ՊԱՏՄՈՒԹՅԱՆ ԱՅՍ ՕՐԸ (3 ՆՈՅԵՄԲԵՐԻ)․Առա­ջին ան­գամ օգ­տա­գոր­ծել են միջ­մայր­ցա­մա­քա­յին ռմբա­կո­ծիչ աե­րոս­տատ­ներ․«Փաստ»

«Փաստ» օրաթերթը գրում է

ՏՈՆԵՐ

Պանամա՝ Անկախության օր, Դոմինիկա՝ Անկախության օր, Միկրոնեզիայի դաշնային նահանգներ՝ Անկախության օր, Մալդիվներ՝ Հաղթանակի օր։

ՀԱՅ-ՀԱՅԱՍՏԱՆ

1901- հայդուկները հասել են Առաքելոց վանք, նրանց են միացել նաև երկու տասնյակ զինված գյուղացիներ, և միացյալ ուժերով նրանք ձեռնամուխ են եղել վանքի ամրացման աշխատանքներին:

1921- Երևանում բացվել է բժշկական դպրոց, որը 1922 թվականին վերածվել է Երևանի պետական համալսարանի բժշկական ֆակուլտետի, որի առաջին դեկանն է դարձել Սպանդարատ Կամսարականը։

1972 - Երևանում բացվել է Գաբրիել Սունդուկյանի հուշարձանը։

1976– տեղի է ունեցել Երևանի Սուրբ Սարգիս եկեղեցու օծման հանդիսավոր արարողությունը։ 1977 –ծնվել է ամերիկացի հայազգի ֆոտոլրագրող Սքաութ Թուֆանկջյանը։ 1978 –ծնվել է հայազգի շախմատիստ Սերգեյ Մովսիսյանը։

1980- վախճանվել է հայ թատերագետ, գրականագետ և արվեստաբան Սարգիս Մելիքսեթյանը։

1997– վախճանվել է նշանավոր պետական և քաղաքական գործիչ Աշոտ Նավասարդյանը։

2004-Հայաստանի կառավարության արտահերթ նիստում հաստատվել է «ԱրմենՏել»-ի թիվ 60 լիցենզիայի նոր տարբերակը, որով այդ ընկերությունը զրկվել է բջջային կապի ոլորտում մենաշնորհից՝ փոխարենը պահպանելով ինտերնետ կապի և IP հեռախոսակապի մենաշնորհը: Նաև որոշվել է թույլատրել երկրորդ օպերատորի մուտքը և լիցենզիա տրամադրել «Ղ-Տելեկոմ» ընկերությանը։

2006-բջջային կապի ռուսաստանյան օպերատոր «ՎիմպելԿոմ» ընկերությունը հայտարարել է, որ պատրաստ է հունական OTE ընկերությունից 490 միլիոն դոլարով գնել «ԱրմենՏել»-ի բաժնետոմսերի 90 տոկոսը:

2007- վախճանվել է ռադիոֆիզիկոս, հասարակական և պետական գործիչ Ռաֆայել Ղազարյանը։ -վախճանվել է կինոօպերատոր Ալբերտ Յավուրյանը։

2010- վերաբացվել է Գարեգին Նժդեհի, այսպես կոչված «Վստրեչի», ուղետար կամուրջը։

2015-Տուլայի տարածաշրջանում վթարի է ենթարկվել Մոսկվա-Երևան երթուղային ավտոբուսը, որի արդյունքում զոհվել է 8 և վիրավորվել 43 ՀՀ քաղաքացի:

2018-Միքայել Մինասյանը հետ է կանչվել Սուրբ Աթոռում Հայաստանի դեսպանի պաշտոնից։

2019- ավանդական հերթական «լայվ»-ով եթեր է դուրս եկել վարչապետ Նիկոլ Փաշինյանը՝ մանրամասն ցուցադրելով կառավարական ամառանոցն ու շրջակայքը, նաև պարզաբանելով, որ նորոգման համար ծախսվել է ոչ թե 2 միլիոն, այլ տասնապատիկ պակաս՝ 200 հազար դոլար։

