Ընտանիք ստեղծելու համար բավական է սիրել, իսկ այն պահպանելու համար պետք է դիմանալ և ներել. Մայր Թերեզա

Life.panorama.am-ը գրում է.

Մայր Թերեզային համարում են աշխարհի ամենաազդեցիկ կանանցից մեկը։ Այս կնոջ ձեռբերումները իրոք զարմացնում են, նրա անձը շատ կարևոր է  ողջ մարդկության համար։

Մայր Թերեզան, «Միսիոներական սիրո քույրեր» կանանց միության հիմնադիրը, 1979 թվականին արժանացել է  Նոբելյան մրցանակի։

Ձեզ ենք ներկայացնում Մայր Թերեզայի մտքերը սիրո, ներելու, խաղաղության և ընտանիքի մասին։

1.Ընտանիք ստեղծելու համար բավական է սիրել, իսկ այն պահպանելու համար պետք է դիմանալ և ներել։

2.Թող յուրաքանչյուրը, ով գալիս է  քեզ մոտ, հեռանա ավելի բարի և երջանիկ դարձած։

3. Ամենաուժեղ  դեղը քնքուշ սերն է և հոգատարությունը։

4. Սիրիր և թող սերը քեզ համար նույնքան բնական լինի, ինչքան շնչառությունը։

5. Կարևոր չէ, թե ով եք դուք և ինչ են խոսում ձեր մասին. ընդունեք ամեն ինչը ժպիտով և շարունակեք անել ձեր գործը։

6. Այն ամենը, ինչ անում եք, արեք սիրով կամ մի արեք ընդհանրապես։

7. Չկա երջանկության որևէ բանալի։ Դուռը միշտ բաց է։

8.Աստված մեզ փորձություններ է ուղարկում, որպեսզի մենք, հաղթահարելով դրանք, ավելի ամրանանք, այլ ոչ թե հուսահատվենք։

9.Ամենուր սեր տարածեք, և առաջին հերթին, ձեր  տանը։

10. Մի մարդուց հիասթափվելով՝ մյուսին մի պատժեք։ Բոլոր մարդիկ տարբեր են։

11. Եթե դուք դատում եք որևէ մեկին, ապա նրան սիրելու համար ձեզ ժամանակ չի մնում։

12. Մարդկանց ավելի շատ սերն է պակասում քան հացը։

13.Ինչ կարող եք դուք անել խաղաղության հաստատման համա՞ր. գնացեք տուն և սիրեք ձեր ընտանիքը։

14.Բարի գործերը կարճ են, դրանք կատարվում են արագ և թեթև, բայց դրանց արձագանքը հավերժ է։