ՊԱՏՄՈՒԹՅԱՆ ԱՅՍ ՕՐԸ (24 ՆՈՅԵՄԲԵՐԻ)․Երև­ա­նում բաց­վել է կեն­դա­նա­բա­նա­կան այ­գին․«Փաստ»

«Փաստ» օրաթերթը գրում է

ՏՈՆԵՐ

Արկտիկայի երկրներ՝ Ծովացուլի օր, Տաջիկստան՝ Ազգային դրոշի օր ։

ՀԱՅ-ՀԱՅԱՍՏԱՆ

1691-վախճանվել է քերականագետ և թարգմանիչ Հովհաննես Հոլովը։

1861 –ծնվել է գրականագետ Աբրահամ Զամինյանը։

1886 –ծնվել է գրականագետ, պատմաբան Արտաշես Կարինյանը։

1895 –ծնվել է հանրահայտ դերասան Հրաչյա Ներսիսյանը։

1897-ծնվել է նկարիչ Գևորգ Գրիգորյանը (Ջիոտտո)։

1897– ծնվել է թատրոնի և կինոյի հայ մեծանուն դերասան Ավետ Ավետիսյանը:

1913- վախճանվել է անգլիացի հայագետ Հենրի Լինչը։

1920– Ալեքսանդրապոլում սկսվել են հայթուրքական հաշտության բանակցություններ, որոնք ավարտվել են դեկտեմբերի 2-ի լույս 3-ի գիշերը՝ այն բանից հետո, երբ Հայաստանն արդեն խորհրդայնացվել էր, իսկ կառավարությունը հրաժարվել էր իշխանությունից։

1939 –ծնվել է ֆիզիկաքիմիկոս Իրմա Վարդանյանը։

1940 - Երևանում բացվել է կենդանաբանական այգին։

1941-վախճանվել է դրամատուրգ և բժիշկ Ստեփան Բաղդասարյանը։

1944 –ծնվել է բանաստեղծ Կորյուն Առաքել յանը։

1960 –ծնվել է խորհրդահայ և ռուսական ռոք երգիչ Արմեն Գրիգորյանը։

1962 –ծնվել է Արցախի պետական և քաղաքական գործիչ Արթուր Աղաբեկյանը։

1988- ադրբեջանական Զակատալի և Շեքի քաղաքներում տեղի են ունեցել հայկական ջարդեր, իսկ Նախիջևանում ցուցարարները այրել են կարգուկանոն հաստատող խորհրդային բանակի զրահամեքենան, որի արդյունքում մեկ զինծառայող զոհվել է, իսկ վեցը՝ վիրավորվել։

1991- վախճանվել է բանաստեղծ և թարգմանիչ Վռամ Հովսեփյանը։

2005-Լոս Անջելեսում մեկնարկել է «Հայաստան» համահայկական հիմնադրամի նախաձեռնած «Արցախի վերածնունդ» հեռուստամարաթոնը, որի ընթացքում հանգանակված գումարներն ուղղվել են Լեռնային Ղարաբաղի Մարտակերտի շրջանի վերականգնմանը, զարգացմանն ու վերաբնակեցմանը:

2006-Ադրբեջանի արդարադատության նախարարությունը դիմել է Հունգարիայի արդարադատության նախարարությանը՝ հայ սպա Գուրգեն Մարգարյանին կացնահարած Ռամիլ Սաֆարովին հայրենիք վերադարձնելու խնդրանքով:

2010-Մինասի որմնանկարներն իրենց տեղն են գտել կառավարության շենքում. կառավարության շենքի 3-րդ հարկի նիստերի դահլիճում տեղի է ունեցել Մինաս Ավետիսյանի «Հանդիպում» և «Խաչքարի մոտ» որմնանկարների վերաբացման արարողությունը։

2015- վախճանվել է դերասանուհի Վարդուհի Վարդերեսյանը։

2017- Արևել յան գործընկերության գագաթաժողովի ընթացքում պաշտոնական Բրյուսելը և Երևանը հաստատել են Հայաստան - Եվրամիություն նոր համաձայնագիրը: - «Հայաստան» համահայկական հիմնադրամի «Հեռուստամարաթոն-2017»-ի արդյունքում 12 միլիոն 505 հազար 456 դոլար է հանգանակվել, որը ուղղվել է Լեռնային Ղարաբաղում երկու խոշոր ծրագրի իրականացմանը:

ԱՇԽԱՐՀ

62 -վախճանվել է հռոմեացի երգիծաբանպոետ Ավլ Պերսի Ֆլակկը։

380 - Հռոմի Թեոդոսիոս Ա Մեծ կայսրը հանդիսավոր մուտք է գործել Կոստանդնուպոլիս։ 1632 –ծնվել է նիդեռլանդացի փիլիսոփա Բենեդիկտ Սպինոզան։

1639 -Ջերեմի Հորրոկսը առաջին անգամ դիտարկել է Վեներա մոլորակի անցումը Արեգակի սկավառակի առջևով։

1642– հոլանդացի ծովագնաց Աբել Թասմանը հայտնաբերել է կղզի, որը հետագայում իր անունով կոչվել է Թասմանիա:

1713– ծնվել է անգլիացի գրող, արձակագիր Լորենս Սթեռնը:

1729 –ծնվել է ռուս զորավար և ռազմական տեսաբան Ալեքսանդր Սուվորովը։

1859– տպագրվել է Չարլզ Դարվինի «Տեսակների ծագումը» նշանավոր աշխատությունը:

1862 –ծնվել է անգլիացի հասարակական և քաղաքական գործիչ Ֆրենսիս Սթիվենսոնը։

1864 –ծնվել է ֆրանսիացի նկարիչ, պոստիմպրեսիոնիզմի ներկայացուցիչ Անրի դը Տուլուզ-Լոտրեկը։

1888 –ծնվել է ամերիկացի մանկավարժ, հոգեբան և գրող Դեյլ Քարնեգին։

1905 -Ռուսաստանում սկսվել է լեյտենանտ Պյոտր Շմիդտի ղեկավարած Սևաստոպոլ յան ապստամբությունը։

1937 -ԽՍՀՄ-ի Լենինգրադ քաղաքում տեղի է ունեցել արևելագետների գնդակահարությունը։

1954– ծնվել է սերբ կինոռեժիսոր, երաժիշտ ու դերասան Էմիր Կուստուրիցան:

1956 -ԽՄԿԿ Կենտկոմի որոշմամբ վերականգնվել են կալմիկների, կարաչաևցիների, բալկարների, չեչենների և ինգուշների ինքնավարությունը։

1961 -ՄԱԿ-ի Գլխավոր ասամբլեայի որոշմամբ արգելվել է ատոմային զենքի օգտագործումը։

1969– ԱՄՆ-ն ու ԽՍՀՄ-ը ստորագրել են Միջուկային զենքի չտարածման մասին պայմանագիր:

1991 –վախճանվել է տանզանա-բրիտանացի երգիչ, երգահան, «Queen» խմբի առաջատար երգիչ, պրոդյուսեր Ֆրեդի Մերկուրին։

Մանրամասները՝ «Փաստ» օրաթերթի այսօրվա համարում