Ժամանակն է, որ Եվրամիությունը ներկայանա ընդդեմ Էրդողանի. Modern Diplomacy

Ժամանակն է, որ Եվրևոպական Միությունը ներկայանա ընդդեմ Թուրքիայի նախագահ Ռեջեփ Թայիփ Էրդողանի, որի հանցավոր գործունեությունը երկրի ներսում եւ դրա սահմաններից դուրս գործողությունները ներկայացնում են մեծ սպառնալիք: Այդ մասին Modern Diplomacy պարբերականում գրում է Նյու Յորքի համալսարանի Համաշխարհային հարաբերությունների կենտրոնի միջազգային հարաբերությունների պրոֆեսոր Ալոն Բեն Մեյրը:

Նա նշում է, որ Էրդողանը պարբերաբար շանտաժի է ենթարկում ԵՄ-ին, աջակցում է ծայրահեղական իսլամիստական խմբավորումներին, ինչպիսիք են «Մուսուլման եղբայրները» եւ ՀԱՄԱՍ-ը, եւ ապակայունացնում բազմաթիվ երկրներ:

Մարտին Թուրքիան հայտարարել էր, որ այլեւս չի խոչընդոտի փախստականների տեղաշարժին դեպի հարեւան Հունաստան, իսկ Էրդողանը նախազգուշացրել էր, որ միլիոնավոր միգրանտներ եւ փախստականներ առաջիկայում կուղղվեն դեպի Եվրոպա:

Թուրքիան պահպանում է ռազմական ներկայությունը Սիրիայում եւ Իրաքում՝ հղում անելով քրդական զինված խմբավորումներին, որոնք գործում են Մերձավոր Արեւելքում եւ գտնվում ռազմական գործողություններ իրականացնելու վիճակում: Անկարան նաեւ մեղադրվում է Սիրիայից ահաբեկիչների զարգացման մեջ Լիբիայում ազգային համաձայնության կառավարության միջազգային ճանաչման համար: «Էրդողանի վարքի մանրակրկիտ ուսումնասիրությունը հստակ ցույց է տալիս նրա ձգտումը վերականգնել Օսմանյան կայսրության ազդեցության մեծ մասը երկրներում, որոնք ժամանակին գտնվել են դրա վերահսկողության տակ»,-գրում է վերլուծաբանը:

Սակայն ԵՄ-ն որոշել է համոզել ինքն իրեն, որ Թուրքիան շատ կարեւոր է աշխարհառազմավարական տեսանկյունից, ինչով Թուրքիայի իշխանատենչ առաջնորդը հմտորեն օգտվում է: Հեղինակը համարում է, որ Էրդողանին հաղթելն ավելի հեշտ կլինի ԱՄՆ նախագահի թեկնածու Ջո Բայդենի հաղթանակից հետո, որն, անկասկած, կամրապնդի ԵՄ-ի հետ համագործակցությունը եւ վերջ կտա ավտորիտարիզմին: Բադենը պաշտոնապես անվանել է Թուրքիայի նախագահի ավտոկրատ, ընդ որում՝ հայտնելով իր վճռականությունը Թուրքիայի ընդդիմադրությանը սատարելու հարցում: