ՊԱՏՄՈՒԹՅԱՆ ԱՅՍ ՕՐԸ (4 ՍԵՊՏԵՄԲԵՐԻ).Պետականացվել է կոմկուսի ունեցվածքը, հիմնադրվել է Լոս Անջելեսը, ստեղծվել է Google-ը

ՏՈՆԵՐ

Թեկվանդոյի միջազգային օր, Արգենտինա՝ Ներգաղթյալի օր, Հայաստան՝ Փրկարարի օր, Իրան՝ Կոոպերացիայի օր, Մոլդովա՝ Մաքսային աշխատողի օր, Ռուսաստան՝ Միջուկային ապահովման մասնագետների օր:

ՀԱՅ-ՀԱՅԱՍՏԱՆ

1829- վախճանվել է ռուսական բանակի հայազգի գեներալ, իշխան Վալերիան Մադաթովը:

1928 –ծնվել է տեխնիկական կիբեռնետիկայի գծով խորհրդահայ գիտնական Կարլեն Աբգարյանը:

1947 – ծնվել է բանաստեղծ և արձակագիր Վիկտոր Հովսեփյանը:

1946– վախճանվել է ռեժիսոր, դերասան Արշակ Բուրջալ յանը։

1955 – ծնվել է մանկավարժ, հասարակական գործիչ Աշոտ Բլեյանը:

1987- գյումրեցի հեռացատկորդ Ռոբերտ Էմմիյանը դարձել է Եվրոպայի ռեկորդակիր՝ թռնելով 8 մետր 86 սանտիմետր. ռեկորդն անգերազանցելի է մնացել 30 տարի:

1991-Հայաստանում պետականացվել է ՀԿԿ-ի ունեցվածքը:

1992- Ղարաբաղյան պատերազմում հայերը ПЗРК-ով խփել են ադրբեջանական МиГ21 ինքնաթիռ, օդաչուն գերի է ընկել:

2006-ԱՄՆ-ի բաց առաջնության երրորդ փուլում թենիսիստ Անդրե Աղասին, պարտություն կրելով գերմանացի Բենիամին Բեքերից, ավարտել է իր մարզական կարիերան: Նա մեկն էր թենիսի պատմության մեջ այն հինգ մարզիկներից, ում հաջողվել է նույն տարվա ընթացքում հաղթել «Մեծ սաղավարտի» բոլոր չորս մեծ մրցաշարերում:

2013-ստեղծվել է սահմանադրական բարեփոխումների հանձնաժողով:

2018-հատուկ քննչական ծառայությունը որոշում է կայացրել երկրորդ նախագահ Ռոբերտ Քոչարյանի նկատմամբ ընտրել «ստորագրություն չհեռանալու մասին» խափանման միջոցը:

2019-«Սանիթեքը» արդեն վերջնականապես բոյկոտել է աղբահանությունը, երբ քաղաքապետարանը որոշել է 200 միլիոնով կրճատել ընկերության ֆինանսավորումը, Երևանի աղբի պատասխանատուն այս որոշմանը հակադրվել է՝ հրաժարվելով աղբահանությունից։

ԱՇԽԱՐՀ

476 -բարբարոսների առաջնորդ Օդոակրը գահընկեց է արել հռոմեական թագավոր Ավգուստուլին՝ վերջ դնելով Արևմտյան Հռոմեական Կայսրությանը:

1715 - վախճանվել է ֆրանսիացի քանդակագործ Ֆրանսուա Ժիրարդոն։

1742 -Գալսինգֆորսի շրջանում շվեդ-ռուսական պատերազմի ընթացքում շրջափակման մեջ ընկած շվեդական բանակը կապիտուլ յացիայի է ենթարկվել:

1768– ծնվել է ֆրանսիացի դասական գրող, դիվանագետ, ֆրանսիական գրականության մեջ ռոմանտիզմի նախահայր Ֆրանսուա-Ռընե դը Շատոբրիանը:

1781– ԱՄՆ-ի Կալիֆորնիա նահանգում իսպանացի 44 վերաբնակիչներ հիմնադրել են Լոս Անջելես քաղաքը։

1802 -գերմանացի լեզվաբան Գեորգ Գրոտեֆենդը աշխարհում առաջին անգամ վերծանել է բաբելոնական սեպագիրը:

1810 -Աբխազիայի կոմս Գեորգի Շավարշիձեն հավատարմության երդում է տվել ռուսական ցարին:

1824 – ծնվել է ավստրիացի կոմպոզիտոր Անտոն Բրուքները: 1837 -Նյու Յորքի համալսարանում Սեմյուել Մորզեն առաջին անգամ ցուցադրել է իր հայտնագործությունը՝ հեռագիրը:

1842- 284 տարվա ընդմիջումից հետո վերսկսվել է Քյոլնի տաճարի շինարարությունը:

1870 - Ֆրանսիայում գահընկեց է արվել Նապոլեոն 3-րդը, ստեղծվել է Երրորդ հանրապետությունը:

1882 -Նյու Յորքում Թոմաս Էդիսոնը գործարկել է աշխարհում առաջին էլեկտրակայանը և 85 հաճախորդների համար միացրել վճարովի էլեկտրական լուսավորություն:

1885 -Նյու Յորքում բացվել է ԱՄՆ-ում առաջին ինքնասպասարկմամբ սրճարանը:

1888 – ամերիկացի բիզնեսմեն և գյուտարար Ջորջ Իսթմենը ստեղծել է Kodak ընկերությունը և նույն օրը ստացել փաթեթային ֆոտոժապավենի արտոնագիր։

1907– վախճանվել է նորվեգացի նշանավոր երգահան, երաժշտական գործիչ և խմբավար Էդվարդ Գրիգը։

1909 -Անգլիայում կայացել է բոյսկաուտների առաջին շքերթը:

1938 - «Կարմիր աստղ» թերթում առաջին անգամ օգտագործվել է «Եթե ես մեռնեմ, ինձ համարեք կոմունիստ» արտահայտությունը:

1944 - Ֆինլանդիան դադարեցրել է Խորհրդային Միության հետ սկսված պատերազմը:

1969 – ծնվել է վրացի ակադեմիկոս և քաղաքական գործիչ, Վրաստանի նախկին նախագահ Գիորգի Մարգվելաշվիլին:

1975– առաջին անգամ եթեր է հեռարձակվել «Ի՞նչ, որտե՞ղ, ե՞րբ» ինտելեկտուալ հաղորդումը։

1985 - Իսրայելում շրջանառության մեջ է մտցվել նոր դրամական միավոր շեքելը:

1989– վախճանվել է բելգիացի գրող, դետեկտիվ-հոգեբանական ժանրի նշանավոր ստեղծագործող Ժորժ Սիմենոնը։

1991- Կիևի Գերագույն ռադայի շենքի վրա առաջին անգամ բարձրացվել է կապույտդեղին դրոշը:

1997-վախճանվել է անգլիացի գիտնական-հոգեբան Հանս Յուրգեն Այզենկը, որը հանդիսանում է ինտելեկտի որոշման IQ թեստի ստեղծողը:

1998 - Սթենֆորդի համալսարանի ուսանողներ Լարրի Փեյջն ու Սերգեյ Բրինը հիմնել են Google-ը:

1999– Դաղստանի Բույնակսկ քաղաքում տեղի է ունեցել ահաբեկչական գործողություն. պայթյունի հետևանքով զոհվել է 64 մարդ, վիրավորվել՝ 165-ը։