Հագուստի ո՞ր գույնը որի՞ հետ համադրել

Երբեմն մենք գնում ենք շատ գեղեցիկ ու որակյալ հագուստ, սակայն ձախողում ենք այն մեկ այլ հագուստի հետ կրելիս: Միշտ նորաձև ու գեղեցիկ երևալու համար թանկարժեք հագուստ բավական չէ, հարկավոր է նաև իմանալ դրանց համադրելու տարբերակները:

Past.am-ը անդրադարձ է կատարել գունային երագներին:

Զգեստապահարանում միշտ պետք է ունենալ սպիտակ բլուզ, այն շատ հեշտ համադրվող գույն է: Կարելի է օգտագործել լավագույնս կապույտի, կարմիրի և սևի հետ:

Հեշտ համադրվող գույներից է մարմնագույնը: Իզուր չէ, որ յւորաքանչյուր կին պետք է իր պահարանում ունենա սև և մարմնագույն մեկական զույգ կոշիկ: Մարմնագույնը հեշտությամբ համադրվում է երկնագույնի, շականակագույնի, սևի, կանաչակապույտի, կարմիրի և սպիտակի հետ:

Աղջիկների ամենասիրելի վարդագույնը հաճախ օգտագործվում է երեկոյան զգեստների մեջ: Այն շատ գեղեցիկ կլինի, եթե կիրառեք բաց երկնագույնի, մոխրագույնի, բաց սևի, շագանակագույնի և իհարկե սպիտակի հետ:

Նուրբ զգեստների հետ այնքան հեշտ «լեզու գտնող» երկնագույնը թեթև ու ամառային գույն է: Կարելի է համադրել կարմիրի, կապույտի, շագանակագույնի, նարնջագույնի, վարդագույնի, սպիտակի և դեղինի հետ:

 

Հատկապես սևահեր աղջիկներին խորհուրդ է տրվում հաճախ կրել կապույտը: Այն էլեգանտ և խորհրդավոր գույն է: Կապույտը համարվում է բազային գույն, այն կարելի է համադրել կամակոր գույների հետ, ինչպիսիք են մուգ վարդագույնը, կարմիրը, մանուշակագույնը, վարդագույնը և կապույտի մյուս երանգները:

Կարմիրն ամենակամակոր, բայց և ամենակրքոտ և միաժամանակ էլեգանտ գույնն է: Հոգեբանները պնդում են, որ կարմիր հագած աղջիկները մի քանի անգամ ավելի շուտ են մնում մարդու հիշողության մեջ, քան այլ գույնի զգեստ կրողները: Կարմիրը կարելի է համադրել դեղինի, սպիտակի, դարչնագույնի, կանաչի, կապույտի և սևի հետ: Այնուամենայնիվ, հիշե՛ք, որ ցանկացած դեպքում կինը գեղեցիկ է պարզության մեջ: