Իսկական դրախտ Երկրի վրա, որի մասին անգամ չեք լսել

Past.am-ը ներկայացնում է Երկրագնդի վրա գտնվող դրախտներից, որոնք անհավանական գաղտնիքներ են պարունակում իրենց մեջ:

Քոն Սոնը գտնվում է Քոն Դաոյում՝ Վիետնամում: Այն անկրկնելի կղզի է գեղեցիկ ծովափերով ու մարջանի խութերով, որոնք դեռ այնքան էլ շատ չեն այցելվել զբոսաշրջիկների կողմից: Բայց փիրուզե ջրի ու խաղաղ խաբուսիկության տակ թաքնված է անհավատալի սարսափ:

Հայտնի լինելով որպես Հարավարևելյան Ասիայի Սատանայի կղզի՝ Քոն Սոնը 16 կղզախմբից ամենամեծն է: Շատերի համար այն ժամանակին եղել է իսկական դրախտ: Ֆրանսիական գաղութատիրության շրջանում կղզին եղել է պատժիչ գաղութ: Հետագայում ղեկավարվել է Հարավային Վիետնամի ու ամերիկյան ուժերի կողմից: Մինչև 1975թ. բանտերի փակումը Վիետնամի պատերազմի ժամանակ այնտեղ պահվել են կոմունիստները: Այսօր այն ունի մոտ 6000 բնակիչ: Նրանց թվով գերազանցում են մոտ 20.000 բանտարկյալների գերեզմանները, ովքեր մահացել են 1954-1975թթ.:

Շատերը տանջամահ են արվել և խեղվել, պահվել են շղթայված «Վագրի վանդակներում», որոնք խոր փոսեր են՝ պողպատյա ձողերով վերևից փակված: Նաև մոտ 914 մարդ է մահացել ֆրանսիացիների համար բանտը կառուցելիս: Բանտերն այսօր որպես թանգարաններ են պահպանվել, որ հիշեցնում են կղզու մութ անցյալի մասին: Սակայն քիչ են այցելուները, հիմնականում՝ նախկին զինվորներ, ովքեր բանտարկված են եղել այստեղ:

Վայրը ապշեցնող բնական գեղեցկություն ունի և զբոսաշրջային ուղիներից հեռու գտնվելու պատճառով մնացել է Հարավարևելյան Ասիայի անեղծ վայրերից մեկը: Կղզու 80%-ը արգելոց է: Հազվադեպ է նաև երթևեկությունը: Բայց շուտով այս ամենը կարող է փոխվել: Վերջին տարիներին հյուրանոցներ, ռեստորաններ են կառուցվել այս բնակավայրում: Պետք է սպասել և տեսնել, թե արդյոք այս բանտ-կղզին կդառնա մեկ ուրիշ Մեքքա: