Ինչպես Ամանորին երազանք պահել, որպեսզի այն իրականանա

Past.am-ը ներկայացնում է մի քանի խորհուրդ` ինչպես Ամանորին երազանք պահել, որպեսզի այն իրականանա:

Ամանորի գիշերը շատ կարեւոր է երազանք պահել: Ասում են` այդ գիշեր պահած բոլոր երազանքները կատարվում են: Իսկ ինչպես դա անել:

Ամանորյա երազանք պահելու ամենատարածված ձեւը 12 զանգերի ղողանջների ներքո թղթի կտորի վրա երազանք գրելն է, այն այրելն ու շամպայնի հետ խմելն է: Որպեսզի այս երազանգը ստույգ իրականանա, պետք է այդ ընթացքում կենտրոնանալ բուն երազանքի վրա:

Պետք է հստակ պատկերացնել ոչ միայն երազանքը, այլև դրա իրականացումը: Չշեղվելու համար կարող եք ամեն մեկի բաժակի կողքին մի-մի կտոր թուղթ-գրիչ ու կրակայրիչ դնել, որպեսզի բոլորը միանան ծիսակարգին: Եվս մեկ խորհուրդ. աշխատեք պահել կոնկրետ երազանքներ:

Որքան հստակ լինի երազանքը, այնքան այն իրականանալու հավանականությունը մեծ կլինի:

Կարող եք հետեւել իսպանացիների ավանդույթին։ 12-ը ղողանջող ամեն զանգի հետ մեկ հատիկ խաղող կերեք ու ընթացքում երազանք պահեք։

Նախապես վառ գույներով նկարեք ձեր երազանքը, թուղթը գեղեցիկ կլորացրեք ու կախեք տոնածառից։ Իսկ ամանորյա գիշերը հանեք այն, դրեք մի թաքուն տեղ, մինչեւ որ երազանքն իրականանա։ Երազանք պահելու հին ռուսական հետաքրքիր ավանդույթ էլ կա։ Երազանք եք պահում ու սպասում առաջին հյուրին, ով կմտնի ձեր տուն Ամանորի գիշերը։ Եթե այնպիսի մարդ գա, ում չէիք սպասում, բռնեք նրա ձեռքն ու մտքում կրկնեք ձեր երազանքը։ Եթե այդ հյուրը իրեն ուրախ ու լավ դրսեւորի, ձեր երազանքն անպայման կիրականանա։

Կարող եք Ամանորի գիշերը, երբ լույսը կսկսի բացվել, տաք հագնվել ու դուրս գալ՝ լուսաբացը դրսում դիմավորելու։ Երբ լույսը սկսի բացվել, երազանք պահեք, ու այն կիրականանա։

Եթե չեք հասցրել երազանք պահել Ամանորի գիշերը, մի տխրեք։ Երբ տոնածառն արդեն հավաքելիս լինեք, նախքան ամենավերջին խաղալիքը հանելը երազանք պահեք, նոր այն դրեք տուփի մեջ։