը շոշափող և բազմաթիվ կողմերից խնդրահարույց նախագծեր՝ հաշվի առնելով այն հանգամանքը, որ արտակարգ դրության պայմաններում զանգվածային հավաքներն ու բողոքի ցույցերն արգելված են։ 

Այսպես ընդունվեցին ինչպես սահմանադրական փոփոխությունները, որոնք վերաբերում էին ՍԴ դատավորների հարցին, այնպես էլ Լանզարոտի կոնվենցիան, որը, մասնագետների կարծիքով, մեր արժեհամակարգի խաթարմանն ուղղված տարրեր է պարունակում։ Սրան զուգահեռ արագացված ռեժիմով ԱԺ-ում անցկացվեց գույքահարկի բարձրացում նախատեսող օրենսդրական նախաձեռնությունը։

Սա քիչ չէ, հիմա էլ իշխանությունները փորձ են կատարում անցկացնել «Հանրակրթության պետական չափորոշչի ձևավորման և հաստատման կարգը, որով հանրակրթական համակարգում հայագիտական առարկաների դասաժամերը կրճատվում են, իսկ «Հայոց եկեղեցու պատմություն» առարկան ընդհանրապես դուրս է մնում դասավանդվող առարկաների ցանկից։

Այսպիսի նախաձեռնություններով հանդես գալու համար իշխանությունները հանրային շահերի սպասարկման տեսանկյունից լավագույն ժամանակը չեն ընտրել, բայց հաշվի առնելով, որ քանի դեռ հասարակության ուշադրությունը սևեռված է կորոնավիրուսի թեմայի վրա, փորձում են օգտվել իրավիճակից։ 

Միևնույն ժամանակ, պատրաստ չլինելով իրենց առաջ քաշած նախագծերում հանրային պահանջներից բխող փոփոխություններ իրականացնել, իշխանությունները ավելի են թեժացնում ներքաղաքական մթնոլորտում կուտակված ատելության մթնոլորտը։

 

Սակայն մյուս կողմից՝ պետք է հաշվի առնել, որ հապշտապ ընթացակարգով և առանց հանրային լայն շրջանակների կարծիքը հաշվի առնելու ընդունված որոշումների և օրենքների հետագա կիրարկումը հետագայում կարող է հարցականի տակ դրվել։ 

Եթե այս պահին մարդիկ հնարավորություն չունեն իրենց բողոքի ձայնը տեղ հասցնելու, ապա արտակարգ դրությունից հետո նրանք ավելի բուռն կերպով կարող են արտահայտել իրենց դժգոհությունը՝ դուրս գալով հավաքների կամ այլ ձևաչափերում բողոքի ակցիաներ անցկացնելով։

ԱՐՏԱԿ ԳԱԼՍՏՅԱՆ