10 «տանը մնացած» 40-ն անց աստղեր (լուսանկարներ)

ՖՈՏՈ 10 Դեկտեմբեր, 2015 14:46

Մեր ժամանակներում քչերին է անհանգստացնում, որ իրենք կարող են համարվել «տանը մնացած»։ Այսօր ամուսնության տարիքային շեմը բարձրացել է, իսկ երբ խոսքը վերաբերվում է հայտնիներին, ապա նրանք ընդհանրապես այդ ուղղությամբ չեն էլ անհանգստանում։ Իրականում նրանք այնքան հմայիչ են ու գեղեցիկ, որ ոչ ոքի լեզուն չի էլ պտտվի նրանց «տանը մնացած» անվանել։

Ահա Past.am-ը ներկայացնում է հոլիվուդյան 10 հմայիչ կանայք, ովքեր թեեւ 40 տարեկանն անց են, սակայն դեռ ամուսնանալու մասին չեն մտածում։

Դենիզ Ռիչարդս

Հոլիվուդյան աստղն ամուսնանալու փորձ ունեցել է արդեն ու ոչ ավել, ոչ պակաս՝ հոլիվուդյան «դժվար երեխա» Չարլի Շինի հետ։ 2006-ին ամուսնալուծվելուց հետո նա սկսեց կենտրոնանալ իր կարիերայի վրա ու թեեւ արդեն 44 տարեկան է, ամուսնանալ դեռեւս չի պատրաստվում։

Շերիլ Կրոու

Այս տաղանդավոր երգչուհին երբեք ամուսնացած չի եղել։ 2005-ին նա նշանված է եղել, սակայն շուտով բաժանվել է սիրելիից եւ մինչ օրս լուրջ հարաբերություններ չի ունեցել։ 53-ամյա երգչուհին, սակայն, հայտարարել է, որ իր համար ամուսնությունը շատ լուրջ թեմա է եւ անպայման մի օր կամուսնանա։

Վայնոնա Ռայդեր

90-ականներին չափազանց հայտնի Վայնոնա Ռայդերը ժամանակին հանդիպել է Ջոնի Դեփի, ապա՝ Մեթ Դեյմոնի հետ։ Դեփի հետ նրանք անգամ նշանվել էին, սակայն շուտով բաժանվեցին։ Դերասանուհին ասել է, որ պատրաստվում է միայն մեկ անգամ ամուսնանալ, այդ պատճառով էլ դեռեւս չի ամուսնացել։

Սանդրա Բալոք

Անսահման հմայիչ Սանդրա Բալոքը մեկ անգամ ամուսնացած եղել է, սակայն շուտ բաժանվել է, ըստ լուրերի, ամուսնու դավաճանության պատճառով։ Դրանից հետո դերասանուհին մոռացել է ամուսնության մասին։

Եվա Լանգորիա

Երկու անգամ ամուսնալուծված գեղեցկուհի դերասանուհին հաճախ է սիրահարվում, սակայն գործն ամուսնության դեռեւս չի հասնում։

Չելսի Հենդլեր

40-ամյա դերասանուհին հստակ հայտարարել է՝ ինքը չի պատրաստվում ամուսնանալ, երբեք։

Կոննի Բրիտոն

Ամերիկյան սերիալների դերասանուհին մեկ անգամ ամուսնացած եղել է, սակայն բաժանվել է, երեխա որդեգրել ու հիմա կարծես թե չի մտածում նորից ամուսնանալու մասին։

Քրիստին Դևիս

«Սեքսը մեծ քաղաքում» սերիալի հայտնի աստղը ասում է, որ ամուսնության վրա կենտրոնացած չէ։ Նա երբեք ամուսնացած չի եղել, փոքրիկ աղջկա է որդեգրել, ում էլ նվիրել է իր կյանքը։

Ումա Թուրման

Ումա Թուրմանը երբեք երկրպագուների պակաս չի զգացել, տղամարդիկ միշտ էլ խենթացել են նրա համար, նա էլ բազմաթիվ սրտեր է կոտրել։ Մի քանի անգամ ամուսնանալուց հետո դերասանուհին այժմ ազատ է եւ միայնակ։

Շարլիզ Թերոն

Գեղեցկուհի Շարլիզ Թերոնը չափազանց հաջողակ դերասանուհի է, սակայն անհաջողակ է սիրո հարցում։ Ամեն անգամ, երբ մի նոր տղամարդ է հայտնվում նրա կյանքում, անմիջապես տարածվում են նրանց բաժանման մասին լուրերը։