ՀՀ և ԼՂՀ բանկերի դրամային ավանդները մեկ տարում ավելացել են 0.6 տոկոսով, իսկ արտարժույթով ավանդները` 11 տոկոսով

Հայաստանի և ԼՂՀ բանկերը 2014թ. հունիսի 30-ից 2015թ. հունիսի 30-ը ժամանակահատվածում դրամային ավանդներն ավելացել են 0.6 տոկոսով, իսկ արտարժույթով ավանդները` 11 տոկոսով, ինչի արդյունքում արտարժույթով ավանդների տեսակարար կշիռն աճել է 2.1 տոկոսային կետով և կազմել ընդհանուր ավանդների 69.8 տոկոսը: Արտարժութային ավանդների տեսակարար կշիռն ընդհանուր ավանդներում աճել է ՀՀ գրեթÕ ¥ բոլոր մարզերում` բացառությամբ Վայոց ձորի մարզի և ԼՂՀ-ի: Ժամկետային ավանդներն ավելացել են 12.9 տոկոսով, իսկ ցպահանջ ավանդները նվազել են 4.2 տոկոսով, ինչի արդյունքում ժամկետային ավանդների տեսակարար կշիռն աճել է 3.4 տոկոսային կետով և կազմել ընդհանուր ավանդների 72.6 տոկոսը:

Ինչպես «Արմենպրես»-ին տեղեկացրին ՀՀ կենտրոնական բանկի  հասարակայնության հետ կապերի ծառայությունից, Երևանում  2015թ. հունիսի 30-ի դրությամբ` ներգրավված միջոցները կազմել են 1 տրլն 296.7 մլրդ դրամ, վարկերն առանց միջազգային ծրագրերով տրամադրված վարկերի` 1 տրլն 113.5 մլրդ դրամ, ընդհանուր վարկերը` 1 տրլն 321 մլրդ դրամ:

2015թ. հունիսի 30-ի դրությամբ` բանկային համակարգի կողմից ներգրավված միջոցների ընդհանուր ծավալը զիջել է վարկային ներդրումների ծավալին ՀՀ բոլոր մարզերում: Հաշվետու տարում վարկային ներդրումների և ավանդների հարաբերակցությունը աճել է 1.6 տոկոսային կետով և կազմել 132.0 տոկոս: Վարկային ներդրումների և ավանդների հարաբերակցությունն առավել ցածր է Երևանում (101.9 տոկոս) և Սյունիքի մարզում (213.6 տոկոս): Տարածքային ստորաբաժանումների բաշխվածության առումով` բանկերի մեկ մասնաճյուղին բաժին ընկնող ներգրավված միջոցների և վարկային ն երդրումների ծավալները հաշվետու տարում ավելացել են, համապատասխանաբար 148 մլն դրամով և 241 մլն դրամով և, 2015թ. հունիսի 30-ի դրությամբ, կազմել  3 մլրդ դրամ և 4 մլրդ դրամ

Մեկ շնչին բաժին ընկնող ներգրավված միջոցների և վարկային ներդրումների ծավալները դարձյալ դրսևորել են աճի միտումներ. դրանք աճել են, համապատասխանաբար, 7.8 տոկոսով և 9.1 տոկոսով և, 2015թ. հունիսի 30-ի դրությամբ, կազմել են, համապատասխանաբար 490 հազար դրամ և 647 հազար դրամ: