ՊԱՏՄՈՒԹՅԱՆ ԱՅՍ ՕՐԸ (8 ԴԵԿՏԵՄԲԵՐԻ)․Ստեղծ­վել է Ան­կախ պե­տու­թյուն­նե­րի հա­մա­գոր­ծակ­ցու­թյու­նը․«Փաստ»

«Փաստ» օրաթերթը գրում է

ՏՈՆԵՐ

Բուլղարիա՝ Ուսանողի օր, Հյուսիսային Մակեդոնիա՝ Ուսանողի օր, Ռումինիա՝ Սահմանադրության օր, Ուզբեկստան՝ Սահմանադրության օր, Ֆինլանդիա՝ Յան Սիբելիուսի և ֆիննական երաժշտության օր։

ՀԱՅ-ՀԱՅԱՍՏԱՆ

1496– վախճանվել է նշանավոր բնագետ– բժիշկ, մատենագիր, բառարանագիր Ամիրդովլաթ Ամասիացին։

1810- Ռուսական զորքերը գրավել են Ախալքալաքը։

1895- Կովկասի փոխարքան կարգադրել է հայկական ծխական դպրոցները ենթարկել պետական իշխանություններին։

1918 - Թիֆլիսում լույս է տեսել հայալեզու «Կոմունիստ» բոլշևիկյան թերթը։ 1919 –ծնվել է բանաստեղծ, արձակագիր, թարգմանիչ, հրապարակախոս, հասարակական գործիչ Հրաչյա Հովհաննիսյանը։

1941 –ծնվել է թարգմանիչ Վազգեն Ամարյանը։

1955 –ծնվել է արձակագիր Լևոն Խեչոյանը։

1960 –ծնվել է քանդակագործ, նկարիչ Արմեն Աթանյանը։

1970– վախճանվել է խորհրդահայ նշանավոր ֆիզիկոս Աբրահամ Ալիխանովը։

2005- հանրաքվեի ընթացքում ձայների ճնշող մեծամասնությամբ ընդունված ՀՀ Սահմանադրությունը պաշտոնապես ուժի մեջ է մտել:

2007-Հայաստանի առաջին նախագահ Լևոն Տեր-Պետրոսյանը Երևանի Ազատության հրապարակում կայացած բազմահազարանոց հանրահավաքի ժամանակ խստորեն քննադատել է երկրի իշխանություններին և պատասխանել նրանց կողմից իրեն ուղղված մի շարք մեղադրանքներին:

2009-շնչառական վիրուսային հիվանդությունների պատճառով դպրոցներում դադարեցվել են դասերը՝ համաձայն կրթության եւ գիտության նախարար Արմեն Աշոտյանի հրամանի։

2010-Երևանի քաղաքապետ Գագիկ Բեգլարյանը հրաժարական է ներկայացրել:

2015- ղարաբաղա-ադրբեջանական շփման գծում հակառակորդը, շուրջ 180 անգամ խախտելով հրադադարի ռեժիմը, հետպատերազմական ընթացքում առաջին անգամ հայկական հենակետերը արկակոծել է տանկերով։

ԱՇԽԱՐՀ

մ.թ.ա. 65 – ծնվել է հին հռոմեացի նշանավոր գրող Հորացիուսը։

1723– ծնվել է ֆրանսիացի մատերիալիստ, աթեիստ Փոլ Անրի Հոլբախը, որը համարվում է գիտական աթեիզմի հիմնադիրը։

1863 -չիլիական Լա-Կամպանա եկեղեցում բռնկված հրդեհի պատճառով զոհվել է ավելի քան 2 000 մարդ։

1903– վախճանվել է անգլիացի փիլիսոփա, հոգեբան, սոցիոլոգ, պոզիտիվիզմի հիմնադիրներից մեկը՝ Հերբերտ Սփենսերը։

1922– ծնվել է Զիգմունդ Ֆրոյդի թոռը՝ բրիտանացի նկարիչ Լյուսյեն Ֆրոյդը, որն ունի գերմանական ու հրեական ծագում։

1930– ծնվել է ավստրիացի դերասան, ռեժիսոր, սցենարիստ և պրոդյուսեր Մաքսիմիլիան Շելլը։

1941- Երկրորդ համաշխարհային պատերազմի ժամանակ հիտլերականները առաջին անգամ հրեաների ոչնչացման համար օգտագործել են թունավոր գազեր։ -Երկրորդ համաշխարհային պատերազմի ժամանակ ճապոնացիները ներխուժել են Թայլանդ, Մալայզիա, Ֆիլիպիններ և Հոնկոգ։

1955 -Հաստատվել է ԵԽԽՎ-ի դրոշը, որը ներկայիս Եվրամիության դրոշն է։

1980 –վախճանվել է անգլիացի ռոք-երաժիշտ Ջոն Լենոնը։

1987 - «Ֆիլադելֆիա Ֆլեյերզ»-ի դարպասապահ Ռոն Հեկստոլը դարձել է առաջին դարպասապահը, որը գոլ է խփել հոկեյի Ազգային լիգայի խաղերում։

1987 -Վաշինգտոնում Միխայիլ Գարբաչովը և Ռոնալդ Ռեյգանը ստորագրել են միջին և փոքր հեռահարության հրթիռների լիկվիդացիայի պայմանագիր։

1991- Մինսկի մոտակայքի Բելովեժսկ բնակավայրում երեք սլավոնական հանրապետությունների՝ Ռուսաստանի, Ուկրաինայի և Բելառուսի ղեկավարները ստորագրել են համաձայնագիր ԽՍՀՄ-ի գոյությունը դադարեցնելու մասին։

1991- նախկին ԽՍՀՄ-ի հանրապետությունների կողմից ստորագրված համաձայնագրով ստեղծվել է Անկախ պետությունների համագործակցությունը՝ ԱՊՀ-ն։

1999 -Մոսկվայում ստորագրվել է Ռուսաստան-Բելառուս միութենական պետության մասին ստեղծման համաձայնագիր։

2005- Չինաստանում ավարտվել է շոգու ուժի օգտագործումը, Ցզիտունյան երկաթուղում գծերից հանվել են բոլոր շոգեքարշերը։

2013 -ուկրաինական Եվրոմայդանի շրջանակներում «Ազատություն» կուսակցության ակտիվիստները Կիևում պատվանդանից հանել և ջարդել են Լենինի արձանը, Ուկրաինայում սկսվել է «լենինաթափը»։

2019-վախճանվել է ամերիկացի ռեփեր Ջուիս Վրդը, որը հիմնականում երգել է էմոռեպ ենթաժանրի երգեր։

Մանրամասները՝ «Փաստ» օրաթերթի այսօրվա համարում