ԱՇԽԱՐՀ

39 –ծնվել է հռոմեացի պոետ Մարկուս Աննեուս Լուկանոսը։

361 –վախճանվել է Բյուզանդիայի կայսր Կոստանդիոս 2-րդը։

1493 - Քրիստափոր Կոլումբոսն առաջին անգամ տեսել է Դոմինիկա կղզին։

1500 –ծնվել է իտալացի քանդակագործ Բենվենուտո Չելինին։

1592 - Մեքսիկայում հիմնադրվել է Սան Լուիս Պոթոս քաղաքը։

1783 - Լոնդոնում վերջին անգամ իրականացվել է կախաղանահանում, կախաղան է բարձրացվել Ջոն Օսթերը։

1793 -մահապատժի է ենթարկվել ֆրանսիացի գրող, լրագրող և քաղաքական գործիչ Օլիմպիա դե Գուժը։

1887 –ծնվել է ռուս խորհրդային գրող Սամուիլ Մարշակը։

1888- Սանկտ Պետերբուրգում առաջին անգամ կատարվել է Նիկոլայ Ռիմսկի-Կորսակովի «Շախերիզադե» սիմֆոնիկ սյուիտը։

1897 - Բեռլինում Դավիթ Շվարցի ստեղծած ամբողջամետաղական «Մետալբալլոն» դիլիժաբլի թռիչքը ավարտվել է նրա ջախջախմամբ շարժիչի խափանման պատճառով։

1901 –ծնվել է ֆրանսիացի գրող և արվեստաբան Անդրե Մալրոն։

1903 -վախենալով, որ ԱՄՆ-ը ջրանցք կառուցելու նպատակով կընտրի այլ վայր, եթե Կոլումբիան շարունակի չվավերացնել «Պանամայի ջրանցքի տարածքի մասին համաձայնագիրը», պանամացի անջատողականները ԱՄՆ-ի ռազմական աջակցությամբ հայտարարել են Պանամայի անկախությունը Կոլումբիայից։

1905 -վերականգնվել է Ֆինլանդիայի ինքնիշխանությունը։

1906– Բեռլինում Միջազգային ռադիոտելեգրաֆային կոնվենցիայով «SOS» հաղորդագրությունը ընդունվել է որպես օգնության միասնական ազդանշան։

1907 -Ֆրանսիայում առաջին թռիչքն է իրականացրել աշխարհում առաջին ուղղաթիռը։

1914- վախճանվել է ավստրիացի բանաստեղծ Գեորգ Թրակլը։

1918 - Լեհաստանը հռչակել է իր անկախությունը Ռուսաստանից։

1940- Երկրորդ համաշխարհային պատերազմի ժամանակ բրիտանական զորքերը Կրետե կղզում գրավել են Սուդա Բեյը։

1941 -Երկրորդ համաշխարհային պատերազմի ժամանակ Կիևում գերմանական օկուպացիոն զորքերն իրականացրել են պայթյուններ, ավերվել են Ուսպենսկի տաճարը և այլ շենքեր։

1944-ճապոնացիները ԱՄՆ-ի վրա գրոհի ժամանակ առաջին անգամ օգտագործել են միջմայրցամաքային ռմբակոծիչ աերոստատներ։

1954– վախճանվել է ֆրանսիացի մեծ նկարիչ Անրի Մատիսը։

1954 -Ճապոնիայում առաջին անգամ էկրաններին հայտնվել է «Գոձիլան»։

1969- ԱՄՆ-ի նախագահ Ռիչարդ Նիքսոնը խոստացել է դուրս բերել բոլոր ցամաքային զորամասերը հարավային Վիետնամից։

1978– Դոմինիկան անկախացել է Միացյալ Թագավորությունից։ 2003- վախճանվել է խորհրդային նշանավոր բանաստեղծ և հասարակական գործիչ Ռասուլ Համզատովը։

2010 -վախճանվել է խորհրդային և ռուսական քաղաքական գործիչ Վիկտոր Չերնոմիրդինը։

Մանրամասները՝ «Փաստ» օրաթերթի այսօրվա համարում