Ստվերային պայմանավորվածություն Փաշինյանի և Արմեն Սարգսյանի միջև՝ խորհրդարանի ոչնչացման գնով

Երեկ, անշուշտ, շատերդ հետևել եք ՍԴ անդամության թեկնածուների ելույթներին, խորհրդարանական քննարկումներին։ Համենայն դեպս, բոլոր բանական մարդիկ կարող էին եզրակացնել, որ առնվազն նախագահի թեկնածուն՝ Արթուր Վաղարշյանը, չի ընտրվելու։ Խորհրդարանական մեծամասնության ներկայացուցիչները նույնիսկ բաց տեքստով հարձակվում էին Արմեն Սարգսյանի ներկայացուցչի վրա՝ այն բանի համար, որ նախագահն, ըստ էության, արհամարհում է այս գումարման ԱԺ-ն՝ մեկ տարվա ընթացքում երկրորդ անգամ ներկայացնելով թեկնածուի, որն առաջին քվեարկության ժամանակ ստացել է ընդամենը երեք տասնյակ քվե։
Բայց այսօր պարզվեց՝ Վաղարշյանը բոլորից շատ քվե է ստացել, ինչն առնվազն ենթադրում է, որ այս խորհրդարանական մեծամասնության կշիռը զրոյական է ու բոլոր որոշումները կայացվում են Նիկոլ Փաշինյանի կողմից, որն, ըստ ամենայնի, "Իմ քայլ"-ին՝ "գիշերային խորհրդակցության" միջոցով, պարտադրել է իր որոշումը։
Ըստ ամենայնի, մի կողմից՝ Նիկոլ Փաշինյանին ձեռնտու են խոցելի դատավորները, որոնք ՍԴ-ն Սերժ Սարգսյանի գրպանից կտեղափոխեն նրա գրպանը, մյուս կողմից՝ տեսանելի է որոշակի ստվերային պայմանավորվածություն Փաշինյանի և Արմեն Սարգսյանի միջև, որի մասին հանգամանլից կխոսենք ավելի ուշ։